Үйірмелердің үйретері көп

Үйірмелердің үйретері көп

«Балдәурен» республикалық оқу-сауықтыру орталығының жұмысының ерекшеліктерінің бірі- қызығушылық үйірмелері. Орталық қызметкерлерінің басшылығымен өткізілетін үйірмелер оқушы қабілеті мен даралығын,креативті ойлай білу, шығармашылық әлеуетін нығайтуға мүмкіндік жасай алуымен маңызға ие. Орталықта «Домбыра, «Гобилен», «Үстел үсті ойындары» «Жас журналистер», «Оригаме» «Қол өнері», «Сән-сымбат», «Ритмика», «Жайдарман», «Баламедиа», «Жас шебер» сынды,жалпы саны 18 қызығушылық үйірмелер жұмыс жасайды.Әр үйірменің жетекшілері таныстырылым жасап, өз үйірмесінің ерекшеліктері мен артықшылықтарын жарнамалау арқылы қызықтырып, үйірме жұмысын насихаттайды, сол арқылы оқушы ұнатқан үйірмесінің бір ауысым бойы мүшелігінде болып, үйірме арқылы сол кәсіпке бейімделіп, мамандықтың қыр-сырын үйрене бастайды.

Дана халқымыздың «Өнер қуып ой түзе, жұмыс қылып бой түзе» дегеніндей, үйірме жұмыстарында балалар ой еңбегімен қатар қол еңбегімен шұғылданып, қиялындағы, арманындағы идеяларын жүзеге асырады, бойындағы талабы мен талантын ұштастыра отырып, бала көңілінің түкпіріндегі ойларын ортаға салады.Дүниетанымы кеңейіп, өзіндік позициясы қалыптасады, сөз әдебі, сахналық мәдениеті тіктеледі.Қоғамдық пікір айтуға бейімделеді, көшбасшылық,тұлғалық қасиеттері орнығады. «Қындағы алмас қылыш та суырылмаса,тот басады» демекші, жас дарынды көре білу, талантын дер кезінде кәдеге жаратуына мүмкіндік жасау міндетіміз.

Майлыбекова Зәуре «Балдәурен» республикалық оқу-сауықтыру орталығы филиалының география пәні мұғалімі