Тақырыбы: Ұлттық құндылық-ұлт қазынасы.

Мақсаты: Балалардың отбасы туралы түсініктерін кеңейту, отбасылық қарым-қатынастарды бағдарлауға үйрету. Тақырып бойынша ойын жағдаяттарында тыңдау және сөйлеу дағдыларын қалыптастыру, дамыту.

Міндеттері:

-Тәрбиенің адамгершілік негізі ретінде отбасына деген құндылық, салт-дәстүрді қадірлеу көзқарастарын қалыптастыру.

-Балалардың отбасы және жанұя ішілік қарым-қатынастар туралы білімдерін жүйелеу және тереңдету.

Біріктірілген сөйлеуін, логикалық ойлауын, зейінін, танымдық қызығушылығын дамыту.

Жақындарына қамқорлық жасауға және өз отбасына деген мақтаныш сезімін қалыптастыру.

ҰІӘ барысы:

Мен сенің досыңмын, ал сен менің досымсың.

Қолды мықтап ұстайық

Ал енді бір-бірімізге күлейік.

Қызығушылықты ояту.

Балалар Отбасы деген үлкен гүл бар екенін білеміз. Маған сендер отбасы мүшелерін атаңдар, мен балалар атаған гүл жапырақшаларын қосып, отбасы гүлін жасаймыз: әкем, анам, әжем, атам, мен, үлкен әпке, аға, сіңлі, іні.

Тәрбиеші: Дұрыс, жарайсыңдар. Міне қандай керемет гүл шықты, біз бұл гүлді ортаға қоямыз.

Біз Отбасы» деген әдемі гүл жасадық,

Енді маған қолдарыңды көрсетіңдер, енді осы саусақтармен санамақ айтамыз.

Тосын сәт

Ой балалар, мына үстелдің үстінде хат дорба жатыр , бұл хат демек сендерге жазылған.

Бұл хаттың кімнен келгенін екенін білгілерің келе ме?

Бұл мейрімділік елінен келіпті.

Хатты оқып көрейік.

Құрметті балалар! Біз мейрімділік елінен Ару мен Арман атты достарың сендерге хат жазып отырмыз. Біздің Маржан, Мұрат, Сауле деген достарымызға көмек керек.

Олар мейрімділік елінен алыстап кетті. Біз оларға көмек беріп оларды мейрімділік еліне қайтаруымыз керек. Сендер бізге көмектесесіңдер ме? Сендер сиқырлы текше арқылы тапсырмаларға жауап берсеңдер, біз оны достарымызға көрсетеміз. Сиқырлы текшені табу үшін хат дорбадағы кілт сендерге көмектеседі.

Балалар көмектесеміз бе?

Қызығушылықты ояту.

Ой балалар, мына хат дорбаның ішінде әр түрлі кілттер бар екен. (шығару)

Әр түрлі кілттер. Қызыл, сары, жасыл, көк.

Қане мына кілттердің түсіне байланысты топқа бөлініп отырайық.

(балаларды төрт топқа бөлу)

Балалар бұл кілт жай кілт емес екен, алдарыңда парақта құлып тұр сол құлыпты ашу үшін мына кілтті кілт тұрған жерге саламыз, егер кілт ішке түсіп кетсе парақ ашылады. Сол кезде тапсырма орындайтын боламыз. Қане бәріміз өз алдымыздағы құлыпты ашамыз. (парақ астынан қоржын шығады, сол қоржын ішінен текшелер шығады)

Ой керемет балалар не шықты. Қоржын. (фетр материалдан тігілген)

Қане қоржынды ашамыз, қоржын ашылмайды, қоржынның астын қарайық.

Ой балалар қоржынның астында не жатыр? Ою.

Қоржыннның түстері қандай ? Әртүрлі.

Оюдың түстері қандай ? Олда әр түрлі.

Қалай ойлайсыңдар, не үшін қоржынның қасына оюды тастаған?

Қоржынды әсемдесін деп. Дұрыс.

Ендеше қоржынды оюмен безендірейік, сол кезде қоржын ашылуы мүмкін.

(қоржынға ою жапсыру)

Ал, енді қоржынды ашып көрейік, ашылды ма? Қарайық ішінде не бар екен?

Міне бізге жіберген көңілді текшелер , осы текшемен бірге тапсырмалар орындайық.

АҚТ технологиясымен жұмыс.

№1. Көңілді текше аламыз. (коммуникация)

Текшеде : әке, ана, әже, ата, ұл, қыз бейнеленген. Сұрақ-жауап.

- Әке не істеп жатыр? -Әкем жұмыстан келеді.

