үйде оқыту,отбасымен қарым-қатынас психологиясы

Сабақ :күні,айы,жылы

Тақырыптық күнтізбелік жоспар

(үйде оқыту)

Тақырып 1.„Отбасы және мен“ отбасымен қарым-қатынас психологиясы

2. Отбасы суреті

Сабақтың мақсаты: Білімділік: Үйде оқытылатын оқушының өзін-өзі анықтауына, қоршаған ортаға деген көзқарасын анықтап, көмек беру.

Дамытушылық: Баланың мектепке дайындығын анықтау үшін оларды жазу, сызу, оқуға үйретпес бұрын олардың қабілеттері бойынша жеке ерекшелігін, психологиялық дайындығын байқау .

Сабақтың түрі: танымдық процеске арналған ойын жаттығулары, психологиялық әдіс элементтері.

Оқушылар білуі тиіс:

Құрал жабдық: қалам, дәптер, түрлі түсті қарындаш, ермек саз.

Сабақтың барысы: 1. Ұйымдастыру кезеңі

Оқушымен амандасу, сабаққа дайындығын бақылау, көңіл-күйін сұрау.

Сабақты таныстыру.

Жоспар:

1.„Отбасы және мен „ отбасымен қарым-қатынас психологиясы

2. Отбасы суреті

Сабақтың барысы:

Әдістеме типі: психодиагностикалық, проективтік. Авторлары: Г.Т. Хоменстаускас. А.И. Захаров, Р.Бернс, С.Кауфман т.б.

Мақсаты: отбасында қалыптасқан қарым-қатынас ерекшеліктерін анықтау.

Міндеті: Отбасы мүшелерін суретке түсіру ерекшеліктеріне байланысты қалыптасқан қарым-қатынасты баланың бағалауы және одан әсерленуі, мазасыздануын анықтау.

Жүргізуге қажетті материалдар: ақ қағаз, ручка, түрлі-түсті қаламдар, өшіргіш.

Жүргізу тәртібі :

1. Өз Отбасының суретін сал.

2. Отбасындағы адамдардың өз жұмыстарын орындап жатқанын сал.

3. Отбасындағы адамдардың жағдайларын өзіңнің ойындағы, қиялындағы көріністеріне байланысты сал.

4. Өз Отбасындағы адамдарды таңғажайып жануарлар, табиғатта жоқ жануарлар бейнесімен суреттеп сал.

5. Өз Отбасындағыларды метафора, символикалық бейне арқылы көрсет.

Жеке зерттеу хаттамасында келесі мәселелер көрсетіледі:

А) жеке суреттерді салу реті (кімді бірінші салады)

Б) суретті салу барысында өшіргішті жиі пайдалануы

В) сурет салу барысында әр кейіпкерді көрсету үшін ұзақ ойланатыны

Г) салған суретін түсіндіру

Д) сурет салу барасындағы бала эмоциясының өзгеруі

Сурет салып болғаннан соң әңгімелесу барасында келесі сұрақтарды анықтау қажет:

А) суретте кімдердің салынғанын айтып бер

Б) олар қандай жерде және не істеп жүр

В) отбасы мүшелерінің көңіл-күйлері қандай

Г) отбасы мүшелерінің ішінде кім бақытты және оның осы сезімі немен байланысты

Д) кім бақытсыз, неге

Жанама сұрақтар арқылы әр кейіпкерге баланың көзқарасын, оның себебін анықтау, кім суретке түспей қалғанын және оның себебін анықтау жүргізіледі.

Тест талдау келесі нұсқа бойынша жүргізіледі:

1. Суреттің размері және қағаз бетін пайдалануы. Барлық қағаз бетін толық пайдалану бала жағдайының жақсы екенін көрсетеді.Сурет парақтың бір шетіне тығылыстырылып салса онда бала өзін қудаланған адам деп есептеп жүргені.

2. Отбасы мүшелерінің саны. Қазір бірге тұрмайтын адамдарды салса баланың сол адаммен эмоционалдық жақын болғысы келіп жүргені.

3. Суреттегі адамдардың размері: Ата-анасы, әпкесі (сіңілісі), ағасы (інісі), атасы мен әжесі т.б. отбасы мүшелерінің ішінде кімдердің размерлері үлкен болса сол адамды беделді деп есептейді, және оның басқаларға әсері мол деп есептейді.

4. Адамадар арасы. Қашық тұрған адамадарды жақтырмайды, басқалармен араласқанын , қарым-қатынаста болғанын қызғанады.

5. Заттар салынса олардың бала өмірінде атқаратын ролі үлкен болғанының белгісі. Мысалы, кітап сөрелері-отбасында оны кітапты оқуға көңіл бөледі.

6. Жануарлардың суретте барлығы автордың табиғатқа деген оң көзқарасын білдіреді.

7. Кейіпкерлер түрлері: нұсқасын келтірген; реалистік сурет; сурет салу эстетикасы; интерьер немесе пейзаж фонында салғаны; метафорлық сурет; кейіпкерлердің іс-әрекет жасап жатқанын көрсеткен.

8. Эмоцияны көрсетуі.

Суретті талдау барысында келесі мәселелерге көңіл аудару қажет:

А) баланың майда қимыл әрекеттерінің қалыптасу, дағдысы

Б) суретте штрихтың көп түскені сенімсіздіктің белгісі

В) суреттегі барлық бейнеленген нәрселердің размерлері майда болса ол баланың денсаулығы нашар болуының белгісі ретінде қарастыруға болады.

Г) Отбасында бірге тұратын адамдарды суретке түсірмесе бала ол адамнан қорқады;

Д) отбасында бірге тұратын адамдарды суретке түсірмесе бала ол адамнан қорқады:

Е) өзін өте кішкентай етіп салса отбасындағы өзінің роліне, орынына қанағаттанбайды, басқаларға көңіл көп аударылады деп сезінеді.