Күні:

15.11.2018

Тәрбиеші:

Габдулина Ш.Б.

Білім беру саласы:

Денсаулық

Бөлімі:

Қауіпсіз мінез-құлық негіздері

Өтпелі тақырыбы:

Дені саудың жаны сау

Оқу қызметінің тақырыбы:

Дұрыс тамақтану, дәрумендердің пайдасы

Мақсаты:

Дұрыс тамақтану мен дәрумендердің пайдасын түсіндіру

Педагогикалық технология:

Әңгімелесу, түсіндіру. Аспаз мектеб3не саяхатқа бару.

Жұмбақтар шешу, сурет бойынша әңгіме құрау.

Ресурстармен қамтамасыз ету

Көкөністер, жемістердің суреттері

Көптілдік:

Дәрумендер - витамины

Алма – яблоко - (эпл), алмұрт – груша - (пэя), банан – банан -(банана), жүзім – виноград - (грейп), сәбіз – морковь - (кэрәт), қияр-огурцы - (кюкамбә), қызанақ – помидор - (таматоу), қызылша-свекла - (бит).

Оқу қызметінің барысы

Ұйымдастыру кезеңі:

«Шаттық шеңбері»
Шуағын шашады,
Күн шықса жиектен.
Жылу алып нұрынан,
Денсаулықты түлеткем.
Денсаулық — ол күлуің,
Көңіл — күйің жадырай,
Денсаулық — ол жүруің,
Ешбір жерің ауырмай.
— Балалар, осы жақсы көңіл-күймен бүгінгі ұйымдастырылған оқу іс- әрекетімізді бастаймыз. Бүгінгі жаңа ұйымдастырылған оқу іс-әрекетімізде дұрыс тамақтану және дәрумендердің денсаулығымызға деген пайдасын білетін боламыз

Негізгі кезеңі:

- Дәрумендер — дегеніміз не? Орысшасы қалай аталады?

- Дәрумен – Витамин.

- Балалар, сендер балапан телеарнасын көресіңдер ме?

- Олай болса, мына әуенді тыңдап көріңдерші,бұл қай бағдарламаның әуені?

- Аспаз мектебі.

- Дұрыс айтасыңдар,ал балалар сендер аспаз мектебіне қонаққа барғыларың келе ме?

- Олай болса біз бүгін аспаз мектебіне саяхатқа барамыз.

Саяхатқа біз машинамен барамыз. Ал балалар жолға шығайық.

Міне балалар аспаз мектебіне де келіп жеттік.

Аспазша апай: Салеметсіздер ме, балалар! Қош келдіңдер!

- Салеметсіз бе!

- Балалар, сендердің дендерің сау болып, мықты болып өсу үшін не қажет?

- Дұрыс тамақтану, дәрумендер қажет.
Аспазша апай: Сендер тамақты күніне неше мезгіл ішесіңдер?

- Төрт мезгіл. Таңғы ас, түскі ас, бесін ас, кешкі ас.

Аспазша апай: Дұрыс. Біздің күнделікті тағамдарымыздың ішінде әртүрлі дәрумендер бар. Сендер қандай дәрумендерді білесіңдер?

- АВСДЕ дәрумендерін.

Аспазшы апай: Дәрумендер туралы тағы не білесіңдер?

Тәрбиеші: Біздің балалар дәрумендер туралы тақпақтар біледі.

Дәрумендер тірегің,
АВСДЕ деп аласың.
Жетіспесе бірі оның,
Ауырып сен қаласың.

А — сы қажет көзіңе,
В — сы қажет жүйкеге
С — дан микроб безінер,
Д — сүйекті нығайтар.

А — болады асқабақ,
Өрік, айран, салатта.
В — балық, картоп, асбұршақ,
Сиыр еті жаңғақта.
С — апельсин, алмұртта,
Д — балық майында,
Е — қарақаттан табылар.

Аспазшы апай: дәрумендерді біз қайдан аламыз?

- Жемістерден, көкөністердер.

- Ал қандай жемістерді, көкөністерді білесіңдер?

Тәрбиеші: Біздің балалар көп жемістер мен көкөністерді біледі үштілде атауларын атап бере алады.(сурет б-ша үштілде атауларын атайды.)

