«Ұлттық құндылықтар-біздің байлығымыз»

«Бэйби Бум» ЖШС-ң қарамағындағы «Аққу» балабақшасы

Ұйымдастырылған оқу әрекетінің ашық қаралымы

Тақырыбы: «Ұлттық құндылықтар-біздің байлығымыз»

№8 «Балбұлақ» ересек тобы

Тәрбиеші: Акпарова З.М

Көкшетау қ.

2024-2025жж.

Білім беру саласы: «Коммуникация»

Бөлімі: Сөйлеуді дамыту

Тақырыбы: «Ұлттық құндылықтар біздің байлығымыз»

Мақсаты:

1.Білімділік: Топпен заман талабына сай жұмыс істеу іскерлігін қалыптастыру. Балаларды ұлттық құндылықтармен өзара қарым-қатынас жасауына қажетті танымдық және зерттеушілік әрекеттердің қарапайым дағдыларын меңгерту. Сұрақтарға жауап беруді үйрету.

2.Дамытушылық: Жағымды ой, ішкі сезімін қалыптастыру, адамның ішкі мүмкіндіктері туралы ұғымды кеңейту, өз күшіне сену және өз - өзіне баға беруді дамыту.

3.Тәрбиелілік: «Біртұтас тәрбие бағдарламасы» негізінде ұлттық құндылықтарды құрметтеуге тәрбиелеу. Шапшаңдыққа, ептілікке, жылдамдыққа, сабырлылыққа, зейінін тұрақтандыруға тәрбиелеу.

Керекті құралдар: интерактивті тақта, асықтар, оюлы текше, оюлы кілем, гольф таяқшасы.

Әдіс-тәсілдері: түсіндіру ,сұрақ-жауап, бақылау.

Билингвальді компонент: жасыл-зелёный-green, көк-синий-blue.

Ұйымдастыру кезеңі:

Тәрбиеші: Балалар қараңдаршы бүгін безде ерекше сабақ болғалы жатыр, біздің сабағымызға қонақтар келді. Алдымен қонақтарымызбен амандасып алайықшы.

Балалар: Сәлеметсіздерме!

Шаттық шеңбері

Сәлем, сәлем

Шапалақ соғайық,

Сәлем, сәлем

Шапалақ соғайық,

Өте керемет!

Аяқты ұстайық,

Айналып тұрып,

Сәлем жолдайық!

Барысы:

Есік тарсылдатқан дыбыс шығады

(ортаға әже кіреді)

Тәрбиеші: Балалар қараңдаршы қонақтарымызбен қатар әжеміз де келіп қалды.Балалар әжемізге өнерімізді, білгенімізді көрсетейік. Төрлетіңіз, Әже! Қонағын ойлаған кісі төрге шығады.

Тәрбиеші: Балалар бәріміз үстелдерге жайғасайық.

1 - топ. «Асықтарды сурет бойынша ретімен орналастыру»

Мақсаты: Ептілікке, ұқыптылыққа, сергектікке баулу, төзімділікке тәрбиелеу.

Шарты: суреттегі асықтардың реттілігі және түстері бойынша, ретімен орналастырып қою.

2 - топ. «Оюлардан пазл құрастыру»

Мақсаты: Балаларды ұшқыр ойлауға, логикасын дамытуға көмектеседі, ұсақ қол моторикасы дамиды, ойлану, зейін тұрақтылығы қалыптасады. Топтық жұмыс арқылы баланың белсенділігін арттыру.

3 – топ. «Планшет» эксперименті

Мақсаты: Балалардың танымдық белсенділігін арттыру. Зерттеуге деген қызығушылықтарын ояту.

Керекті жабдықтар: сусабын, су, трубочкалар, балық суреті.

Шарты: Трубочкадан жасалған планшетте балалар балықтарды жүзгізеді.

Тәрбиеші: Жарайсыңдар, балалар! Тапсырмаларды жақсы орындап шықтыңдар. Енді келесі тапсырмамызға тоқталайық.

Әже: Балалар қандай керемет! Тапсырмаларды жақсы орындайды екенсіңдер! Енді менен бір ән тыңдап көріңдерші.

Ән «Қазағымның дәстүрлері ай»

Тәрбиеші: Балалар айтыңдаршы, бұл әнде қандай қазақтың дәстүрлері аталып кетті?

Балалар жауабы

Тапсырма: «Гольф алаңында» ойыны.

Мақсаты: Балаларды қимыл-қозғалысты іс-әрекеттер арқылы шапшаңдыққа, ептілікке, тапқырлыққа үйрету.

Шарты: 1-10ға дейін сандар және олардың сұрақтары берілген. Гольф таяқшасымен допты соғады. Қай санға доп түседі, сол санның сұрағына жауап береді.

Сергіту сәті: «Қара жорға»

Тапсырма: «Оюлы текше» ойыны

Мақсаты: Балаларды қазақтың ұлттық оюларын ажырата білуге үйрету. Есте сақтау қабілеттерін, көру, ажырату қабілеттерін дамыту.

Шарты: Оюлы кілемше және оюлы текше берілген. Балалар текшені лақтырып, қай ою түседі, сол оюдың атауын, түсін атап соның бойымен секіреді.

Қорытынды: Балалар, бүгінгі ойындарымыз сендерге ұнады ма? Біз қандай ойындар ойнадық?

Балалар: Жауап береді не ойнағандарын, қандай тапсырма орындағандарын айтады.

Тәрбиеші: Ендеше бүгінгі сабағымызды бағалап кетейік балалар.

Бағалау. «Баскетбол» әдісі

Жасыл түс: ұнады

Қызыл түс: ұнамады

Тәрбиеші: Балалар, сендер бүгін сабаққа жақсы қатыстыңдар ,жақсы жауап бердіңдер. Жарайсыңдар! Тапсырмаларымды орындағандарың үшін менен сендерге кішігірім сыйлық.

Тәрбиеші: Балалар, кәнеки қонақтарымызбен қоштасып топқа барайық!

Балалар: Сау болыңыз!

Күтілетін нәтиже:

Біледі: Түстерді атауды, 1-5 ке дейін санауды біледі.

Игереді: «Гольф алаңы», оюлардың атауын игереді.

Меңгереді: Ұлттық құндылықтарды құрметтеуді меңгереді.