«Балаби балабақшасы» ЖШС

«Ойна да, ойла»

«Сұңқар» мектепалды тобы

Топ тәрбиешісі: Жұматаева Гүлсая Қамысбайқызы

2025-2026 оқу жылы

ҰЙЫМДАСТЫРЫЛҒАН ІС-ӘРЕКЕТ ЖОСПАРЫ

Тақырыбы:

«Ойна да, ойла»

Білім беру дағдысы:
Коммуникативтік дағдыларды дамыту (сауат ашу негіздері)

Жас тобы:
Мектепалды тобы (5 жас)

Ұзақтығы: 25 минут

Өткізу формасы:
Танымдық-ойын, ұлттық, тілдік жаттығулар

Мақсаты : Тәрбиеленушілерді ұлттық құндылықтарды құрметтеуге тәрбиелеу. Ұлттық құндылықтар – біздің тіршілігіміз , бабаларымыздан қалған асыл мұра екенін түсіндіру. Елжандылыққа, терең ойлауға, өнер сүюге, ұлттық салт –дәстүрімізге байланысты білімін дамыту арқылы нығайту.Танымдық және зияткерлік дағдыларды дамыту, шығармашылық қабілеттерін жетілдіру.

Әдіс-тәсілдері:
Көрнекілік, сөздік, практикалық, танымдық-ойын әдісі, ұлттық ойын тәсілі (асық ойындары), сұрақ-жауап, санау және салыстыру, тура және кері санау, логикалық ойлау тәсілі, сәйкестендіру, топтастыру,ұлттық құндылықтарға негізделген оқыту.

Шаттық шеңбер: Күнге қарап қолымды

1,2,3 деп соғайын

Қарап тұрған көршіме

Мен қолымды бұлғайын.

Жылы-жылы жүзбенен,

Маңдайыңнан сипайын.

Ыстық алақаныңмен,

Қолыңды бер қысайын

Құшақтасып өзіңмен.

Амандасып алайын.

Тәрбиеші: Балалар, бүгін қандай күн?

-Қазір қай мезгіл ? Көктем мезгілін атайықшы ?

-Аптада неше күн?

-Атап беріңдерші?

-Бүгінгі ұйымдастырылған іс-әрекетіміз «Ұлттық құндылығымызды дәріптеу мақсатында болады. Тақырыбы: « Ойна да, саналы ойла »

-Балалар, олай болса мына қолымдағы сандықшадан өзімізге тиісті асығымызды алайық.

( Cандық ішінде түрлі-түсті асықтар бар, соны алу арқылы екі үстелге бөлінеді. Үстел үстінде «Қызыл түсті топай және жасыл түсті топай тұрады.Әр бала асығының түсіне қарай бөлінеді)

( Үстел үстінде ет табақ тұрады.)

Тәрбиеші: Ал, балалар қазақтың ұлттық тағамы еттен ала отырайық.

• Балалар ек топқа бөлініп отырды: қызыл, жасыл

• Балалар тапсырмаға бару үшін аяқ іздері жолымен жүріп барады.

Мақсаты:
Балалардың санау дағдыларын жетілдіру, ұлттық ойындарға қызығушылығын арттыру,
бірге ойнау, кезек күту, ережені сақтау дағдыларын қалыптастыру.

1. Тапсырма: Тура және кері санау

Тақтада :
Асықтар бір қатарға рет-ретімен тізіліп қойылған (1-ден 10-ға дейін).

Тәрбиешінің нұсқауы:
– Балалар, тақтаға назар аударайық.
– Мұнда не тізіліп тұр?
– Енді асықтарды тура санайық.

Балалар бірге санайды:
1, 2, 3, 4, 5…

– Ал енді кері санап көрейік.
10, 9, 8…

Жеке тапсырма:
– Кім 5-ке дейін санап береді?
– Кім 7-ден кері санайды?

Әңгімелесу (ұлттық таным)

Тәрбиеші:
– Балалар, асық ойыны – қазақтың ұлттық ойыны.
– Тағы қандай ұлттық ойындарды білесіңдер?

Балалардың жауаптары:
– Аламан бәйге
– Аударыспақ
– Күш сынаспақ
– Арқан тарту
– Теңге алу

Тәрбиеші қорытындылайды:
– Ұлттық ойындар бізді күшті, епті, ақылды етеді.

2. Ұлттық ойын: «Қыз қуу»

(үстел үсті ойыны)

О йын мақсаты:
Санау, салыстыру, кезекпен ойнау, ережені сақтау.

Ойын шарты:

– Ойынға бір ұл, бір қыз қатысады.
– Балалар кезекпен текшені лақтырады.
– Қандай сан түссе, сол санға сәйкес алға қадам жасайды.
– Ұл мен қыз бір-бірін қуалай қозғалады.

Тәрбиешінің нұсқауы:
– Текшені лақтыр.
– Қандай сан түсті?
– Сол санды дауыстап айт.
– Енді сонша қадам алға жылжы.

Бақылау және сұрақтар:

– Қай ойыншы алда келе жатыр?
– Қанша қадам алға жылжыды?
– Кім бірінші жетеді деп ойлайсың?

Қорытындылау:

– Бүгін қандай ұлттық ойындар ойнадық?
– Қай ойын саған көбірек ұнады?
– Санау оңай болды ма?

