Ұйымдастырылған оқу қызметінің конспектісі.

Тақырыбы: «Үйректің балапанын табуға көмектесемін »

Білім беру саласы: «Қатынас»

Бөлімі:Сөйлеуді дамыту

Мақсаты: Балаларға құстар туралы түсінік беру. Балаларға тақпақ,тіл-ұстарту жатығуын айтқызу арқылы тілін, сөздік қорын, есте сақтау қабілетін дамыту. Құстарды қорғауға, ұясын бұзбауға,қамқор болуға тәрбиелеу.

Алдын- ала жүргізілетін жұмыс:Құстар туралы жұмбақ, қыс туралы тақпақ жаттау.Сурет бойынша әңгімелей білу.

Әдіс- тәсілдері: Әңгімелесу,түсіндіру, сұрақ жауап.

Көрнекіліктер: Қарға,торғай,сауысқан,шымшық,тоқылдақ

Билингвалдық компонент: Қарға-ворона,сауысқан-сорока,

шымшық-синичка,тоқылдақ-дятел, көгершін-голубь,

– Қайырлы күн, қымбатты балалар! Бүгін мен сендерді ерекше көңіл-күймен қарсы алып тұрмын.

Кәнеки, шаттық шеңберіне жиналып:

Біздің топта ұл-қыздар

Тату-тәтті ойнайды

Айналаға,бар әлемге

Тек жақсылық ,сыйлайды.

- Балалар қазір жылдың қай мезгілі? Қыс.

- Қыс мезгілінде табиғатта қандай өзгерістер болады? Күн салқындайды, аяз,боран болады. Ағаштардың бетін қар жапқан,Адамдар жылы киінеді.

Дыбыс естіледі:-Сәлеметсіздер ме,балалар.Мен балапандарымды жоғалтып алдым,Серуеннен қайтып келе жатқанда қалып қойса керек.Көмектесесіздер ме?

-Үйрек қандай құс?Үй құсы.

-Балалар,балапандардың қанаты су болып тоңып қалды ма екен?Жоқ балалар,себебі құстардың қанаты майлы болады,оларға су жұқпайды,қанаты арқылы жылынады.

Оны тәжірибе арқылы көрейік.

Эксперимент:Қанатын суға батырады.

Бірақ балапандарымыз кішкентай сондықтан тоңып қалуы мүмкін.

-Дала құстарынан сұрап көрейік.Дала құстары қайда мекендейді?Орманда

1,2,3 сиқырлы орманға түс.

Слайд.Орман. Ненің дыбысы? Тоқылдақ.

Тоқылдақ.Оның тұмсығы ұзын, қатты.Ол ормандағы ағаштардың құрттарын тазартады.Сондықтан оны Орман емшісі деп атайды.

Тіл-ұстарту жаттығуы:

Дақ-дақ-дақ- емші құс----?тоқылдақ.

Ұс-ұс-ұс-ұшты үлкен------?құс

Ға-ға-ға-Тал басында------? Қарға

Ғаш-ғаш-ғаш- Ұя салды -----?Қарлығаш.

Қан-қан-қан Ала қанат------? Сауысқан.

Келесі тағы қандай дыбыс шығады?

Үкі (саусақ ойыны) Үкімен ойнап көрейік.

Орманда қараңғы

Бәрі-бәрі ұйқыда

Үкі ғана ұйықтамапты

Маңғазданып отыр қапты

Әрі-бері қарады да

Қараңғыға қанат қақты.

-Жарайсыңдар,балалар.Баллар Енді көшедегі құстардан сұрап көрейікші.

1,2,3, қала көшесіне түс. (Қандай құстар,жеке атап,құстар деп жалпылама айту)

- Құстар туралы тақпақ айтайықшы?

Қарға-қарға қарғалар

Қар үстінде жорғалар

Боран соқса қор болар

Бұтаға келіп қорғалар

Сауысқан,сауысқан

Жауыр атқа жабысқан

Қырда жайыр көрінсе

Қиқулатқан сауысқан!

Торғай,торғай тоқылдақ

Жерден тары шоқып ап

Бөтегесі бұлтиып

Момақансып отырмақ!

Құстар бізге мынадай ойындар беріп отыр. Құстар немен қоректенеді?(Әр түрлі дәнді-дақылдармен,арпа,бидай,шемекі,ақ наның қиқымдары.Балалар құстарға қара нанды беруге болмайды.)

«Блум текшелерін» қараймыз. «Құстар асханасы»-ойыны.

Қара нанды алып тастаймыз.

-Қара нанды жеуге болмайды,Себебі асқазаны ауырып,құстар әлсірейді,күш жинай алмай,ұша алмайды.

-Балалар құстарға қандай қамқорлық жасаймыз.Құстарға ұя жасаймыз.Жемсауыт жасаймыз.Бізде құстарға ниткография әдісімен яғни жіптермен ұя жасап берейік.

«Ұя жасау.»

Орнымызға келеміз. Фонетикалық жаттығу

Бала қарға қарқ-қарқ (жәй)

Ана қарға қарқ-қарқ (орташа)

Әке қарға қарқ-қарқ (қатты)

Бала қарға қарқ-қарқ (жәй)

(Балапан дыбысы шығып табылады.)Мамықтары мен тыныс алу жаттығуын жасайық.

Міне үйректің балапанын табуға көмектестік.

-Рахмет,балалар балапанымды табуға көмектестіңдер,

Құстарға тағы қандай қамқорлық жасау керек.

Құстың ұясын бұзба,

Құстың жұмырқасын жарма,

Құсқа тас лақтырма.

Күтілетін нәтиже:

Білу : Балаларға құстар туралы түсінік

Игеру: Құстардың тыныс тіршілігмен танысып,меңгеру

Дағдылану: Құстарды қорғауға, ұясын бұзбауға,қамқор болуға

Тәрбиеші:Джуманиязова Г.М