Іс-әрекет түрі

Мұғалімнің іс-әрекеті

Баланың іс-әрекеті

Мативациялық

қозғаушы

Шаттық шеңберіне тұрғызу.

Қуан шаттан,
Қуан шаттан,
Қуанатын күн бүгін.
Қайырлы таң,
Қайырлы күн,
Күліп шықты, күн бүгін.

Балалар шаттық шеңберін құрып, өлең жолдарын айтады.

Ұйымдастыру

Іздену

-Балалар қазір жылдың қай мезгілі?

-Балалар бүгін аптаның қай күні?

1. Балалардың сабаққа қызығушылықтарын ояту.
- Балалар мен бүгін мектепке келе жатып бір қорап тауып алдым. Ол жай қорап емес, сиқырлы қорап екен. Бұл қораптың ішіне жануарлар мен құстарды сиқырлап салып қойыпты. Оларды құтқару үшін біз сендермен жұмбақтар шешуіміз керек. Егер жұмбақтардың жауабын дұрыс тапсаңдар, жануарлар мен құстарды қораптан босатады.
(әрбір жауаптағы жануарлардың суретін шығарып тақтаға ілу)

1) Кішкене ғана бойы бар
Айналдырып киген тоны бар.
Қане, балалар ендеше қойдың дыбысын салыңдаршы.
-Жарайсыңдар!

2) Кезекті бір жануар
Үстінде екі тауы бар

3) Басында екі таяғы бар
Төрт аяғы бар
Бірақ тағы сақалы бар


4) Құлды екен әр шаруа,
Қазығына құт байлап.
Қанша құйып алсаң да,
Сарқылмайды сүт-қаймақ.

5) Көкке шаншып құйрығын,
Келеді шауып жүйрігім.

- Балалар, сендерді ата-әжелерің қандай сөздермен еркелетеді?

- Сендерді ата-әжелерің жақсы көріп, сүйкімді жануарлардың аттарымен еркелетеді екен, қандай тамаша!
- Балалар, осы сүйкімді жануарлар төрт түлікке жатады. Олар: қой, түйе, ешкі, сиыр, жылқы.Қойдың төлі – қозы, түйенің төлі – бота, ешкінің төлі – лақ, сиырдың төлі – бұзау, жылқының төлі – құлын. Халқымыздың байлығы да, берекесі де осы малдар. Адамға пайдасы өте көп. Сүтін ішеміз, етін жейміз, киім қыламыз. Сиырдың, қойдың, сүтінен май,
құрт, айран, ірімшік жасайды. Адамдар да оларға қамқорлық көрсетеді. Бағады, шөп, жем, су береді, сауады, көптеген күтім жасайды.

- Балалар, жануарлар сендерге көмектескендерің үшін рахмет айтып жатыр. Енді біз «Төлін тап» ойынын ойнап жіберейік.

- Өте жақсы, балалар.
- Ал, балалар сиқырлы қораптан тағы бір дауыстар шығатын сияқты. Балалар біздер үй құстарын ұмытып кетіппіз. Үй құстарына да көмектесуіміз керек. Сиқырлы қораптың бізге берген тапсырмасы суретке қарап құстардың атауларын тауып, үй құстарын құтқаруымыз керек.
- Тауық, әтеш, үйрек, қаз, күркетауық. Олардың адамға тигізер пайдасы мол. Мамығынан көрпе, жастық жасайды, етін, жұмыртқасын азық-түлік ретінде пайдаланамыз.

- Өте жақсы, балалар біздер бүгін сиқырлы қораптан үй жануарлары мен үй құстарын құтқардық. Сендерге рахмет айтып жатыр.
Сонымен бүгінгі сабағымыздың тақырыбы үй жануарлары мен үй құстары.

Сергіту сәті.

«Көңілді күн»

- Сонымен балалар үй жануарларына нелер жатады?

- Үй құстарына нелер жатады?

- Өте жақсы балалар.

- Енді балалар дәптеріміздегі тапсырманы орындайық.
(дәптерде бейнеленген жануарлардың ішінен үй жануарлары мен үй құстарын тапқызу. Оларды бояту).

- Үй жануарлары мен үй құстарына арналған тыйым сөздер де бар.
1. Малды ұруға болмайды.
2. Ақты төкпе.
3. Малға теріс мінбе.
4. Құстардың ұясын бұзба. Оларды үркітпе. - деген сияқты тыйым сөздерді ойымыздан шығармауымыз керек.

-Көктем мезгілі

-3-күн сәрсенбі

Балалар мұқият тыңдап, жұмбақтардың жауаптарын табады.

-Қой

- мә – мә

-Түйе

- бө - бө боздайды

-Ешкі

- бе - бе бақырады

-Сиыр

- мө - мө мөңірейді

Жылқы

- е - е - е кісінейді

- Ботақаным, қозым, құлыным, еркем, кішкентай лағым, қошақаным.

Мұқият тыңдайды

Ойынды қызыға ойнайды

Суретке қарап, құстардың атауларын табады.

Тыңдайды.

- Қой, түйе, ешкі, сиыр, жылқы.
- Тауық, әтеш, үйрек, қаз, күркетауық.

Қорытындылау

Жақсы, балалар. Сонымен бүгінгі сабағымызда не туралы айттық? Үй жануарларын атайықшы. Қандай үй құстарын білесіңдер? Үй жануарлары мен үй құстарының пайдасы бар ма?
Балалар, бүгінгі сабаққа жақсы қатысқан балаларға жұлдызша беремін. (балаларға тарату).
Сабақты қорыта келе сендерге айтарым, үй жануарлары мен үй құстарына үнемі қамқор болуымыз керек. Олар үнемі бізден қамқорлық күтеді.
Осымен сабағымыз аяқталды.

- Қане, балалар орнымыздан тұрып келген қонақтармен қоштасайық
Біз ақылды баламыз
Айтқан тілді аламыз
Бүгінгі келген қонаққа
Сау болыңыз деп, айтамыз.

Сұрақтарға жауап береді.