Үй құстары

Алматы облысы білім басқармасының Қарасай ауданы бойынша білім бөлімі" мемлекеттік мекемесінің "Сандуғаш" бөбекжай-балабақшасы" коммуналдық мемлекеттік қазыналық кәсіпорыны

Тақырыбы: «Үй құстары»

Ортаңғы «Балапан» тобы

Тәрбиеші: Ш. И. Базарбаева

Қаскелең қаласы

2024-2025 оқу жылы

Тақырыбы: Үй құстары

Міндеттері: Көрнекілікпен немесе көрнекіліксіз өзіне айтылған сөзді тыңдауды дамыту (қазақ тілі); Балалардың сөздік қорын ойындар арқылы кеңейту (сөйлеуді дамыту); өлеңдерді тыңдай білуге, олардың мазмұнындағы әрекеттердің дамуын бақылауға тәрбиелеу (көркем әдебиет); балалардың назарын адамның жеке қасиеттеріне (мейірімді, жанашыр, қамқор, сезімтал, ұқыпты) аудару (қоршаған ортамен таныстыру)

Көрнекіліктер: құрастыруға керекті материалдар, карточкалар

Әдістер: сөздік, көрнекілік , тосын сый, АКТ

Барысы:

Күнге қарап қолымды
Бір, екі, үш деп соғайын 
Қарап тұрған көршіме
Мен қолымды бұлғайын 
Жылы-жылы жүзбенен,
Жылы-жылы сөзбенен
Жүрегімді сыйлайын.

Музыка ойналып, қонаққа тауық келеді. Ол көңілсіз болып кіреді.

- Сәлеметсіңдер ме, балалар! Қыт-қыт-қыт!

- Сәлеметсің бе, Тауық!

- Балалар, бұл қандай құс? Кім біледі?

- Тауық

- Дұрыс айтасыңдар, бұл – тауық. Бірақ біздің қонағымыз Тауықтың көңіл-күйі жоқ сияқты. Сұрап білейікші.

- Тауық сізге не болған? Неге көңілсізсің?

Тауық:

- Балалар мені әтеш, үйрек, қаз қонаққа шақырып еді. Бірақ оларға баруым үшін, олар туралы тақпақ айтып беруім керек. Мен олар туралы тақпақ білмеймін.

- Балалар, Тауыққа көмектесеміз бе?

- Көмектесейік

Балалар тақпақ айтып береді.

Ясина:

Тауық: Балапанын тауық,

Қызғанады жаман.

Қанатымен жауып,

Санатпайды маған.

Ибраһим:

Қаз: Айбат шекті Ата қаз,

Тас лақтырған балаға,

Шықтыңыз ба далаға

Тиіспеңіз га-га-га

Байжан:

Әтеш: таудамысың, сайдамысың

Таңғы ауада сайра құсым,

Ұйқыдаға ауылды

Оятады әтеш құсым.

Адель:

Үйрек айтты га-га-га,

Шыға алмаймын жағаға.

Су іздесең мұнда кел,

Самал жел бар мұнда да.

Тауық:

- Рақмет балалар!Ал енді мен барайын. Мен оларға осы тақпақтарды айтып беремін. Қонақтан шыққан соң мен міндетті түрде сендерге тағы келемін. Мені күтесіңдер ме?

- Ия, күтеміз

- Балалар әтеш, тауық, үйрек, қаз – олар қандай құстар?

- Үй құстары

(Үй құстарының суретін көрсету, құстардың атын қайталату)

«Үй құстары» бейне-ролик көрсету

Тауық - балапан,

Қаз- мамыр,

Үйрек- шүрегей.

- Олар қайда мекендейді?

- Үйдің ауласында мекендейді.

- Олардың қандай пайдасы бар?

- Олардың еті, мамығы, жұмыртқасы пайдалы

- Балалар үй құстарынан басқа қандай құстарды білесіңдер?

- Дала құстары. Олар табиғатта өз беттерінше өмір сүреді екен. Біз дала құстарына қандай көмек жасадық.

Тапсырмаларды орындау.

Балалар өз еріктерімен тапсырмаларды орындайды

Ойын: «Құстарды құрастыр»

Ойын: «Балапанды қоректендір»

Ойын: «Көлеңкесін тап»

Арт-терапия: «Құстарды тап»

Ойын: Қай құстың дауысы?

Шарты: балалар құстардың дауысын ажыратады

Ойын: Қай құс қалай дыбыстайды?

Тауық: қыт-қыт-қыт

Әтеш: ку-ка-ре-ку

Қаз: қаңқ-қаңқ

Үйрек: быт-быт, быт

Сергіту сәті

Тауық тары жинапты,

Оны ешкімге қимапты.

Бөтегесін толтырып,

Қамбасына құймапты

Қыста тауық қытқыттап,

Тары іздеп жүр тақылдап.

Тіл ұстарту жаттығуы

Ауыл маңы саз – саз - саз,
Жайылады қаз - қаз - қаз
Жем шашсаң мәз - мәз - мәз
Тоймай қалса қаз – қаз – қаз
Шашқан дәнің аз – аз – аз.

• Балалар қараңдар, Қонағымыз келді.

Тауық: Балалар сендердің тақпақтарың үй құстарына қатты ұнады. Олар сендерге үлкен жұмыртқа беріп жіберді.

• Қандай керемет, жұмыртқаны ашып көрейік балалар.

Үлкен жұмыртқаның ішінде киндер шоколадтары шығады. Балаларға таратылады.

- Балалар, сендерге сыйлық ұнады ма? Ендеше Тауыққа рақмет айтайық

- Үй құстарын атаңдаршы

- Тауық, әтеш, қаз, үйрек