Ұлттық ойын – ұлт қазынасы

Денсаулық: Дене шынықтыру

Сабақтың тақырыбы: «Ұлттық ойын – ұлт қазынасы»
Сабақтың мақсаты: 1. Ұлттық ойын арқылы балалардың дене бітімінің дұрыс қалыптасуын жетілдіру.
2. Ұлттық ойынға деген қызығушылық сезімдерін дамыту арқылы ептілікке, мергендікке, шапшаңдыққа тапқырлыққа баули тәрбиелеу.
3. Ойын арқылы салт - дәстүрді түсініп қастерлеуге ұлттық құндылықтарды білуге үйрету.
Әдіс – тәсілдер: Ойын, көрсету, әңгімелеу
Керекті құралдар: Бала санына қарай қамшы, теңге, арқан, тақия.

Сабақтың барысы: Шаттық шеңбер құрады.
Үлкенге де сіз!
Кішіге де сіз!
Барша жұртты құрметтеп,
Бас иеміз біз!

1 - бөлім:
Қатармен сап түзеп жүру, аяқтың ұшымен жүру, жәй жүру, өкшемен жүру, жәй жүру, атпен шауып жүру бір қатарға тұру.
1 - 2 санын санау, 2 қатар сапқа тұру.

2 Негізгі бөлім: Жалпы дамыту жаттығуы (қамшымен)
1. Б. қ: Қамшы төменде, алдында, жоғарыда (6 рет )
2. Б. қ.: Аяқ сәл алшақ қамшы жоғарыда оңға және солға иілу (6 рет)
3. Б. қ.: Домбыра тартып отырып - тұру (6 рет )
4. Б. қ.: Қамшыны алдына қойып бір орында секіру (10 рет )
5. Б. қ.: Қамшы жоғарыда, бір қол алдында, желіп тұру (6 рет )
6. Б. қ.: Қамшы алдында атпен алдыға, артқа желу (6 рет )
3 - бөлім: Сергіту сәті

Тербеледі ағаштар,
Алдымнан жел еседі.
Кіп-кішкентай балалар
Үп-үлкен боп өседі.

4 - бөлім:

Жаттықтырушы: Балалар қазақтың қандай ұлттық ойындарын білесіңдер!

Қазақтың ұлттық ойындары ата бабамыздан бізге жеткен, өткені ол бүгінгісін байланыстырған баға жетпес байлығымыз, асыл қазынамыз.

Ендеше балалар бірнеше ұлттық ойын ойнап жаттығайық.

1. «Тақия тастамақ»

Балалар дөңгелек болып отырады. Бір бала

жүргізуші болып тақия тастау керек, екінші бала біліп алып ойынды жалғастыру керек.

2. « Теңге алу» Екі бала жарысып теңге алу керек.

3. « Арқан тарту» Балалар тең 2 - ге бөлініп арқан тартып күш сынасады.

5 бөлім: Қорытындылау.

Жаттықтырушы:

Балалар енді бір қатарға тұрамыз.

Бүгінгі спорттық іс - әрекетке барлығыңызда да өте жақсы қатыстыңыздар.

Қазір мына үстел үстіндегі жасырынған суреттерді бір - бірлеп алып ұлттық ойынның атауларын тауып атап береміз. Ұлттық ойындардың атауларын нақ дәл тауып және өте тамаша ойнадыңыздар.

Оқу іс – әрекетке жақсы қатынастыңдар, сабақ аяқталды сау болайық!