Білім беру саласы: Шығармашылық.

Ұйымдастырылған оқу іс – әрекет: Мүсіндеу.

Тақырыбы: «Әдемі гүлдер»

Мақсаты: Білімділік: Гүлдердің түрлерімен таныстыру. Гүлдердің түр – түстерін ажырата білуге баулу. Өсімдіктерді күту ережелерімен таныстыру. Түстер туралы ұғымын бекіту, түстердің атын білуге машықтандыру. Дамытушылық: Сөздік қорын молайту, тілдік белсенділік қызметін арттыру. Гүлдердің түр–түстерін есте сақтау, қабылдау, ойлау сезімдерін дамыту. Тәрбиелік: Түған еліннің табиғатына, гүлдер мен өсімдіктерге қамқорлық көрсетуге, күтуге, сүйіспеншілікке жастайыннан тәрбиелеу.

Cөздік жұмыс:гүлдер, қызғалдақ, күнбағыс, раушангүл, түймедақ, лалагүл, бәйшешек, бақытгүл, «жетіқазына».

Көрнекі құралдар: интер белсенді тақта, гүлдердің суреттері, қойылған бөлме гүлдері,

Әдіс- тәсіл: әңгімелесу, көрсету, түсіндіру, сұрақ – жауап.

Тәрбиеші: -Балалар бүгін бізде ерекше күн, өйткені бізде ашық оқу іс – әрекеті және бізге көптеген қонақтар келген екен. Алдымен келген қонақтармен амандасып алайықшы.

-Бүгінгі іс – әрекетімізді ізгі ниетпен, жақсы тілекпен, жылы лебіздермен бастайық. Олай болса балалар бүгін мен сендерге әдемі гүл әкелдім, ендеше осы гүлге деген тілектерімізді айтайық.

-Жарайсыңдар балалар, ендеше осы гүлімізді әдемі құмыраға салып қояйық, айналаға әсемдік сыйласын. Балалар топқа келген қонақтарды көрді, қонақтармен амандасты. Балалар гүлге өздерінің тілектерін айтады:

-Гүл, сен әдмісің.

-Гүліміз жайқала берсін.

-Гүлдерді баптап өсірейік.

-Гүл бізге әсемдік сыйлайды, т.с.с.

Іздену ұйымдастырушы

Тәрбиеші: -Бір жылда неше мезгіл бар? -Балалар қазір жылдың қай мезгілі? -Көктем мезігілінде неше ай бар? -Көктем мезгілінде ауа – райы қандай болады? -Балалар сендерге көктем мезгілі несімен ұнайды?

- Балалар бүгін бізде мүсіндеу оқу іс – әрекеті.

Балалар мен сендерге өлең жолдарын оқимын, сендер мұқият тыңдап отырып, өлең жолдары не туралы екенін айтыңдар.

Түрлі – түсті әйбат,

Гүлдер шықты жайнап.

Қызыл – жасыл аймақ,

Қырға шықты ойнап. -Балалар бұл гүлдер туралы өлең жолдары екен, олай болса балалар, бүгін біз гүлдер туралы әңгімелейміз және бүгінгі өтетін жаңа тақырыбымыз: «Әдемі гүлдер» деп аталады.

-Балалар, сендер гүлдер әлеміне саяхатқа барғыларың келе ме? Олай болса, жеңіл әуеннің ырғағымен көзімізді жұмып, көктем мезгіліне, гүлдер әлеміне ойша саяхат жасап қайтайық.

Көктемгі күн жерді қыздырып, табиғаттағы барлық тіршілік иелерін оятып, қызғалдақтар жер анадан күш алып, жарырақтарын жайып, күлтелерін көтеріп, күнге қарай қол созғандай. Айналамыздың барлығы жап – жасыл шөптер. Қызыл, сары, қызғылт – сары, әдемі жайқалған, құлпырған гүлдер. Гүлдердің қош иісі қандай керемет. Балалар, гүлдердің жұпар иісін иіскейікші. Қандай тамаша! -Балалар, көзімізді ашып, жаңағы ойша саяхаттап қайтқанда көрген гүлдеріміз туралы әңгімелеп берейік.