Алма – яблоко - (эпл), алмұрт – груша - (пэя), банан – банан -(банана), жүзім – виноград - (грейп), сәбіз – морковь - (кэрәт), қияр-огурцы - (кюкамбә), қызанақ – помидор - (таматоу), қызылша-свекла - (бит).

Аспазшы апай: Ал енді балалар,осы жемістерден, көкөністерден не жасауға болады?

- Шырын, салат.

Тәрбиеші: Балалар бүгін біз аспазшы апаймен бірге түскі асқа салат жасаймыз. (балалар аспазшы апаймен,тәрбиешімен ұжымдық жұмыс жасайды).

- Балалар, сендер қандай жемістерден жасайсындар?

Балалар: Алмада «С»дәрумені бар, алма жесек денсаулығымыз мықты болады, ешқандай микробтар жоламайды.

Банан, киви, жүзімде «В»дәрумені бар, «В» дәруменін қолданған баланың ішкі құрылыстары, жүйке жолдары, қан айналымдары күшейіп, жақсы жүгіретін болады. Йогуртта да дәрумендер көп.

- Ал, балалар сендер қандай көкөністерден салат жасайсыңдар?

Балалар:

Қызанақта «А»дәрумені бар, оны күнде жесек біздің көзіміз жақсы көретін болады.

Қиярда «В»дәрумені бар, ол бізге өте пайдалы.

Пияз жесек бізге тұмау жоламайды.

(ұжымдық жұмысты аяқтап, келген қонақтарға салаттан дәм таттыру).

Тәрбиеші: Балалар, біздің денсаулығымыз мықты болу үшін дәрумендерді қабылдаумен бірге дене қозғалысына мән беруді естен шығармауымыз керек. Қане барлығымыз денемізді қыздырып, сергіту жаттығуымызды жасайық.

Сергіту сәті:

Тәрбиеші: Балалар аспазшы апайдың бізге дайындаған тосын сыйы бар екен.Ал ол тосын сый тақтада жасырулы тұр.Ол не екенін білу үшін,біз тапсырманы орындауымыз керек . Сол тапсырмаларды дұрыс орындасаңдар қандай тосын сый екенін білетін боламыз.

Жұмбақ шешу.

І — ші бөліктегі тапсырма
Бұйра шашы желменен ойнап тұрады,
Қызыл мұрны жерге бойлап тұрады. (Сәбіз).

Қалың киімді ұнатады,
Шешіндірсең жылатады. (Пияз).

Аласа талда алуан алма,
Ал қызыл болмай аузыңа салма (Қызанақ).

- Қараңдаршы, балалар, сендер жұмбақты дұрыс шешкен соң жасырылған тосын сыймыз ашылды.

Аспазшы апай: Балалар естеріңде болсын, түрлі хот-дог, чипсы сияқты тағамдарды және кола сусындары біздің ағзамызға кері әсерін тигізеді. Бұл тағамдардан әрдайым аулақ болған жөн! Сондықтан да дұрыс тамақтану керек. (тосын сыйын таратады).

Тәрбиеші: Балалар біздің топқа қайтатын уақытымыз болды.

(Аспазшымен қоштасып, топқа қайту).

Қорытынды кезеңі:

- Балалар бізқайда саяхатқа бардық?

- Кіммен кездестік?

- Саяхат сендерге ұнады ма?

- Олай болса біз ойын ойнайық.

Ойын: «Пайдалы және зиянды тағамдар»

Шарты: Пайдалы тағамдарды азық таситын арбаға жинаймыз,ал денсаулығымызға кері әсерін тигізетін тағамдарды қоқыс шелегіне жинаймыз.
- Рахмет, балалар! Сендер тапсырманың барлығын жақсы орындадыңдар.

Балаларды мадақтау

Жасайды: Көкөністерді, жемістерді атайды

Түсінеді: Көкөністердің, жемістердің қандай дәрумен болатының біледі

Қолданады: дұрыс тамақтанудың, дәрумендердің адам ағзасына пайдасын, олардың қандай тағамдарда болатынын біледі