Үй жағдайында индивидуалды оқыту жоспары

Түсінік хат

«Ойын баланың алдынан өмір есігін ашып, оның шығармашылық қабілетін дамытады, ойынсыз ақыл- ойдың қалыптасуы мүмкін емес». (В.А. Сухомолинский)

Бүгінгі таңда жалпы білім беретін орта мектеп жаңа қоғам мектебі, болашақ мектебі, яғни саналы халықтық мәдениетке бағытталған, баланың жеке басының дамуына, жеке тұлға болып қалыптасуына жағдай жасайтын, бәсекеге қабілетті, елдің ертеңі болатын жас ұрпақты өсіріп, дамытатын мектеп болуы тиіс.

Үй жағдайында оқыту.

Қазіргі кезде мектептерде кемтар балаларды қамқорлыққа алып, олардың қалыптасуына және айығуына мүмкіндік жасап, өз бетімен өмір сүруіне бағыт бағдар беруге арнайы дайындық жүргізілуде. Кемтар балалардың білім деңгейін көтеріп, өмірге қажетті білім білік дағдысын, тәртібін қалыптастыруға байланысты түрлі шаралар жасалуда. Бұл балаларды оқытатын мұғалімдердің алдына екі түрлі міндет қойылады.

1. Баланың мектепке дайындығын анықтау;

2. Тәрбиесіндегі кемістігін жою;

3. Сабақты жүйелі жоспарлау.

Баланың мектепке дайындығын анықтау үшін оларды жазу, сызу, оқуға үйретпес бұрын олардың қабілеттері бойынша жеке ерекшелігін, психологиялық дайындығын байқау керек. Белгілі психологтар Д.В. Эльконин, В.В. Давыдов, Р.С. Немов зерттеулері бойынша баланы жүйелі оқыту үшін психологиялық дайындығына ерекше назар аудару керек дегенді атап айтады. Қазір мектептерде коррекциялық сабақтар жүргізіле бастады. Коррекция дегеннің өзі «түзету» деген мағына береді. Бұның басты мақсаты-бала бойындағы, тәртібіндегі кемшіліктерді түзету. Ол баланың өзіне 1) сенім, 2)көз жеткізу, 3)кеңес беру, 4) психоанализ, 5) логотерапия, 6) аутотренинг сияқты методикаларды қабылдау арқылы жүзеге асырады.

Мақсаты:

Үйде оқытылатын оқушының өзін-өзі анықтауына, қоршаған ортаға деген көзқарасын анықтап, көмек беру. Баланы қамқорлыққа алып, оның қалыптасуына және айығуына мүмкіндік жасап, өз бетімен өмір сүруіне бағыт бағдар беру.Оқушының білім деңгейін көтеріп, өмірге қажетті білім білік дағдысын, тәртібін қалыптастыруға байланысты түрлі шаралар жасау.

Міндеттері:

1. Оқушылардың бойында пайда болуы мүмкін алаңдаушылықтардың алдын алу, жою, эмоционалдық көңіл-күйлерін тұрақтандыру;

2. Бастауыш мектепте оқу бейімділіктері, оқу дағдылары туралы түсінігін қалыптастыру;

3. Өздігінен қабылдау, өздігінен ашылу және басқаларды қабылдау негізінде басқа адамдармен қарым-қатынас жасау дағдыларын дамыту;

4. Оқушылардың таным процестерін анықтап, қалыптастыру, дамыту;

5. Санасында өзі туралы даму мүмкіншілігі зор адам ретінде түсінік қалыптастыру.

Жағдай жасау:

Оқушының айығуына және рухани қалыптасуына психологиялық тұрғыдан жағдай жасау;

Қорқынышты төмендетуге жағдай жасау;

Ойын түрінде жаттығуларды орындату;

Жұмыстың әдістері:

Сабақтарда психодиагностикалық, психокоррекциялық, психопрофилактикалық әдістер қолданылады. Сабақтардың тиімділігі баланың шығармашылық оңтайлылығын дамытуда, оның өздерінің сезімін, мәселесін, қарым-қатынасын, оқиғасын талдай білу қабілетін, білім алу қабілетін дамыта білуінде.

Жекелей үйде оқыту бағдарламасы

2-сынып

Барлығы-68 сағат, аптасына 2 сағаттан

Негізгі әдебиеттер:

1. Абрамова Г.С. Возрастная психология.- М.,1997.

2. Возрастная и педагогическая психология./ Под ред. Петровского А.В.- М.,1979.

3. Возрастная и педагогическая психология./ Под ред. Гамезо М.В. и др.- М.,1984.

4. Выготский Л.С. Педагогическая психология.- М.,1991.

5. Зак А.К. Развитие умственных способностей младших школьников.- М.,1994.

Қосымша әдебиеттер:

1. Баркан А.И. Его величество ребенок какой он есть. Тайны и загадки.- М.,1996.

2. Бреслав Г.М. Эмоциональные особенности формирования личности в детстве.- М.,1990.

3. В мире подростка/ Под ред. Бодалева А.А.- М.,1982.

4. Возрастные особенности психического развития детей/ Под ред. Дубровиной И.В., Лисиной М.И.- М.,1992.

5. Лешли Д. Работать с маленькими детьми.- М.,1991.

6. Маркова А.К. Формирование мотивации учения.- М.,1990.

7. Миславский Ю.А. Саморегуляция и активность личности в юношеском возрасте.- М.,1991.