(Слайд арқылы көрсету)

Гүлдер тірі табиғатқа жатады. Олар тамыры арқылы қоректенеді. Гүлдерді өсіру үшін топырақ, күннің көзі, су қажет. Гүлдер 3 – ке бөлінеді: дала гүлі, бақша гүлі және бөлме гүлдері. Дала гүлдері көктем мезгілі басталған айналаны әсем күйге бөлеп, құлпыртады. Дала гүлдеріне бәйшешек, қызғалдақ, сарғалдақ, жауқазын, бақбақ, т.с.с гүлдер жатады. Көктем мезгілінде ең алғаш шығатын гүл – бәйшешек гүлі. Бәйшешек гүлі қар еріген кезде шығады. Оны орыс тілінде поджснежник деп атайды. Бақша гүлдеріне раушангүл, түймедағы, жатады. Бақша гүлдерін адамдар өздерінің бақшасына арнайы көктем мезгілінде егеді, олар әдемі хош иісімен ауланы құлпыртып тұрады. Бақша гүлдерін адамдар баптап, суарып отырады. Бөлме гүлдеріне райхан гүлі, астра гүлі, жатады. Бөлме гүлдерін де адамдар арнайы түбекке әдемілікке, таза ауа үшін отырғызады. Балалар гүлдерді жұлуға немес үзуге болмайды. Оларды баптап, күтіп, суарып отыруымыз керек. (Ғажайып сәт) Топқа гүл ханшайымы келеді.

Гүл ханшайымы: -Сәлеметсіңдер ме, балалар?! -Балалар, бізге гүл ханшайымы қонаққа келіпті.

Гүл ханшайымы: -Мен гүл ханшайымымын. Сендерден көмек сұрап келдім. Бүгін Назерке деген қызымның туған күні. Назерке қызыма сыйлыққа гүлдесте жасап қойсам, кешегі қатты желде гүлдестамді ұшырып әкетіпті. Сендер маған Назерке қызыма сыйлық жасауға көмектесесіңіз бе? Тәрбиеші: -Балалар, Гүл ханшайымына сыйлық жасауға көмектесеміз бе? Олай болса мен сендерге өлең жолдарын оқып берейін, сендер мені мұқият тыңдап, өлең не туралы екенін айтып беріңдер.

Қырқалардың төрінен

Лаулап көзге ұрады

Қызғалдақтар өңірді

Қып- қызыл ғып тұрады.

-Балалар өлең не туралы екен? -Дұрыс, қызғалдақ туралы екен. Олай болса бүгін біз қызғалдақтың суретін саламыз. Қызғалдақ көктем мезгілінде ерте гүлдейтін гүлдердің бірі. Оның сабағы, жапырағы және күлтесі болады. Күлтесі қызыл түсті болып келеді. Бүгін біз қызғалдақты ермексаздан жасап үйренеміз.Қызғалдағымыздың төменнен жоғары қарай сабағын . Содан кейін жасаймыз,сабағынан жапырағын шығарамыз. Жапырағымыздың бір ұшын сүйірлеу етіп, екінші бұрышын үшкірлеп жасаймыз. Міне біздің қызғалдағымыз пайда болды. Балаларды қадағалау, мақтау.

Гүл ханшайымына жаттаған тақпақтарымызды айтып берейік.

Гүл ханшайымы: -Балалар менің сендермен қоштасатын кезім жетті. Гүлдер туралы тақпақтар да жаттаған екенсіңдер. Мен енді кетейін, сендерге көп рахмет.

Тәрбие сағаты:Бейбіт күн жасасын әлемде!
Мақсаты:   1 ) Оқушыларды Ұлы Отан соғысымен, қазақстандықтардың            
                         ерлік істері туралы түсінік беру.

2)Оқушыларды адамгершілікке, отанын сүюге, оны қорғауға    
                         баулу. Отанға деге сүйіспеншілігін арттыру
                    3)Оларға патриоттық тәрбие беру. Оқушыларды үлкен  
                        адамдарды сыйлай білуге, оларды қадірлеуге,өз Отана сүюге    
                        тәрбиелеу.

Көрнекілігі: үнтаспа, Ұлы Отан соғысы туралы кітаптар, гүлдер, шарлар.Слайд, Сахна  мерекеге  сай  безендірілген

         Жүргізуші: 9-мамыр -бүкіл дүниежүзі бойынша үлкен мейрам.Әсіресе, бұл мерекені екінші дүниежүзілік соғыстың бар ауыртпалығын өз мойнымен көтеріп, Отан үшін от кешіп, соғыстың қанға бөккен даласында қайсарлықпен шайқасқан, Жеңістің туын желбіреткен, Ұлы Отан соғысының ардагерлері үшін ерекше мейрам.

