Ұйымдастырылған іс-әрекеттің тақырыбы: «Менің сүйікті отбасым»

Мақсаты:балаларға отбасы туралы түсінік беру,отбасы мүшелерімен таныстыру,және өз отбасы мүшелерінің атын атау.

Міндеттері:сөйлем құрап айтуға,дыбыстарды анық,таза жеткізе білуге дағдыландыру;

Отбасында үлкендерді сыйлап,кішілерге қамқор болуға тәрбиелеу.

Амандасу рәсімі

Тәрбиеші балалармен амандасып алады.

-Сәлеметсіңдер ме балалар!

-Сәлеметсіз бе апай.

-Бүгінгі көңіл күйлерін қандай?

-Жақсы.

Олай болса шеңбер жасап тұрайық,шаттық шеңберін бірге қайталайық.

Үлкенгеде сіз,

Кішігеде сіз.

Ата-ананы құрметтеп,

Бас иеміз біз.

-Балалар бір жылда неше мезгіл бар?

- Бір жылда төрт мезгіл бар (қыс,көктем,жаз,күз).

-Қазір жылдың қай мезгілі?

-Қазір жылдың көктем мезгілі?

-Көктем мезгілінде неше ай бар?

-Көктем мезгілінде үш ай бар (наурыз,сәуір,мамыр).

-Көктем мезгілінің ерекшеліктерін атап беріндерші?

-Көктем мезгілінде күн жылынады,ағаштар гүлдейді,шөптер шығады.

-Дұрыс айтасыңдар балалар. Бүгінгі ұйымдастырлған іс-әрекетіміздің тақырыбы «Менің сүйікті отбасым» назарларынды суретке аударындаршы.

-Суреттен кімдерді көріп тұрмыз?

-Отбасы мүшелерін.

-Отбасы мүшелеріне кімдер жатады?

-Ата, әже,әке,ана,аға,әпке,іні,қарындас

Балалар тақтада ілініп тұрған отбасы мүшесінің суреттерін атап,олардың оң жақта немесе сол жақта орналасқанын айтады.

Саусақ жаттығуы

Бас бармағым –атам,

Балан үйрек-апам.

Ортан терек-әкем,

Шылдыр шүмек-анам.

Кішкентай бөбек-мен!

Топқа бөлу (отбасы мүшелерімен)

Балалар өздері алған отбасы мүшелерінің суреттерімен өз орындарына отырады. Төрт топқа ойын тапсырма беріледі.

1-топ: Д\о: «Менің отбасым»

Шарты: отбасы мүшелерін үлкенінен кішісіне қарай рет ретімен өз орындарына қойып шығады.

2-топ: Маймен сурет салу

Шарты: балаларға ақ қағаз беріледі,қылқаламның көмегімен сұйық майға батырып алып алдарындағы ақ қағазды майлап шығады,сол кезде ақ қағаз артынан отбасы мүшелерінің суреті шығады.

3-топ: Жасырылған суретті тап

Шарты: фальгамен қапталған ақ қағаздарды балалар тенге арқылы қырып артында жасырылған суретті тауып атайды.

4-топ: «Отбасы мүшесін» жырту тәсілмен таныту

Шарты: қағаз артында жасырылған отбасы мүшесінін бейнесін қағазды жырту әдісі арқылы тану.

Тосын сәт: Топқа қонаққа әже келеді.Балалармен амандасып,балаларға тапсырма ала келгенін айтады.

Сергіту сәті:Халық күйі «Келіншек» әуенді-ырғақты жаттығу.

1-топ:Балалар әжемізге арнап қазақтың ұлттық ою-өрнектеріне ермексаздан жетпей тұрған бөлшектерін мүсіндеп жабыстырып берейік.

2-топ:Әжемізге арнап дәстүрден тыс,тұзбен сурет салу арқылы оюды бейнелейміз.

Қорытындылау.

-Ұйымдастырылған іс-әрекет ұнады ма?

-Отбасы мүшелеріне кімдер жатады?

-Әжеге арнап біз не жасадық?