Ұйымдастырылған оқу қызметі "Жемістер "

Білім беру саласы: «Шығармашылық»

Оқу іс-әрекет түрі: Жапсыру.

Тақырыбы: Жемістер.

Мақсаты: қайшымен жұмыс істеу дағдыларын арттыру; домалақ және сопақ пішіндерді қағаздан қиып үйрену; бөлектерді ретімен дұрыс желімдеуге дағдыландыру; балаларды қайшымен ұқыпты жұмыс жасауға үйрету.

Көрнекілігі: жемістердің нақ пішіндері (муляждары) немесе суреттері, дайын жұмыстың үлгісі, қайшы, түрлі түсті қағаздар, қатырмақағаз, желім, қолорамал.

Іс-әрекет барысы: Ұйымдастыру кезеңі.

Жұмыс орнын қалай дайындау керектігін, қайшымен, желіммен қауыпсіз жұмыс істеу ережесін естеріне түсіру. Балаларға қажетті құрал-жабдықтар мен материалдарды дұрыс орналастыруға көмектесемін.

Үстелдің үстінде ыдысқа салынған жемістер (нақ пішіндер) тұрады. Балалардан не көріп тұрғандарын сұрап, олардың түстерін, геометриялық пішіндерін анықтауға тапсырма беремін. Мысалы, алма домалақ, қызыл, сары, жасыл; алмұрт сопақ, жасыл,т.б. Сұрақтардың көмегімен балалар жемістердің дөңгелек немесе сопақ пішінді болатындығы туралы қорытынды жасаймын. Екі еселеніп бүктелген шаршы қағаздан дөңгелек немесе сопақ пішінді қалай дұрыс қию керек екендігін көрсетемін. Содан соң балаларды аппликациялық орындаудың барлық кезеңімен жұмыс дәптерінен көрсете отырып түсіндіру.

Түрлі түсті қағаздан тіктөртбұрыштар қиып аламыз.

Тіктөртбұрышты екіге бүктейміз.

Екі бүктелген қағазға жемістердің жарты бөлігін қарындашпен сызып аламыз.

Белгіленген сызық бойымен жемістерді қиып аламыз.

Қиып алынған жемістерді жазып, негізгі бетке жапсырамыз.

Қорытындылау.

Аяқталған жұмыстардың орындалу барысын тексеріп, артықшылықтары мен кемшіліктерін балалармен біріге отырып талқылайды. Балалардың жұмыстарынан шағын көрме ұйымдастырамыз.