«Ұлттық қазынаға толы сандық»

Тақырыбы: «Ұлттық қазынаға толы сандық»

Мақсаты: Балаларды қазақ халқының ұлттық құндылықтарымен таныстыру арқылы олардың танымдық, ұлттық бұйымдарға қызығушылықтарын арттыру, Ұлттық мұраға деген құрмет сезімін оятып, халықтық дәстүрді қадірлеуге тәрбиелеу.

Міндеті: Балалардың сөздік қорын байыту, байланыстырып сөйлеу дағдыларын дамыту. Қарапайым зерттеу, салыстыру, бақылау дағдыларын жетілдіру. Шығармашылық әрекет арқылы эстетикалық талғамын қалыптастыру.

Қажетті көрнекіліктер:

• Әдемі безендірілген сандық

• Киіз үй макеті

• Асықтар

• Сүзбе, құрт

• Ою-өрнек үлгілері

• Қазақ күйі (баяу фонға)

Іс-әрекет барысы

Ерекше басталуы (Шаттық шеңбері)

Балалар келген қонақтармен амандасайық, үлкенге құрмет көрсетейік.

Балалар:

Армысыздар, қонақтар! (қол бұлғау)

Жарқырап тұр қабақтар. (күлімдеу)

Біз әдепті баламыз, (қолды кеудеге қою)

Сәлем беріп аламыз! (иілу)

(Баяу күй ойнап тұрады – Құрманғазы Сағырбайұлы шығармасынан үзінді)

Кенет сандықтың ішінен сыңғырлаған дыбыс шығады.

Тәрбиеші (жай дауыспен):

– Балалар… естідіңдер ме? Бір дыбыс шықты… Қай жақтан естілді?

(Балалар тыңдайды)

– Иә, мына сандықтан! Бұл жай сандық емес… Бұл — ұлттық қазынаға толы сиқырлы сандық!

Бұл сандықта не бар екен? Білгілерің келе ме?

Балалармен бірге:

«Сандық, сандық ашылшы,

Ішіндегі қазынаң шашылшы!»

(Сандық ашылады)

1ші қазына – Киіз үй

(Сандықтан киіз үй макеті шығады)

– Бұл не балалар?

– Киіз үй!

Қысқаша түсіндіру:

Киіз үй – қазақ халқының баспанасы.

2ші-қазына – Асық

– Бұл не?

– Асық!

Асық – ұлттық ойын құралы. Бұл асықпен көбіне ер балаларымыз ойнаған.

3ші-қазына – Құрт

– Мынау не?

– Құрт!

Құрт – ұлттық тағам. Сүзбеден жасалады.

4ші-қазына – Ою-өрнек

– Бұл не?

– Ою!

Ою-өрнек киімде, кілемде, сандықта болады.

Балалар көрдіңдерме, біздің қазынаға толы сандықта керемет ұлттық құндылықтарымыз сақталған екен иә.

Ендеше қазір ұлттық құндылықтарымыздың бірі киіз үйді құрастырайық

Қыздар және ұлдар тобы толып екіге бөлініп киіз үйді құрастырайық.

Киізден «Киіз үй құрастыру»

Міндеті. Балаларды ойлау, есте сақтау қабілеттерін дамыту. Шапшаңдыққа, ептілікке дағдылау, ұсақ қол моторикасын дамыту.

Аяла: Киіз үйге кіргенде,

Бәрі басын иеді.

Оның сыры білгенге

Шаңырақ қой киелі.

Тәрбеші: жарайсыңдар балалар өте тамаша.

Балалар, ендігі құндылығымыздың бірі оюдан қыздарымыз текеметке түрлі түсті жүнді қолданып ою-өрнек жабыстырады.

«Текеметке ою салу».

Міндеті: Дәстүрден тыс әдіспен ою салу. Түстерді ажырата білуге, ептілік, ұқыптылық, ұсақ қол моторикасын дамыту.

Айлин: Қазақтың оюлары-ай оюлары!

Даладай бояулары қою бәрі.

Ұлдарымыз асықты бір-біріне сәйкестендіреді.

«Сыңарын тап»

Міндеті: Балалардың ұсақ қол моторикасын дамыту, түстерді ажыратып айтуларын дағдылау.

Балалар, атадан қалған ұлттық құндылықтарымызды ұмытпай оны жаңғыртып әркез естен шығармауымыз керек.

Әжелеріміз ауылда қолдары босай қалса текемет тоқып, одан қала берді сүтті ұйытып, құрт жасаған. Балалар, құртты сүзбеден жасайды. Сіздермен бірге қазір құрт жасайық.

«Құрт жасау»

Міндеті: Құртты алақанмен дөңгелектеп, қысу арқылы пішінін, түсін атауды үйрету.

Балалардың құрт жасауға деген қызығушылықтарын ояту.

Құртты баяу күйдің үнімен жасайды (Құрманғазы Сағырбайұлы шығармасынан үзінді)

Әмина Қ: Нағыз қазақ домбыра

Салтымызды жалғайтын

Күйіміз бар көгімде,

Қанат байлап самғайтын.

Ұлттық қимылды ойын: «Арқан тартыс»

Ұлдар мен қыздар екі топқа бөлініп, арқан тартысып, күш сынасады.

Міндеті: Қол бұлшық еттерін дамыту, топпен әрекет етуге үйрету, жарыс кезінде тәртіп сақтауға баулу.

Қорытынды бөлім

– Балалар, сандықтан не шықты?

(Киіз үй, асық, құрт, ою)

– Бұлар ненің қазынасы?

– Ұлттық қазына!

Тәрбиеші қорытындылайды:

Біздің халқымыздың қазынасы көп екен балалар. Біз оны құрметтеп, сақтауымыз керек.

Осымен ашық іс әрекетіміз аяқталды, өте тамаша қатысқандарыңыз үшін сіздерге сыйлығым бар деп балаларға құрт таратылады.

№10 «Құлыншақ» бөбекжай бақшасы

Ашық іс әрекет

«Қызғалдақ» ортаңғы тобы

Тақырыбы: «Ұлттық қазынаға толы сандық»

Тәрбиеші: Таженова А.Е.

Атырау 2026 жыл