Күні:

Тәрбиеші:

Габдулина Ш.Б.

Білім беру саласы:

Шығармашылық

Бөлімі:

Мүсіндеу

Өтпелі тақырыбы:

Дені саудың жаны сау

Оқу қызметінің тақырыбы:

Қысқы ойындар.

Мақсаты:

Мүсіндеуге арналған құралдармен жұмыс жасай білуге үйрету. Адамның қимылына тән мәнерлікті беру дағдыларын қалыптастыру.

Педагогикалық технология:

Түсіндіру, көрсету, сұрақ жауап

Ресурстармен қамтамасыз ету

Балалардың қысқы ойынын бейнелейтін картиналар, ермексаз, қатырмақағаз, тақтайша, таяқша, қол орамал.

Көптілдік:

Қысқы ойындар – зимние иргы

Оқу қызметінің барысы

Ұйымдастыру кезеңі:

«Шаттық шенбері»

Көңіл күй қалай?

КҮШТІ!!! (Балалар бас бармақтарын жоғары көрсетеді)

– Түгеліміздің! Біз де сондай пікірдеміз!

Негізгі кезеңі:

Кіріспе әңгіме: Балалармен «Қыс қызығы» тақырыбындағы картиналарды қарастырып, суреттегі әр кейіпкердің қозғалысына, киімдеріне, тұрған тұрысына назар аударады. Қар атысып, аққала жасап жатқан немесе шаңғы теуіп жүрген, шана сүйретіп дөңнің үстіне шығып бара жатқан балалардың қысқы ойындарының суретін тамашалайды. Балалардан өздері қыста аулаға шыққанда қандай ойындар ойнағанды жақсы көретіндерін сұрау.

Түсіндіру: Жұмысты бастар алдында балалардың әрқайсысы нені мүсіндейтінін біліп, шешіп алу керек. Әр түсті ермексазды жұмсартып алу.

Ермексаздың бір бөлігінен үлкен цилиндр -денесін (күртеше), басқа бөліктерінен кішірек екі цилиндр - қолдарын, домалақ -басын (шапкасы) дайындау.

Цилиндр пішініндегі денесін конус пішініне келтіру (бас бармағымыздың көмегімен цилиндрдің жоғары бөлігін төменгі бөлігіне қарай аздап жаншу), дене бөлігінің жоғары жағына қолдарын біріктіру.

Домалақ ермексаздан бөрігін мүсіндеу. Ол үшін домалақты конус пішініне келтіру (бас бармағымыздың көмегімен ермексазды аздап жаншу).

Аяқтарын мүсіндеу үшін екі цилиндр пішініндегі ермексазды дайындау.

Екі цилиндрдің төменгі жағын аздап иіп, етігін мүсіндеу.

Ақ және қызыл сары ермексаздарды әбден араластырып, домалақтап илеп, басын мүсіндеу, осы ермексаздан домалақ мұрнын жасау.

Денесіне басын біріктіру.

Бас киімін кигізіп, мұрнын жапсыру.

Аяқкиімін біріне-бірін жабыстырып, біріктіру.

денесін, аяғын біріктіру.
Тіс шұқығыш шидің көмегімен көзін, аузын саламыз.

шана, конькилерді қатырма қағаздан қиып жасап, мүсінімен біріктіру.

Мүсіндерді алдын ала дайындалған қатырмақағазға жапсырып, мазмұнды композиңия құрастыру.

Өзіндік жұмыс : Балалардың жұмысы. Балаларға жұмысты орындауға кеңес беріп, мүсіндеуде қиналған балаларға көмектесіп, жұмыстарын талқылап отыру .

Қорытынды кезеңі:

Көрме ұйымдастыру

Ең жақсы жасалған жұмыстарды және өз қиялдары мен шығармашылығын пайдалана білген балалардың еңбектерін атап өту, мадақтау.

Жасайды: Қысқы ойындарды біледі

Түсінеді: Адамның қимылына тән мәнерлікті бере алады

Қолданады: Мазмұнды композиңия құрастырады