Карточка №1
Гүл

Балалар төсек үстінде отырады.Тәрбиеші: балалар біз бәріміз енді өсіп келе жатқан гүлдерміз. Күн шықты, гүлдер жайлап ашылып өсіп келеді (қолдарын созады). Кенеттен баяу жел соға бастады, гүлдер желмен жан - жаққа шайқалады (қолдарын жан - жаққа шайқайды). Бір мезгілде аспанға бұлт төніп, жаңбыр жауа бастайды, гүлдер тоңып, бүрісіп жабылады (қолдарын тізелерінің үстіне қойып бүрісіп отырады). Бір уақытта қайтадан күннің көзі күлімдеп шыға бастады, сол уақытта гүлдер де, құлпырып, жайнап ашыла бастайды (балалар қолдарын жан-жаққа созады).

Карточка №2

Кім әлі ұйқыда?

Тұру керек

1. Балалар төсекте, арқаға жатып, қолын жанына созу, демдерін

бірнеше секунд іште ұстап, еркін шығару.

2. Балалар төсекте, арқаға жатып қолды екі жаққа созу, жұдырықтарын жұму, қолдарын алға созып айқастыру, демалу.

3. Балалар төсекте, арқаға жатып қолдарын бастарына қойып кезекпен сол аяқтарын, он аяқтарын көтеру, екеуін бірге ұстап, жайлап түсіру.

4. Балалар төсекте, арқаға жатып шынтақтарын тіреп иілу, кеуделерін жоғары көтеру, басты тік ұстау. 3-5 секунд.
5. Балалар төсекте, ішке жатып, қолдарын иыққа қою, аяқтары еденде.
6. Балалар төсекте, ішке жатып қолдарын иыққа қою, иілу, шынтақтарын тіреп, мойындарын созу.

Карточка №3

Созылу

Балалар төсекте, бір қалыпта, арқасымен жату, аяқтары бірге, қолдары аяғының бойымен тіке тұрады. Жауырынды тік ұстап созылу.
Қоңырау, қоңырау сылдырла,

Ұл мен қызды оятып.

Оянсаңдар егер де,

Бір - біріңе күліңдер.

Карточка №4
Кемпірқосақ жаса

Бір қалыпта, арқасымен жату, аяқтары бірге, қолдары аяғының бойымен тіке тұрады. Жауырынды тік ұстап созылу. Оң аяқты көтеріп ауада жарты шеңбер жасау, дәл солай сол аяқты көтеріп жарты шеңбер жасау.

Қандай ғажап керемет,

Әсем есік ашылды.

Түрлі - түсті бояулар,

Аспанда жайылып шашылды.

Карточка №5

Найзағай

Бір қалыпта, арқасымен жату, аяқтары бірге, қолдары аяғының бойымен тіке тұрады. Аяқтарын кеудеге жеткізу, қолдарымен құшақтау.Түзелу.
Аспанда найзағай жарқырады,

Балалар қорқып қашады.

Карточка №6

Қайық

Ішпен жату, қолдар иектің астында. Жартылай тұрып, еңкею, тербелу.

Жерде бұлақ жүреді,

Қағаздан қайық жасайық.

Суға оны жіберіп,

Қайықпен бірге жүзейік.

Карточка №7
Мысық

Терезенің қасында,

Орындықты тауып ап,

Мысық ұйықтап жатады,

Оян, қане мысығым,

Жаттығуды жасайық.

Бір бүйірден екінші бүйірге аунау.

Карточка №8
Басты бұру

Төсекте отыру, қол белде, басты оңға бұру,

Қалыпқа келу.

Қайталау, сол жаққа

Қалыпқа келу.

Карточка №9
Оянайық бәріміз

Тәрбиешінің айтқанын орындайды.

Көздеріңді ашыңдар,

Кірпіктеріңді көтеріңдер.

Беттеріңді жеңіл қимылмен сипаңдар,

Бір - біріңе жымиыңдар,

Бастарыңды оңға, солға бұрылыңдар,

Ауаны жұтыңдар, содан соң жіберіңдер,

Іштеріңді тартыңдар,

Көңіл күй көтерілді,

Кеуделеріңді алақанмен сипаңдар,

Жұдырықты қысыңдар,

Енді біраз ашыңдар,

Керіліңдер, созылыңдар,

Енді ояндыңдар, төсектен тұрыңдар.

Карточка №10
Әтеш ұйықтап жатыр

Арқасымен жату, қол басында, аяқ бірге.

Аяқ пен қолды жоғары көтеру,

Әтеш оянды.

Әтеш бидай іздейді.

Отыру, аяқты бірінің үстіне бірін қою.

1. Басты оңға бұру

2. Қалыпқа келу

3. Басты солға бұру

4. Қалыпқа келу

5. Сол жаққа қайталау.

Карточка №11
Алақаныңды көрсет

Қолдары иықта,

Қолдарды алға созу, алақан көрсету.

Қалыпқа келу.

Қайталау, сол жаққа, алақан төменде.

Қалыпқа келу.

Карточка №12
Мысық бірде жақсы, бірде жаман.

Пеш үстінде мысық отыр,

Аздап көзін қысып отыр,

Тышқан етін жегісі кеп,

Оның тісі қышып отыр.

«Төрт аяқтап» тұру.

Арқасын бірде бүгіп, бірде түзеу.

Карточка №13
Велосипед

Бірге керілейік,

Бірге созылайық.

Бірге қолымызды созайық.

Бірге тіземізді ұстайық.

Бірге велосипед тебейік.