ҰІӘ

Тақырыбы : "Сәлем-сөздің атасы"

Өткізетін:Кайпбаева Н.А

Мақсаты:Балаларды амандасу мәдениетімен таныстыру, «Сәлеметсіз бе!», «Амансыз ба?» сөздерін дұрыс айтуға үйрету.

Көрнекілік: Әртүрлі кейіпкерлердің суреттері (Ата, әже, кішкентай бөбек, досы, мысық),жұлдызшалар,

Сабақ барысы:

Тәрбиеші :Сәлеметсіздер ме, балалар! Сәлеметсіздерме, қонақтар!

Бүгінгі біздің "Сәлем-сөздің атасы" атты ашық сабағымызға қош келдіңіздер!

Балалар, сабағымызды бастамас бұрын экранға назар аударайық!

(1 минуттық видео)

1. Негізгі бөлім

Сұрақ-жауап:

​Тәрбиеші балаларға сұрақтар қояды:

​1-сұрақ: Балалар, таңертең ұйқыдан тұрып, анамызды көргенде не дейміз?

​Жауап: Қайырлы таң!

​2-сұрақ: Балабақшаға келгенде тәрбиеші апаймен қалай амандасамыз?

​Жауап: Сәлеметсіз бе!

​3-сұрақ: Ал досымызды көргенде ше? Қолымызды беріп не дейміз?

​Жауап: Сәлем!

​4-сұрақ: Амандаспай өтіп кетуге бола ма?

​Жауап: Жоқ, болмайды.

​5-сұрақ: Амандасқан кезде түріміз қандай болу керек? Мұңайып тұрамыз ба, әлде күлімсірейміз бе?

​Жауап: Күлімсірейміз! (Балалармен бірге бәрі күлімдейді).

​Тәрбиешіі: «Жарайсыңдар! Амандасу — бұл сыйластық. Біз амандасқанда басқа адамға денсаулық пен жақсы көңіл-күй сыйлаймыз».

​

2) Ойын:

«Кіммен қалай амандасамыз?»

​Балаларға тірі және жансыз табиғатты ажыратуға үйрету, адамдармен амандасуға дағдыландыру.

​3) Сергіту сәті: «Көңілді сәлемдесу»

​Балалар орындарынан тұрып, тәрбиешімен бірге қайталайды:

​Күндей жарық боламыз, (Қолдарын жоғары созады)

Гүлдей нәзік боламыз. (Қолдарын бетіне қояды)

Кімді көрсек жолдарда,

«Сәлем!» беріп барамыз. (Оңға, солға бұрылып қол бұлғайды)

Иілеміз үлкенге, (Алға қарай иіледі)

Әдепті бала боламыз! (Өздерін көрсетеді)

​4) Тәрбиеші:

​Ендеше қарапайым тілмен мағынасын ашайық:

​Неге «Сәлем — сөздің атасы» дейміз? Өйткені кез келген әңгіме, кез келген таныстық ең алдымен амандасудан басталады.

​Әдептілік әліппесі: Амандасқанда адамның көзіне тура қарап, күлімсіреу керек. Бұл — сенің ол адамды жақсы көретініңді білдіреді.

​5) Қорытынды

​Сұрақ:- Бүгін біз не үйрендік? (Амандасуды).

​Сұрақ:- Амандаспай өтіп кетуге болама? (жоқ)

​Түйін: Балалар, сендер бүгін өте әдепті болдыңдар.Енді үйде де, көшеде де үлкендерді көргенде «Сәлеметсіз бе!» деуді ұмытпаңдар.

Сабаққа белсене қатысқан және сұрақтарға дұрыс жауап берген балаларға төс белгі табыстаймыз. Мен сендер сияқты ақылды, әдепті балаларыммен мақтанамын!