Үй жануарлары

Ортаңғы тобының ұйымдастырылған оқу қызметінің конспектісі

Білім беру саласы: «Таным»

Кіші сала: Жаратылыстану

Тақырыбы: «Үй - жануарлары»

Мақсаты: Үй жануарлары туралы білімдерін кеңейту. Оларды күту жолдарын түсіндіру. Жануарларға қамқор болуға тәрбиелеу.

- Жылқы, сиыр, қой, түйе, ешкі.

- Сыртқы келбеті және оның мінез-құлқы.

- Адамдардың жануарларға қамқорлық жасауын түсіндіру.

- Адамға беретін пайдасы туралы білімдерін кеңейту.

Билингвалдық компонент: жылқы-лошадь, сиыр-корова, түйе-верблюд, ешкі-коза, қой-баран.

Сөздік жұмыс: үй жануарлары, дала жануарлары.

І кезең-

Мотивациялық- қозғаушы

-Балалар, адамдар күнделікті тіршілік етіп, өмір сүретін баспанасын қалай атаймыз?

-Үй қандай бөліктерден тұрады?

- Үй бөліктері қандай геометриялық пішіндерге ұқсайды? 

-Балалар, дұрыс айтасыңдар, енді алдымыздағы тұрған үйдың неше терезесі бар екенін санайық?

-Балалар, әр терезеде жұмбақтар бар екен, мен сендерге оқып берейін.

- Үй

- Төбесі, есік, терезе, үйдің қабырғасыннан тұрады.

- Төбесі үшбұрышқа, есігі тік төртбұрышқа, терезесі төртбұрышқа ұқсайды.

- 1, 2, 3.

Жұмбақтарды тыңдауға келіседі.

ІІ кезең-

Ұйымдастырушылық ізденіс

1. Терезе:

Қамыс құлақ,

тостаған тұяқ,

мінсең қанат,

сүті дәрі, еті тамақ.   

2. Терезе:

Кезікті бір жануар.  

Үстінде екі тауы бар,

3. Терезе:

Кішкене ғана бойы бар,

Айналдыра киген тоны бар 

4. Терезе:

Өзі күшті, мүйізі мықты,

Төрт бұлағы сүт, баға білсең құт.

5. Терезе:

Секең- секең етеді,

Таумен тасқа жетеді.

Жұмбақ шешілген терезе ашылып ішіннен көрінген үй жануарлары тақтаға ілінеді.№2 слайд

Ойын: «Көлеңкемді тап» №3 слайд

-Жарайсыңдар, балалар! Бір сөзбен біз оларды «Төрт түлік » - мал дейміз.

-Балалар, мен сендерге үй жануарларының аталары туралы тақпақты айтып берейін мұқият тыңдайық.

Жылқы атасы- Қамбар ата,

Сиыр атасы- Зеңгі баба.

Түйе атасы- Ойсыл қара,

Қой атасы- Шопан ата.

Ешкінің иесі- Сексек ата. №4 слайд.

Балалар суретте берілген жанауарлар жайлы не білесіңдер?

- Балалар, енді мен сендерге осы үй жануарларының адамға қандай пайдасы бар екенін айтып берейін. Сендер мұқият тыңдандар.

Сиырдың адамға пайдасы көп. Сүтін ішіп, етін жейміз, терісінен киім тігеміз, сондықтан да сиырды күтіп бағуымыз керек.

Қойдың сүтін қорғасын дейді. Етін жеп, жүнін тұрмыста пайдаланымыз.

Ешкі сүті құнарлы, ем болып келеді. Ешкінің түбітінен шәркей, орамал, қолғаптар тоқиды.

Жылқының сүтінен қымыз аламыз. Жылқының еті адам ағзасына пайдалы.

Түйенің сүтінен шұбат дайындайды.

Дид/ойын: «Төлін тап». №5 слайд

Мақсаты: Сурет бойынша төлдерді өз енелеріне сызықпен қосу, сәйкестендіру. 

Сергіту сәті:

Жазда атамның аулына

Барып едім қыдырып,

Бір қошақан алдымнан

Шықты ойнап, секіріп.

Ақ маңдайлы айма екен

Шекер ме екен бал ме екен.

Кеттім оны сағынып,

Қошақаным қайда екен. 

-Балалар үй жануарлары қандай дыбыс шығарады?

-Сиыр «мө-мө-мө» - деген дыбыс шығарады.

- Қой «мә-мә-мә» -деп маңырайды.

- Ешкіні, лақты «шөре-шөре» - деп шақырады.

- Жылқыны «қырау-қырау» деп дауыстап шақырады.

- Түйе «бө-бө-бө» -деп боздайды.

ІІІ кезең-

Рефлексивті-түзету

Балаларға сұрақтар қою. Сұрақ- жауап арқылы қортынды жасау.

Балаларды мадақтау.

Балалардың қызықты жауаптары.

Мадақтауға риза болады.

Күтілетін нәтиже:

Ұғынады: Үй жануарлары туралы білімдерін кеңейтіп.

Түсінеді: Олардың күту жолдарын.

Қолданады: Жануарларға қамқор болуға.