«Базылбек Ахметов атындағы орта мектебі» КММ

Саратовка, шағын орталығы

Тәрбие сағаты

Тақырыбы:

«Ұлттық құндылықтар-тәрбиенің түп қазығы»

Тәрбиеші: Шаривхан А

Саратовка ауылы, 2024 жыл

Іс-шараны дайындаған тәрбиеші: Шаривхан Ахерке

Тақырыбы: «Ұлттық құндылықтар-тәрбиенің түп қазығы»

Іс-шараның мақсаты:

Балаларға ұлттық ою-өрнек туралы түсініктерін қалыптастыра отырып қазақ халқының ұлттық құндылықтарын бойларына сіңіру. Балалардың шығармашылық қабілетін қалыптастыра келе іс-шараға жас аналар мектебін тарта отырып, аналарды шағын орталықпен байланысын орнату. Балаларға ою туралы түсінік беріп, қоржын тігу қолөнерін үйрете келе балаларды ұлттық құндылықтарды дәріптеуге тәрбиелеу.

Көрнекілігі: тақырыпқа сай безендірілген орта, қоржын, фетр, бау, оюулар.

Алдын-ала дайындық:

Ата-аналарды әңгімеге тарта отырып іс-шараға дайындалу.

Ұлттық бұрышты дайындау.

Іс шараның барысы:

І. Ұйымдастыру кезеңі

Тәрбиеші: Балалар қараңдаршы бұл не нәрсе? Балалар: Түйе

Түйе қандай жануарға жатады?

Балалар: Үй жануары.

Тәрбиеші: Дұрыс айтасыңдар балалар! Ал, мына түйенің үстінде не артылған балалар?

Балалар: Қоржын.

Тәрбиеші: Жарайсыңдар балалар! Балалар, бұл қоржынды қалай тігу керек екенін білесіңдер ме?

Балалар: Жоқ, білмейміз.

Тәрбиеші: Олай болса балалар, біз жас аналар мектебіне қонаққа барып, қоржынның жасалу жолын үйреніп қайтайық.

ІІ. Негізгі бөлім.

Сәлеметсіздер ме аналар! «Әке көрген оқ жонар, шеше көрген тон пішер»,-демекші қазақтың қолөнері қоржын мен ою туралы мағлұмат алуға, қоржын тігу өнерін үйреніп, балалармен бірге жасауға келдік.

Аналар: Сәлеметсіңдер ме ! Қош келдіңдер! Біз сендермен өз өнерімізді бөлісуге дайынбыз. Келіп жайғасып отыра қойыңдар.

Ары қарай аналарымыз қоржын туралы ақпарат береді.

Аналар: Балалар қоржын дегеніміз – екі басты (қалталы) ас-тағам салып тасымалдауға арналған тоқыма бұйым. Оның түрлері көп. Олай болса біз сендермен мына сияқты оңай тәсілмен қоржынды қалай тігу керек екенін үйренеміз. Ол үшін бізге қоржын тігуге арналған фетр матасы (киіз) және бау керек. Ал енді жұмысты жасауға кірісейік. Алдарыңдағы киізді алайық. Тесігінен осылай бауларды өткіземіз. Міне біздің қоржынымыз дайын.

Тәрбиеші: Балалар қараңдаршы біз әп-сәтте қоржын тігіп үйреніп алдық. Бірақ балалар, біздің қоржынымызға бір нәрсе жетіспейтін сияқты. Оған не жетіспей тұр деп ойлайсыңдар? Біздің үстіміздегі киімдеріміз немен безендірілген?

Балалар: Ою-өрнекпен

Тәрбиеші: Балалар дұрыс айтасыңдар! Ою-өрнек жетіспей тұр екен. Олай болса балалар біз қоржынымызды бұдан да әдемі қылу үшін ұлттық құндылықтарымыздың бірі қол өнеріміз, ою-өрнек туралы аналарымыздан сұрап алайық.

Аналардың түсіндірмесі... (Қошқар мүйіз, түйетабан, құстұмсық, көбелек т,б)

Аналар ұлттық құндылықтар туралы, оюулар туралы түсініктеме беріп, оюлар бейнесімін қимылды сергіту сәтін жасап, ары қарай қоржынымызды жалғастырып істейміз

ІІІ. Қорытынды бөлім.

Тәрбиеші: Ой балалар, біздің қоржынымыз қандай әдемі болды! Жарайсыңдар балалар! Балалар, біз бүгін шебер аналардан нені үйрендік?

Балалар: Қоржын жасауды.

Тәрбиеші: Немен оны безендірдік?

Балалар: Оюумен.

Тәрбиеші: Дұрыс айтасыңдар балалар! Сендерге қоржындарың ұнады ма балалар? Әдемі болды ма?

Балалар: Иә, әдемі болды.

Тәрбиеші: Балалар біздің ұлттық құндылығымызды, тілімізді, өнерімізді қадірлей білуіміз керек. Біз қазақ болып туғанымызды мақтан тұтуымыз керек. Ата-аналарымызды құрметтеп, сыйлап, ақылын алуымыз керек балалар. Қане балалар шебер аналарымызға рақмет айтып, әжемізден дәм татып, бізге ұлттық құндылықтар туралы тәрбие берген аналарымызды марапаттап қайтайық.