Құрметті ұстаздар,оқушылар бүгін 9- мамыр Жеңіс күні мерекесі құтты болсын. Биыл міне осы соғыстың аяқталғанына да 72 жыл болса да,соғыс оты шарпыған жараның аузы енді жазылған секілді.Біздің бейбіт өмір сүруіміз үшін жанын қиған, ерлікпен қаза тапқан ата-әжелеріміздің есімін еш уақытта ұмытпауымыз керек. Жеңіс күні құтты болсын. Күндіз күлкі, түнде ұйқымыз тыныш болсын деген тілекпен бүгінгі 1 «Б» сыныбының дайындаған шағын мерекелік бағдарламасын қабыл алыңыздар!

Сахна  мерекеге  сай  безендірілген.

           Көрініс:    

Радиодағы  дауыс:«Тыңдаңыздар, тыңдаңыздар! Соғыс,соғыс басталды,  Неміс  басқыншылары  тұтқиылдан   шабуыл  жасады.» 

21 маусым күні Оқушылардың мектеп бітіру кешінен қайтып келе жатқан сәті. Кенет радиодан:»тыңдаңыздар, тыңдаңыздар! Сөйлеп тұрған Москва!1941 жылы 22 маусым фашистік Германия тұтқиылдан соғыс жариялап, елімізге басып кірді.»
1 әйел: «Соғыс, соғыс дейді, естідіңдер ме? Сұмдық-ай енді қайттық? Күніміз не болар екен?»

2 әйел: «Қойыңдар жамандық шақырмай. Ел шетіне жау тисе, арқа сүйер азаматтар бар емес пе?»
Аналар  жаман  хабарды  естіп,  залдан  шуласып  шығып  кетеді.   (таспадан  шулаған, жылаған  әйелдер  мен  балалардың  дыбыстары  естіліп  тұрады)

Соғысқа  аттануға  дайындалған  солдаттар (оқушылар музыка  әуенімен сап түзеп,   залға  кіреді: 

Ат басына күн туса,
Ауыздықпен су ішер
Ер басына күн туса, етігімен су кешер – деген бар емес пе, жыламаңдар, жастарыңды тиыңдар?
Бәрі: Отан үшін аттанайық!

Уа, халқым!Күн туды сенің басыңа,
Жау кірді сенің жеріңе,
Сұм фашистен қорғауға,
Аттан, халқым майданға!

Ұран:

Отанды  біз  қорғаймыз

Жаудың  алдын  ораймыз.

Командир: Отан  үшін  алға!

Солдаттар: Ура,ура,ура!

Солдаттар  залдан  саппен  жүріп  шығып  кетеді.

Слайдтан  кино  фильмнен  үзінді  көрсетіледі.

Ортада  тылдағы  әйелдер  диірмен  тартқан, келі  түйген, тоқыма  тоқып  отырған аналар  көрінісі  көрсетіледі.

Ана  сөзі: Е, бұл  соғыс  бірімізді  де  есеңгіретіп  жіберді-ау.  Осы  кезде  таспадан  почташы  қыздың  келе  жатқаны  хабарланады. Почташы  қыз  жүгіріп  келеді.

Почташы  қыз:  Сүйіші, сүйінші  хат  келді. Аналар  дабырласып  хаттың  кімге  келгенін  білуге  асығады.  Почташы  қыз  Күләйша  апаның  баласына  келген хатты  беріп, басқада  ауылға  хат  апарып  беретінін  айтып  қоштасып  кетеді.

Ана  баласынан  келген  хатты  ашып  оқиды.  Майданнан  келген  хат  таспадан  тыңдалып , аналар  қуанып,  қауқылдасып  тұрады.  Сол  қуаныш  артынан  радиодан  соғыстың  біткені  хабарланады. 

 Радиодағы  дыбыс:   Тыңдаңыздар,  тыңдаңыздар!      1945  жыл  8  май  Совет  армиясы  неміс  басқыншыларын  кері  шегіндірді.  Жауынгерлеріміз  елге  оралады,  залға  соғыстан  келген  солдаттар  кіреді.  Алдарынан  гүл  шоқтарын  ұстаған  қыздар  шығады.  Аналар  өз  балаларын  құшақтап,  музыка  әуенімен  барлығы  билеп  залдан  шығып  кетеді

Талай  жанды  қиды  ажал  балтасы.

