"Ұлттық құндылық - ұлт қазынасы" тақырыбында ашық сабақ

АЛМАТЫ ҚАЛАСЫ ХИМИЯ-БИОЛОГИЯ БАҒЫТЫНДАҒЫ

НАЗАРБАЕВ ЗИЯТКЕРЛІК МЕКТЕБІ

Мектеп миссиясы: Әлемді жақсартуға үлес қосатын адамгершілігі мол, зияткер тұлғаны дамыту мен қайраткер азаматты тәрбиелеуге ықпал ету.

Бекітемін _____________

Уақыт ұзақтығы: 40 минут

Мерзімі:20.11.2024ж.

Педагог-куратор Есенгазиева Жанаргул Исламовна

Сынып: 8Е

Қатысқандар саны:

Қатыспағандар саны:

Сабақ тақырыбы

Ұлттық құндылық – ұлт қазынасы

Сабақ мақсаты

Оқушыларға ұлттық құндылықтардың маңыздылығын түсіндіру. Қазақ халқының мәдениеті, дәстүрлері, және рухани мұрасын құрметтеуге тәрбиелеу. Сыни ойлау және зерттеу дағдыларын дамыту.

Сабақтың міндеттері

-Сыныптың жағымды микроклиматын қалыптастыру;

-Білімге деген оң көзқарас, ұлтжанды мінез-құлық негіздерін дамыту;

-Оқушылар бойында елжандылық, әділеттілік, құрмет және ұлттық құндылықтарын дарыту.

Сабақ соңында күтілетін нәтиже

Оқушылар ұлттық, құрмет және азаматтық сана құндылықтарымен таныса отырып ой-өрістері дамиды. Қазақтың салт-дәстүрлері туралы білімдері кеңейеді.

Тілдік мақсаттар

Сабаққа қатысты лексика мен терминология:

Ұлттық құндылық, табысты ұлт, адал ұрпақ, салт-дәстүр, руғани қазына, білім, ынтымақтастық, жауаптылық, академиялық шындық, шынайылық, құрмет.

Құндылықтарды дарыту

Білімге құштарлық, еңбексүйгіштік, отансүйгіштік, ынтымақтастық, өмір бойы білім алу, жауапты азаматтылық позиция, академиялық шындық, шынайылық, өзіне және айналасындағы адамдарға құрмет

Пәнаралық байланыстар

Қазақстан тарихы, өнер, қазақ тілі мен әдебиеті

АКТ қолдану дағдылары

Ғаламтор мәліметтерін саралау, таңдау, т.б.

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Қызығушылықты ояту сәті

3 минут

Ұйымдастыру сәті. Амандасу. Стикерлер арқылы оқушыларды 5 топқа бөлу:

«Асық» тобы,

«Домбыра» тобы,

«Тақия» тобы,

«Бауырсақ» тобы,

«Әшекей» тобы.

Сабақ тақырыбы мен мақсатымен таныстыру.

«Шаттық» шеңбері: Асығың алшысынан түссін!

Оқушылар шеңбер болып тұрады, бір-біріне тілек айтады.

Слайд

Сабақтың ортасы

Мағынаны тану кезеңі

3 минут

10 минут

20 минут

(Дайындық уақыты- 5 мин, қорғау уақыты- әр топқа 3 минут)