-Ана не істеп жатыр? -Ыдыс жуып жатыр.

-Әже не істеп жатыр? - отыр.

- Ата не істеп жатыр? - Теледидар көріп отыр.

-Ұл не істеп жатыр? - Сурет салады.

-Қыз не істеп жүр? – Анасына көмектесіп жүр

Осылардың бәрін бір сөзбен қалай атаймыз. Бір отбасы.

Осы суретке байланысты қандай тақпақ білеміз

Ж.Мұхамеджанов «Сыйлаймын»

Сыйлаймын

Ата менен ананың

Айтқан тілін аламын.

Үлкен кісі жұмсаса,

Қайда болсын барамын.

Төсекті өзім жинаймын,

Ешкімді де ұрмаймын.

Ешкім маған тимейді,

Мен де бәрін сыйлаймын.

№2.«Көңілді текше» (коммуникация)

Балалар, қараңдаршы, бұл суреттерде не бейнеленген ?

Балалар: Бесік. Бесіктегі бала, ана.

Ой қозғау.

-Бесік деген не?

-Бесік неден жасалған?

-Бесікке жатқан бала бар ма?

-Баланы бесікке не үшін бөлейді?

-Бесікте жатқан балаға қандай жыр айтады?

- Бесік жырын не үшін айтады?

Бесік жырының басты қызметі - бесік тербелісіне ыңғайлап сазды әуен, ырғақты сөзбен баланы тыныштандырады.

-Осы бесік жырын айтып отырған ананың көңіл –күйі қандай деп ойлайсыңдар?

Анасы баласын жақсы көргенін қандай сөздермен білдіреді?

- Анасы баласының кім болуын қалайды?

Жарайсыңдар!

Балалар біз шаршап қалған сияқтымыз демалып алайық.

Керемет қоржындармен ойын ойнайық.

Қим ойын: «Қоржындарды тап»

Шарты: Музыка әуенімен балалар шеңбер болып айналып жүреді, музыка тоқтағанда әр қоржын өз түсімен бір шеңбер болуы керек.

Жарайсыңдар.

Келесі көңілді текше не диді екен?

№3.«Көңілді текше»(әлеуметтік даму, коммуникация)

Дид ойын. «Жақсы деген немене, жаман деген немене»

Шарты: сурет арқылы өз ойын жеткізе білу.

1-суретте Балалар не істеп жүр?

Бала әжейге қалай көмектесіп жатыр?Неліктен?

Баланы қалай бағалаймыз?

2-суретте балалар қайдан келе жатыр?

Әжейге не болды?

3-суретте ата мен бала туралы ойыңды айт.

Сергіту сәті: Музыкамен

№4.«Көңілді текше»

Дид ойын: «Суреттер сөйлейді»

Шарты: Құстарға қамқорлық туралы өз ойын айту.

Балалар нені көрді?

Балалапан ұядан қалай түсіп кетті деп ойлайсың?

Балалар балапанға қандай қамқорлық жасап жатыр?

Миға шабул:
Дид ойын: «Не істеуге болмайды?»

1.Үлкендердің алдынан.....(кесіп өтуге болмайды)

2.Кішкентай баланы.....(жылатуға)

3.Құстарды........(атуға болмайды)

4.Қыз баланы.......( ренжітуге болмайды)

5.. Досыңды....... (ренжітуге болмайды)

Дид ойын: «Не істеукерек?»

1.Үлкен кісіні.......(сыйлау керек)

2.Үлкеннің тілін....(алу керек)

3.Үлкендерге.....(сәлем беру керек)

4.Кішілерді....(қамқор болу керек)

5.Ата-ананың айтқанын.....(тілін алу,тындау керек)

6.Көлікте өзіңнен үлкен адамға... (орын беру.)

8. Абайсызда көршіңді немесе досыңды ренжітіп алсаң........(кешірім сұрау керек)

Сендер барлық тапсырманы жақсы орындадыңдар

Осы тапсырмаларды телефонға түсіріп, мейрімділк еліндегі достарымызға жіберейік.

Балалар достарымыз бізге көп тапсырмалар беріп, бізге көп нәрселер үйретті.

АҚТ технологиясы

Аудио дыбыс

Рақмет достар, сендер бізге көмектестіңдер, біз енді достарымызға көмектесеміз.

Мына сыйлықтарың өте керемет екен. Біз бұл сыйлықты өз тобымызға іліп қоямыз.(теледидардан көрсету)

Қортынды

Бізге хат қайдан келді?

Кімге көмектестік?

Отбасы дегеніміз не?

Онда кімдер тұрады?

Қандай салт-дәстүрлерді білеміз?

Балаларды мадақтау.