Жауды  жеңіп  қайтты ауылға  қаншасы.

Біздің  мына  бейбіт  өмір  алаңсыз.

Ел  қорғаған  батырлардың  арқасы.

Солдаттың көкірегі толы арманы,
Оқ жаңбыр астында да жоғалмады,
Отан мен анасы үшін «Алға» деді
Амал не, көпшілігі оралмады

Дәл осынау жадыраңқы жай күні,
Болса дағы қай ғасырдың қай жылы.
Ұлы Отаным басын иіп бір минут,
Есіне алмақ сол бір апат қайғыны
( 1 минут үнсіздік; үнтаспадан жай ғана Ұлы Отан соғысы туралы ән естіледі

Жүргізуші: Осы  сұрапыл  соғыста  жауды  талқандап  Ұлы  Жеңіске  жетуге  қазақстандықтар  да  сүбелі  үлес  қосты. Жүздеген  мың  қазақстандықтар  қолына  қару  алып ,  өз  Отанының  бостандығы  үшін  күресті.

:  Қазақстандықтар  Брест  қамалын  қорғады,  Мәскеу  түбінде  өлімге  бас  тікті,  Сталинград, Курск  доғасындағы  шайқастарда  ерекше  көзге  түсті.  Берлинді  шабуылдады, 

Рейхстагқа  қазақ жігіті Рақымжан Қошқарбаев Жеңіс  туын  тікті 1945 жылы 30сәуірде.

Туын  жықпай  қолдағы,

                      Опат  болды  елі  үшін.

                      Кеудесімен  қорғады,

                      Азаттықтың  жемісін

Бейнекөрініс:Қазақстан жауынгерлері Ұлы Отан Соғысында

Ұлы Отан соғысына қатысқан Бауыржан Момышұлы, Мәншүк Маметова, Әлия Молдағұлова, Мәлік Ғабдуллин, Талғат Бигелдинов және т.б жерлестеріміз аз емес. «Ешкім де ұмытылған жоқ, еш нәрсе де ұмыт қалған жоқ». Бұл сөздер мереке кезінде жиі естіледі.Ерлікпен қаза тапқан ерлердің  ескерткіштерінде  бұл сөздер таспен қашалып, ойылып жазылған. Ал осы бейбіт өмірге жете алмаған , ерлікпен қаза  тапқан аталарымыз бен апаларымыздың рухына  құрметпен бас иеміз.

Би:  «Сарбаздар»

  Жігіт  жастан  қан  майданға  кеттің  бе?

Сағындырдың  көз  ілдірмей  көп түнде.

Зарықтырған  Жеңіс  туым-Жауынгер.

Байтақ  елге  аман-есен  жеттің  бе?

Қан  майданда  қаза  тапқан  боздақтар  қаһармандығын  мәңгі  есте  сақтап, ерлігіне  бас  иіп, батырлар суреттерінің жанына гүл шоқтарын қояды

Замир

Тастар көкке атылды,

Орман шулап,тау құлап…

Жиырма сегіз батырды

Жеңе алмады жау бірақ…

Надир

Жамылды жер тұманды,

Өрт ішінде қалды бақ.

Жиырма сегіз қыранды

Жеңе алмады жау бірақ.

 Бақтияр

Оқ астында зулаған

Туған жермен бір болып.

Жау алдында тұрды олар,

Жиырма сегіз мың болып.

 Абылайхан

Жау жеңілді ақыры,

Атты бейбіт таң күліп.

Жиырма сегіз батырды

Ұмытпайды ел мәңгілік.

Хор: «Ел қорғауға әзірміз» әні

Жау  жеңілді  ақыры

Атты  бейбіт  таң  күліп,

Әлия  мен  Мәншүкті

Ұмытпайды  ел  мәңгілік.

Даламыздың даңқысың
Балауса гүл балғын қыз.
Жанын қиып, халқы үшін,
Жанып түскен ақ жұлдыз.

Жүргізуші:Қайсарлық  пен  өшпес  ерлік  көрсеткен  қазақтың  қаһарманы  Әлия  мен  Мәншүкті  біз  ешқашан  ұмытпаймыз.  Өлшеусіз  өжеттілік  пен  жеңіске  мұқалмас  ерлік-жігер  танытқан  қос  қарлығаш  біздің  мәңгілік  жүрегімізде  сақталады.

