"Үйді қалай саламын"

Оқу іс-әрекетінің кезеңдері

Тәрбиешінің іс-әрекеті

Балалардың іс-әрекеті

Мотивациялық- қозғаушылық

Балалар бір-біріне деген жылы тілектерін айтады.

Балалар, бүгін бізге қонаққа екі қуыршақ келіпті. Күн суытып келеді, ал қуыршақтардың тұратын жері жоқ екен. Бұл қуыршақтар сендерге қайда тұрғысы келетінін айтады.

Балалар шеңберге тұрады, бір-біріне тілектерін айтады.

Ұйымдастырушылық-ізденістік

Біздің үй /Ғ.Өкеев/.

Қалаушы да табыды,

Үй салынды, жабылды.

Қосып құмға лайды,

Сылақшылар сылайды.

Терезе, есік, едені,

Қиюласты әдемі.

Құрылысшы боламыз,

Зәулім үйлер саламыз.

Балалар, үйді кімдер тұрғызады? /педагог балалармен әңгіме жүргізеді/.

Әртүрлі үйлердің суреттерін көрсетеді. Олардың терезелрі, есіктері, шатырларының көлемдеріне көңіл аудартады, салыстырады, қаланың, ауылдың үйлерінің суреттерін көрсетеді.

Үйді салу жолдарын түсіндіріп, суретті аяқтатады.

Бір қабатты үй.

1. бір қатарға екі терезе салу үшін жоғарыдан төмен қарай түзу сызық сызылып, шаршы жасалады.

2. Есігі тік төртбұрышқа ұқсайды.

3. Шатыры үшбұрыш болып келеді, парақтың жоғарғы жағына нүкте қойып, әртүрлі жаққа екі сызық жүргізіледі.

Сергіту сәті:

Мен құрылысшы боламын,

Зәулім үйлер саламын.

Өз қаламды көркейтіп,

Ел алғысын аламын.

Көп қабатты үй.

Бірнеше қатарға /3-5 қабатты үйлерде/ терезелер салынады. Қабаттардың арасында қылқаламды оңға, солға жылжыта отырып, салу керек. Үйдің түсі күлгін, ашық жасыл, көк болғаны дұрыс екенін түсіндіреді. Терезе, шатыр, есіктердің шеттерін бояу керектігі айтылады.

Дәптерлерін ұқыпты ұстаулары қадағаланады.

Балалр толық жауап береді.

• Менің әжемнің үйі ауылда. Оның үйі бір қабатты.

Мен көп қабатты үйде тұрамын.

Мен төртінші қабатта тұрамын.

Мен қалада тұрамын т.б.

Геометриялық фигураларды естеріне түсіреді.

Өлең жолдарына сәйкес қимылдар жасайды.

Қылқаламды өте қатты баспай түзу сызықтар сызады. Бояған кезде сүйкей жағу әдісін пайдаланады.

Рефлексиялық-түзетушілік.

Балалардың жұмысын талдау. Қуыршақтар балаларға алғыстарын айтады. Мақтау, мадақтау.

Балалар не салғандарын, қалай салғандарын айтып береді.