Тәрбие сағатының тақырыбы

«Ұлттар достастығы»

Күні

Сынып жетекшісі

Сынып

Оқу мақсаты

Оқушыларға ұлттар достығы туралы түсінік беру. Біздің елімізде тұрып жатқан басқа да халықтардың озық дәстүрлерін, мәдениетін, өзіндік үлгі – өнегесін оқушылардың бойына сіңіру. Оқушылардың көп ұлтты Қазақстан халқының татулықпен бірлікпен өмір сүріп жатқаны туралы танымдық ойларын дамытып, өзге ұлт өкілдерін құрметтей білуге тәрбиелеу. Патриоттық сезімдерін ояту.

Құндылықты дамыту

Ұлттық мүдде , ар-ұят

Өткізілу формасы

Саяхат сабақ

Күтілетін нәтиже

Оқушылар ұлттар достығы туралы түсініктері қалыптасады . Басқа ұлт пен ұлыстардың озық дәстүрлерін, мәдениетін, өзіндік үлгі – өнегесін бойына сіңіреді. Оқушылардың көп ұлтты Қазақстан халқының татулықпен бірлікпен өмір сүріп жатқаны туралы танымдық ойлары дамып, өзге ұлт өкілдерін құрметтей білуге тәрбиеленеді. Патриоттық сезімдері оянады.

Көрнекілігі

Мақал -мәтелдер , әртүрлі қажетті құралдар, постер

Тәрбие сағатының жоспарлы кезеңдері

Мұғалім әрекеті

Оқушы әрекеті

Ресурс

Ұйымдастыру бөлімі

5 мин

Сәлемдесу , тәрбие сағатының мақсатымен таныстыру .

Шаттық шеңбері». Жер шары макетін бір-біріне табыстау арқылы әлем халықтарына жақсы тілек айту.

Топқа бөлу:

Бірінші топ «Қазақ»

Екінші топ «Орыс»

Үшінші топ «Өзбек»

Төртінші топ «Татар»

Амандасады, мақсатымен таныс болады.

Тренинг шарты бойынша оқушылар тілектер айтады

Түстер арқылы топқа бөлінеді

Жер шарының макеті

Түрлі түсті шарлар

Негізгі бөлім

Бүгін бізде ерекше күн.
Біздің тәрбие сағатымыздың тақырыбы да ерекше..
«Достық – өмір үшін ең қасиетті нәрсе, өйткені ешкім ешқашан да барлық игілікке түгел ие бол тұрса да, дос – жарансыз өмірді қаламақ емес» деп Аристотель атамыз айтқандай бүгінгі сабағымызда достық, ұлттар достығы жайлы білетін боламыз. Құрметті балалар, сіздерді 1- мамыр «Дүниежүзілік ынтымақтастық» мерекесімен құттықтаймыз.Сіздерге тек қана бейбітшілік, ынтымақ , аспанымыз ашық, достығымыз берік, заманымыз тыныш болуын тілейміз.Балалар ,біздің елімізде 130-ға жуық ұлттар мен ұлыстар мекендейді.Олар күні бүгінге дейін ынтымақтастыққа бір үйдің баласындай тату- тәтті жарасымды тіршілік кешіп келеді.Жүзі басқа болғаны мен жүрегі бір, тілі басқа болғанымен тілегі бір, мақсат - мүддесі ортақ бірлігі мықты, достығы берік , ұлттар қазақ елінің салт-дәстүріне ,ұлттық құндылықтарына құрметпен қарайды. Бірлік бар жерде бақыт бар.Отан -әр адамның жүрегіне жылы тиер қасиетті сөз.Адам жүрексіз өмір сүре алмайды.Отан -біздің туған жеріміз,өзіміздің біздің Отанымыз -Қазақстан.

«Сұрақ-жауап» әдісі.

1.Дост және достық дегеніміз не?

2.Достық қарым – қатынас неліктен маңызды?

3.Бірінші мамыр неге серуендеу мен салтанат мейрамы болып саналады?

4.Қазақстанда бірінші мамыр қалай тойланады?

Олай болса , бұл мейрамның шығу тарихымен таныс болайық.

 Бірінші мамыр мейрамының шығу тарихы әріде жатыр. Бұдан 3 мың жыл бұрын Италия тұрғындары жердің қамқоршысы, әйел құдайы Майяға табынған. Соның құрметіне бүгінге дейін мамыр айының алғашқы күні серуендеу мен салтанат мерекесі болып есептеледі. 1890 жылы Парижде өткен ІІ Интернационал Конгресінің шешімімен 1886 жылы Чикагода болған Америкалық еңбекшілердің 8 сағаттық жұмыс күнін талап етіп, капиталистер мен қанаушыларға қарсы жанқиярлық күресінің құрметіне Варшава қаласында сол жылдан бастап 1 мамыр еңбекшілердің ынтымағы мерекесі ретінде аталып келеді.

Айтулы мейрамды алғаш рет 1890 жылы Мажарстан, Бельгия, Алмания, Дания, Испания, Италия, Норвегия, АҚШ, Швеция, Франция сияқты мемлекеттер атап өтті. Содан бері қанша заман өтсе  де, қазіргі таңда 1 мамыр мерекесін әртүрлі мазмұнда әлемнің 66 мемлекеті тойлайды.

-Ендеше , балалар , саяхат сабағымыздың бекеттерімен таныс болайық.

Бірінші бекет : «Таныстыру»

Екінші бекет : «Достық туралы мақал-мәтелдер»

Үшінші бекет : «Салт- дәстүр»

Төртінші бекет : «Ұлттық тағам»

Бесінші бекет : «Өнер».

-Керемет , оқушылар. Қаншама құнды дүниелердің куәгері болдық.Жарайсыздар , балалар.

Сынып жетекшісінің алғы сөзін тыңдайды

Оқушылар сұрақтарға жауап береді

Шығу тарихымен танысады.

Оқушылар топ болып әр бекет тапсырмасына байланысты өнерлерін ортаға салады.

Тәрбие сағатының соңы

Кері байланыс «Біз бақытты баламыз» бақытты бала модельін ұсыну.

«Біз бақытты баламыз» бақытты бала модельін ұсынады.

Постер