Тәрбиешінің қорытынды сөзі:
– Сендер ұлттық ойындарды жақсы ойнадыңдар.
– Сандарды да дұрыс санадыңдар.
– Жарайсыңдар, балалар!

3. «Төрт қазан» ойынын ойнайды.

Ойын шарты: 4 бала ойнайды,яғни жұбымен сан жазылған асықтар жатады.Текшені кезекпен лақтырады.Қандай сан түседі, сол асықты кесекпен қағып алып ұяшыққа түсіреді.

Мақсаты:
Балалардың түстерді ажырату, санау, салыстыру дағдыларын жетілдіру,
ұлттық ойындар арқылы зейінін, логикалық ойлауын және қимыл белсенділігін арттыру.

Құрал-жабдықтар:
– Түрлі түсті асықтар (қызыл, сары, көк, жасыл)
– Сан жазылған карточкалар
– Шот
– «Төрт қанатты киіз үй» макеті
– Ұлттық бұйымдар мен пішіндер

1. Ұлттық ойын: «Асық ойыны»

Ойын шарты:
Ойын педагогтің жетекшілігімен ұйымдастырылады.

Тәрбиешінің нұсқауы:
– Балалар, мен бір түсті және бір санды айтамын.
– Сендер сол түсті асықты айтылған санға тең етіп қойыңдар.

Мысал:
– «2 сары асық»
– «4 қызыл асық»
– «3 көк асық»

Балалар асықтарды түстеріне қарай бөліп, санап орналастырады.

Сұрақтар:
– Қандай түсті асықтарды қойдың?
– Неше асық болды?
– Қай түстен көп, қай түстен аз?

2. Шот арқылы санау

Тәрбиешінің нұсқауы:
– Енді шотпен санап көрейік.
– Әр моншақты бір-бірден жылжытамыз.

Т апсырмалар:
– 1-ден 10-ға дейін тура санау
– 10-нан 1-ге дейін кері санау
– «3 моншақты жылжыт», «5 моншақты кері жылжыт»

Бекіту сұрақтары:
– Неше моншақ жылжыды?
– Қай саннан кейін қай сан келеді?

3 . Танымдық тапсырма

«Төрт қанатты киіз үйдегі тапсырма»

Үстел үстінде:
Төрт қанатты киіз үй бейнесі көрсетіледі.

Әр қанатта жеке тапсырма бар:

1-қанат – Ұлттық киімдер:
– Тақия, камзол, шапан
– Киімдерді ретімен орналастыру

2-қанат – Ұлттық тағамдар:
– Бауырсақ, қымыз, құрт
– Тағамдарды топтастыру

3 -қанат – Ұлттық ойындар:
– Асық, арқан тарту, тоғызқұмалақ
– Ойын атауларын сәйкестендіру

4-қанат – Пішіндер:
– Дөңгелек, шаршы, үшбұрыш
– Пішіндерді атап, өз орнына қою

Сұрақтар:
– Бұл не?
– Ол қай қанатқа тиесілі?
– Неге осы жерге қойдың?

Сергіту сәті

Тәрбиешінің сөзі:
–Ал, балалар, орнымыздан тұрып, сергіп алайық.

Сергіту сәті: « Тұлпарым» \\ Музыка ырғағымен қимылмен жасайды.\\

Т әрбиеші: Балалар, алдарыңда үстел үстінде ақ парақ қағаз берілген. Ортада ыдыста сұйық май тұр.Сол майды қылқаламмен бояймыз. Сол кезде жасырылған сурет шығады.

-- Балалар « Сиқырлы әлемге» барады.

4.Шығармашылық орта: « Ақ қағазды маймен бояу арқылы жасырын суреттер шығады.Яғни, ақ қағазға май жаққанда киіз үй ішіндегі сурет көрінеді.Әр бала өз жұмыстарын қорғай

Қорытынды:

Тәрбиешінің сөзі:
– Ал, балалар, біз бүгін жарыстық, ойнадық, көптеген тапсырмаларды орындадық.
– Ұлттық ойындар ойнап, асықпен санадық, пішіндерді таптық, ойымызды қолдандық.
– Енді барлығымыз тынышталып, үстел басына жиналайық.

(Балалар үстелге жайғасады)

– Әрқайсың кесе ішіндегі шайды алып, бүгінгі іс-әрекет туралы ойымызды ортаға салайық.
– Кім не істеді?
– Не көрдің?
– Қандай ойын саған ұнады?
– Қандай тапсырма қызықты болды?

(Балалар қысқа жауап береді, тәрбиеші тыңдайды, толықтырады)

Тәрбиеші қорытындылайды:
– Сендер өте белсенді болдыңдар.
– Бір-бірлеріңе көмектестіңдер, ережені сақтадыңдар.
– Ұлттық ойындарды жақсы меңгердіңдер.

Марапаттау:

– Барлық балаларға мақтау сөздер айтылады,
– «Белсенді ойыншы», «Зейінді бала», «Епті бала» сияқты атаулар беріледі.
– Балаларға шағын марапаттар (жапсырма, белгі) тапсырылады.

Қорытынды сөз:
– Жарайсыңдар, балалар!
– Осындай ойындар арқылы біз ақылды, ұйымшыл, тәрбиелі болып өсеміз.