-Ат ауыздығымен су ішкең, ер етегімен су кешкен сұрапыл соғыста ерлермен бірге қолдарына қару алып, Отанын қорғауға біздің батыр апаларымыз Шығыс жұлдыздары Әлия Молдағұлова мен Мәншүк Маметова ерлік көрсетіп, батырлықпен қаза тапты. 

Мәншүктің анасына жазған хаты:

«Қымбатты мама».
Көптен күткен хат пен посылканы тура алғы шепке жүргелі тұрған сәтте алдым. Бұл 1943 жылдың 10-шы қыркүйегі еді. Өзіме бір-ақ алма тисе де, мен қатты қуандым. Кішкене сыйлықты мен сияқты күткен жауынгерлер мен командирлер талап кетті. Үлкен рахмет. Жолымыз сәтті болды. Ал қазір, алғы шепте пулеметіммен фашистерді мықтап аңдудамын. Түнде мүлдем дерлік ұйықтамаймыз, ал күндіз тынығамыз. Міне, қалт еткен сәтті пайдаланып, сізге жауап жазып отырмын.
Қымбатты мама! Бүгін күндіз сәл тынығайын деп жатыр едім, бірден ұйықтап кетіппін. Сізді түсімде көрдім. Жалпы қазіргі өміріміз көңілді: фашистермен қару тілімен келіссөз жүргізіп жатырмыз.Жеңіспен оралған соң, айтатын нәрсе көп-ақ. Қолыңды қатты қысып, құшып сүйемін. Қызыңыз Мәншүк. Менің майдангер жолдастарым сәлем айтып жатыр.

Қазақ биі.

-.Қорытынды: Міне, ата-бабаларымыздың арқасында бүгінгі күні өз тәуелсіздігімді алып, егеменді ел болып, әлемге танылып отырмыз. Өз әнұранымыз, өз елтаңбамыз, әрқашан биіктен көрінер туымыз  бар. Бұл біз үшін үлкен қуаныш, үлкен бақыт. Қуанышымыз, жеңісіміз ұзағынан болсын деп бүгінгі мерекелік шарамызды аяқтаймыз. Елімізде бейбітшілік болсын!

Хор: «Бейбітшілік сақталады» әні

Біз болашақ жас ұлан

Мақсаты: Балаларға салауатты өмір салтын насихаттау, дене шынықтырудың адам денсаулығына пайдасы туралы түсіндіру. Таңертеңгі жаттығуды міндетті түрде орындауға жаттықтыру. Жарыс ойындарына қызығушылықтарын тудыру және бір-біріне деген достық қарым- қатынастарын орнату.

Керекті құралдар: доптар, межелер, құрсаулар,секіргіштер, арқан,обручтар

Командалар музыка әуенімен шығады.

Қайырлы күн,құрметті спорт сүйер көрермендер! Бүгін сіздер «Біз болашақ жас ұлан» спорттық ойынына қатысқалы отырған ортаңғы және 2 – ші кіші тобының, бәрі бір отбасындай болып кеткен балалардың өнерін тамашағалы отырсындар.
Спорт десе таза біздің арымыз,
Жалындайды сайысқанда жанымыз.
Сайысатын тобымызды бүгінгі,
Қарсы алайық қошеметпен бәріміз

Гимн орындалады

Ал сайыскер топтар,

Ешкімнің жоқ алалар.

«Жеңімпаз болу» үлкен сын,

Оны әділқазың бағалар.

Ашық жарқын жүзді,

Әділқазылар біздің

Таңдап баға беруге ,

Шақырайық төрге-деп әділқазылар алқасын сайлау және таныстыру.

1 Балабақшамыздың меңгерушісі Косниязова Гүлсара Тілековна

2 «Балапан» тобының тәрбиешісі Искалиева Ж.А

3 «Күншуақ» тобының тәрбиешісі Уринбаева Г.У

4 Медбике Уркимбаева Б.

Әділқазылар алқасы 4,5балдық жүйе бойынша бағалайды.

Әділқазыларға сөз беріледі.

Тәрбиеші:Балалар ,біз таңертең тұрған бойда беті-қолымызды жуамыз содан соң не істейміз?

-Жаттығу жасаймыз.

-Дұрыс айтасыңдар,балалар жаттығуды не үшін жасаймыз?

-Денсаулығымыз мықты болу үшін,әдемі,сымбатты болып өсу үшін

Жүктеу

ЖИ арқылы жасау

ЖИ арқылы жасау

Бөлісу