С .Сейфуллин атындағы №52 ЖББМ КММнің

Директордың тәрбие жұмысы жөніндегі орынбасары

Сариева Гульнора Кошкаровна

Ұлттық басылым күні – ақпарат пен ағартушылықтың мерекесі

Бүгін – Ұлттық басылым күні. Бұл күн – елдің рухани дамуына, қоғамдық пікірдің қалыптасуына, білім мен тәрбие саласындағы жетістіктерді кеңінен насихаттауға үлес қосып жүрген бұқаралық ақпарат құралдарына көрсетілетін ерекше құрметтің белгісі.

Қазіргі таңда мектеп өміріндегі игі бастамалар мен жетістіктерді жұртшылыққа танытуда БАҚ-тың рөлі орасан зор. Осы орайда С.Сейфуллин атындағы №52 жалпы білім беретін мектепте атқарылып жатқан жұмыстар мен қол жеткізілген нәтижелерді ақпарат құралдары арқылы жариялау – уақыт талабы.

Мектебімізде білім сапасын арттыру, оқушылардың шығармашылық және зияткерлік әлеуетін дамыту, құқықтық тәрбие беру, кәсіби бағдарлау бағытында жүйелі жұмыстар жүргізілуде. Түрлі деңгейдегі байқаулар мен олимпиадалардағы жетістіктер, тәрбиелік маңызы зор іс-шаралар, құқық қорғау органдарымен бірлескен кездесулер – соның айқын дәлелі.

Бүгінгі Ұлттық басылым күні қарсаңында мектеп жетістіктерін бұқаралық ақпарат құралдарында жариялау арқылы жас ұрпаққа үлгі көрсету, ұстаз еңбегін дәріптеу және білім саласындағы оң тәжірибелерді тарату – маңызды міндет.

Ақпарат айдынында аянбай еңбек етіп жүрген барша журналистерді, қаламы ұшқыр, сөзі салмақты БАҚ өкілдерін кәсіби мерекелерімен құттықтай отырып, шығармашылық табыс, толағай жетістіктер тілейміз!