Ұйымдастырылған оқу қызметі тақырыбы: Ұшақ

Тәрбиеші: Жәнібекқызы Сәулеш

Білім беру саласы: Шығармашылық

Бөлімі: Жапсыру

Тақырыбы: «Ұшақ»

Мақсаты: Ұшақты дұрыс жабыстыра білуге және оның бөліктерін дұрыс орналастыруға үйрету. Көліктер туралы түсінік бекіту, ұсынылған тапсырмаларды дұрыс орындауға үйрету. Тазалыққа және әдемілікке тәрбиелеу.

Көрнекілігі: Ұшақтардың әр түрлі суреттері, үлгі жұмыс, тұрлі – түсті қағаздар, ақ парақ, желім.

Сөздік жұмыс: ұшақ, тікұшақ

Билингвальды компанент: ұшақ- самолет, тікұшақ- вертолет

Шаттық шеңбері

Арайлап таң атты,

Алтын сәуле таратты!

Қайырлы тан, балалар!

Қайырлы таң, апайлар!

• Жарайсыңдар, балалар енді бәріміз орнымызға отыра қояйық. Балалар қазір жылдың қай мезгілі?

• Күз мезгілі.

• Күзде қандай өзгерістер болады?

• Жапырақтар сарғайып жерге түседі, құстар жылы жаққа ұшады.

• Басқа тағы қандай өзгерістер болады?

• Жаңбыр жауады.

• Жарайсыңдар! Балалар қазір күз мезгілі. Күз мезгілінде күн салқындап, жаңбыр жауады. Ағаштардың жапырақтары сарғайып жерге түседі. Адамдар мен балалар жылы киінеді.

Тәрбиеші: Мен сіздерге енді жұмбақ жасырғым келіп тұр шешкілерін келеме?

Құстан аумайды,

Көкте зулайды. (Ұшақ)

Балалар жұмбақтың шешуін табады.

Тәрбиеші: Жарайсыңдар, балалар жұмбақтың жауабын дұрыс таптыңдар. Сонда біздің ұшағымыз аспанда ұшып жүрген құстарға ұқсайды екен. Балалар тақтада ілініп суреттерді көріп отырсыңдарма, онда ненің суреттері бейнеленген екен?

Балалар: Ұшақтар.

Тәрбиеші: Дұрыс айттыңдар бүгінгі біздің ұйымдастырылған оқу іс –әрекеті тақырыбы - ұшақ

• Ендеше балалар біз қазір осы ұшақтармен танысу үшін ұшақтар әлеміне саяхат жасайық.

• Балалар бұл ненің суреті, қайда ұшып жүр?

• Ұшақтың суреті, ол аспанда ұшып жүр.

• Олардың түстері қандай?

• Қызыл, жасыл, көк, қоңыр.

• Олардың кемелермен автобустан айырмашылығы қандай?

• Кеме суда жүзеді, автобус жолда жүреді, ал ұшақтай аспанда ұшады.

• Ұшақтың неше түрі бар?

• Екі түрі бар (саусақтарымен екі деп көрсетеді), олар: тікұшақ және ұшақ.

• Ұшақтың жүргізушісін кім деп атаймыз?

• Ұшқыш.

Жарайсыңдар балалар! Ұшақ – ол аспанда самғап ұшады, көліктің бір түрі. Көліктер деп біз – автобус, кеме, поезд т.б. жатады. Ұшақтың екі түрі бар: тікұшақ және ұшақ деп аталады. Ұшақты жүрізетін адамды ұшқыш деп атаймыз. Олар ұшақтарды жүргізіп ғана қоймай, аспанды қорғайды және ақылды, білімді, мықты болады.

Тәрбиеші: Балалар сіздер ұшақ туралы тақпақ білесіңдер ма, кім айтысы келеді?

Мағжан: Досым маған ойыншық,

Ұшағын сыйлайды.

Айналам деп аспанды,

Шаршағанға ұқсайды.

Дільназ: Ұшқыр ойлы Ұзақпай,

Ұқсамайды ешкімге.

Ұшақ жасап, ұзатпай,

Ұшырмақшы аспанға.

Бекжан: Ұшағым бар ойыншық,

Ұшырмасам ұшпайды.

Бірақ оның ішіне,

Саусағымда сыймайды.

Дидактикалық ойын: «Не қайда ұшады?»

Сергіту сәті: Құстай қанат жазайық,

Ұшақ болып ұшайық.

Ұшып – ұшып алайық,

Орнымызды табайық.

Жарайсыңдар балалар енді орнымызға отырайық! Ендеше біз қазір алдарымызда тұрған заттарды пайдалана отырып ұшақ жабыстырайық. Бірінші мен сіздерге өзім жабыстырып көрсетейін содан кейін сіздер жабыстырасыздар.

• Балалар тәрбиішінің көрсетуімен ұшақтарын жабыстырады.

• Қәне, жабыстырып болсақ бәріміз ұшақтарымызды жоғары көтеріп көрсейікші апайларға. Менің балаларым қандай әдемі, ұқыпты етіп жасаған жұмыстарын жарайсыңдар!

Қорытынды:

• Балалар біз бугін қандай көлік түрімен таныстық?

• Ұшақ.

• Ұшақтарымыз аспанда ұшып жүрген неге ұқсайды?

• Құстарға.

Күтілетін нәтиже:

Білу керек: Ұшақ әуе көлігі екенін білуі керек.

Нені игереді: Өз жұмыстарын тиянақты орындай алады.

Нені біледі: Ұшақты ұшқыш басқаратынын, оларды аспанды қорғайтынын