Ұлттық бірегейлікті сақтап, мәдениетті дамытуда салт-дәстүрдің  маңызы зор. Рухани құндылығымызға айналған салт-дәстүр мен әдет-ғұрыптың ұрпақтан-ұрпаққа жалғасын табуы, ұлт дамуының негізі екенін айтады. Түрлі мәдениет тоғысқан жаһандану кезеңінде ұлттық рух пен қасиетті сақтайтын салт-дәстүр мен әдет-ғұрып басты қызмет атқарады. Әр ұлттың өзіндік болмысымен, тарихымен үндескен ұлттық құндылықтары сақталған. Ал қазақ халқы салт-дәстүрге, әдет-ғұрыпқа бай халық. Әр заманның өзіне тән салты мен дәстүрі қалыптасқан. Біз ата-бабаның домбырасының үнімен, әсем әуендерімен, жыр дастандарымен жеткізген рухани мұраға бай халықпыз. Қазақ халқының әрбір салты мен дәстүрінің тәрбиелік мәні тереңде. Ұрпаққа адамгершілікті дәріптеу, ақыл мен білімге шақыру үлкенді сыйлау сияқты насихатымен құнды. Нәресте болып  өмірге келгеннен бастап қарттық шағына дейінгі аралықта орындалатын салт – жоралары жеткілікті. Мұның бәрі адам өміріне бей-жай қарамағандығының көрінісі. В.И.Белинскиий «Әдет-ғұрып замандар бойы сыннан өтеді. Өз дәуірінде ардақталып,ата-бабадан әулетке мұра болып ауысып,рудан-руға, ұрпақтан- ұрпаққа жетеді. Олар халықтың сыртқы бейнесі болып табылады. Онсыз халық бет-әлпетсіз бейне, болымсыз тас-мүсін тәрізді» деп салт-дәстүрдің ғұмырлы екенін көрсетеді. (Презентация арқылы ақпарат беріледі.)

«Қыз қуу» ұлттық ойыны. Әр топтан 1 оқушы шығып, берілген сұрақтарға жауап береді.

Сұрақтар:

1.Шілдехана деген қандай дәстүр?

2.Байғазы деген не?

3.Жеті атаңды ата.

4.Енші беру деген қандай дәстүр?

5.Ерулік деген не?

6.Сыбаға деген не?

7. Бұл ойынды ойнау үшін балалар екі топқа бөлінеді, қолдарынан ұстап тұрады. Ара қашықтық 20-30 қадам. Ойынды былый бастайды: ????? бізден сізге кім керек. Бұл қандай ойын?

8.Алыс сапарға саяхатқа, сауда жолына шыққан адамдар жерлестеріне, көрші - көлемдеріне, сыйлас адамдарына, жас балаларға ірілі-ұсақты сыйлықтар әкеледі. Оны не деп атайды?

9.Асар деген не?

10.Ат тергеу деген қандай дәстүр?

11.Жеті қазынаны ата

12.Жігіттің үш жұрты?

Топтық жұмыс:

«Асық» тобы қазақтың ұлттық ойындары туралы постер құрастырады; Асық ойынын көрсетеді.

«Домбыра» тобы қазақтың ұлттық музыкалық аспаптары туралы постер құрастырады; Домбыра ойнайды.

«Бауырсақ» тобы қазақтың ұлттық тағамдары туралы постер құрастырады;

«Тақия» тобы қазақтың ұлттық киімдері, ою-өрнектері туралы постер құрастырады;

«Әшекей» тобы қазақтың ұлттық әшекей бұйымдары туралы постер құрастырады.

Слайд

Сабақтың соңы

Қорытындылау кезеңі

2 минут

Құрметті оқушылар, бүгінгі біздің сабағымыздың мақсаты — заман өзгерсе де ұлттық салт-дәстүріміздің көнермейтіндігін еске салып, ұлттық мұраны қайта жаңғырту. Халқымыздың әдет-ғұрып пен дәстүрін, тарихын біліп, оны қастерлеп, бүгініміз бен келешегіміздің нәрлі қайнарына айналдыру әрқайсымыздың азаматтық борышымыз деуге болады.

Слайд

Кері байланыс

2 минут

«Білім қоржыны»: Әр оқушы сабақтан алған әсерін айта отырып, қолындағы асығын қоржынға салады.

Р/с

Оқушының аты-жөні

Ой қозғау

«Қыз қуу»

Постер

Белсенділік

Р/с

Оқушының аты-жөні

Ой қозғау

«Қыз қуу»

Постер

Белсенділік

Р/с

Оқушының аты-жөні

Ой қозғау

«Қыз қуу»

Постер

Белсенділік

Р/с

Оқушының аты-жөні

Ой қозғау

«Қыз қуу»

Постер

Белсенділік

Р/с

Оқушының аты-жөні

Ой қозғау

«Қыз қуу»

Постер

Белсенділік