Курамысова Жансая Адилгалиевна

«Сиқырлы сөздер еліне саяхат» тақырыбында

ертегі терапиясын қолдана отырып, бірінші кіші топта өткізуге арналған

Мақсаты: Балаларға «Үйшік» ертегісін үлкендермен бірге айтып беруге үйрету.

Ертегідегі берілген кейіпкер образына ене білуді дамыту, кейіпкердің қимылдарын көз алдына елестету арқылы орындау.Балалардың әлеуметтік-эмоционалдық жағдайларының дұрысталуына әрекет жасау.

• Ертегі кейіпкерлерінің қайсарлығына деген балалардың эмоциялық қызығушылығын ояту.

• Сөздік қорларын кеңейту,ертегі кейіпкерлеріне байланысты мінездемесін және эмоциялық жағдайын, сөздік қорларының белсенділігін бекіту .

• Ситуциялық жағдайға эмоциямен қарауға үйрету, эмоцияны іс-қимылмен және ым-ишарамен жеткізе білуге үйрету.

Құрал- жабдықтар: Орман шуының дауысы жазылған лента, шығыршық, жол, үйшік, ойыншық ,бақа, қоян, қасқыр, аю, түлкі, тышқан, релаксация арналған әуен.

Ұйымдастыру кезеңі:

Тәрбиеші: Сәлеметсіздер ме, балалар! Ал, қане бір-бірімізбен өз есімдерімізді атап амандасайық,ол үшін шеңбер құрып тұруды ұсынамын.

Балалар бір-бірімен амандасады

Тәрбиеші: Балалар мен сендермен бірге саяхатқа шыққым келіп тұр. Мен сендерден алдымен ертегілерді көп білесіздер ме екен, тексеріп көрейін.

Балалар жауабы.

Тәрбиеші: Көп ертегі білесіздер ме! Ертегі кейіпкерлері туралы жұмбақ жасырсам шеше аласыздар ма?

Балалар жұмбақтарды шешеді

Тәрбиеші: Жарайсыңдар, балалар.Онда бір ертегінің кейіпкерлеріне саяхатқа барайық. Оларға жету үшін біздер орман алқабындағы томарлардан, бұлақтардан, саз батпақтардан өтуіміз керек!

Орман шуының дыбысы естіледі, құстардың әні, балалар томарлардың үстінен басып өтеді, жіптен аттап, шығыршықтан қосаяқтап секіреді, үйшіктің қасына келіп тоқтайды.

Тәрбиеші: Балалар, біз орман алқабындағы үйшікке қарай бет аламыз . Ал онда кімдер тұрады екен білейік?

«Үйшік» жаттығуын орындайды

«Егістікте үйшік тұр, (алақандарымызбен «үйшік» жасаймыз)

Есікте құлып тұр (саусақтарымызды құлып қылып қарыстырамыз).

Мұржадан түтін шығып жатыр (әр саусағын кезек-кезек сақина қылып дөңгелетеді)

Үйшіктің айналасындағы аула (қолымызды алға қойып саусақтарымызды жаямыз).

Ұры кірмес үшін (саусақтарын кезек-кезек жаймен жыбырлатады).

Тук-тук-тук, тук-тук-тук! (алақандарын жұдырықпен түртеді).

Ашамыз! (қолдарымызды созып, араларымызды ашамыз).

Мен сіздің досыңызбын!» (алақандарын бір- біріне жолғастырады).

Жаттығуды орындап болғаннан кейін үйшіктен тышқан шығады (қуыршақ театрының ойыншығы).

Тәрбиеші:Балалар , үйшікте тұратын тышқан! Бұл қандай ертегіден алынған?

Тәрбиеші: «Үйшік».

Тәрбиеші: Өте дұрыс балалар. Үйшікте тышқанмен бірге тағы да кім тұрды?

Балалар жауап береді – түлкі,бақа, қоян, қасқыр.

Тәрбиеші: Иә, балалар. Ерте,ерте ертеде бір үйшікте тышқан, бақа, түлкі,қоян, қасқыр өмір сүріпті.

Тәрбиеші: Балалар, тышқан қандай болды?

Балалар: ашық, ақ көңіл, сенгіш.

Тәрбиеші: Балалар,әрі қарай не болды? Келіп біреуіміз тышқанды таңдаймыз, ал бақа мен түлкіні кім сомдап көрсетеді ?

Сахнаға образдарды сомдауға шығады.

Тәрбиеші: Ал, сіздер мейірімді жылы-жылы сөздер білесіздер ме? Келіңдер ойнайық.

Сиқырлы таяқты қолымызға аламыз да бір- бірімізге жылы-жылы сөздер айтамыз!

Балалар бір- біріне жылы-жылы сөздер айтады.

Тәрбиеші: балалар , неге аңдар аюға айқайлай бастады?

Балалар жауаптары

Тәрбиеші: содан кейін не болды?

Балалар: Аю үйшікке мінді де ,сындырып тастады.

Тәрбиеші: Дұрыс айтасыздар. Ал содан кейін не болды?

Балалар: Аю өз қылығынан ұялып мұңайып қалды.

Тәрбиеші: Мұңайған қандай болады?

Балалар беттерімен мұңайған кейіп танытады.

Тәрбиеші: Аю аңдарға қандай ұсыныс тастады?

Балалар: Жаңа үйшік құрады.

Тәрбиеші: Балалар сендерге ертегі ұнады ма? Кейіпкерлердің ішінен кім көбірек ұнады?

Тағы да кейіпкерлерге мінездеме берейік , қандай екен?

(балалар ертегі кейіпкерлерінің мінездерін сипаттайтын көп сөздерді таңдау арқылы мінездеме береді)

Тәрбиеші: Балалар, басқа да ертегі білесіздер ме, ендеше ойын ойнайық. Мен сендерге әр түрлі ертегілердің кейіпкерлерінің суреттерін көрсетем, ал сендер қай кейіпкер артық екенін табасыздар.Жарай ма?

Ойын: «Артығын тап»

Тәрбиеші: Балалар, біздің ертегіміздің кейіпкерлері бір-біріне өте мейірімді болды сендер де сондай жылы сөздерді білесіздер. Білесіздер ме?

Балалар: білеміз

Тәрбиеші: Жарайсыңдар балалар. Ен біз кері қайтуымыз керек. Бұл саяхатқа біз ұшатын кілеммен барамыз. Кілемге ыңғайланып жатамыз, көзімізді жұмамыз. Әдемі әуен ырғағында «Ұшақ-кілем» релаксациялық жаттығуын жасаймыз