"Ұлттық құңдылықтар-ұлттық мүдде " ашық тәрбие сағаты

Күні: 01.02.2024

Топ:2

Педагог-тәрбиеші: Малтаева Г.С.

Тақырыбы: Қазақ есебі. Ұлттық құндылықтар-ұлттық мүдде

Мақсаты: Оқушыларды ұлттық құндылықтарды құрметтеуге тәрбиелеу. Қазақ халқының ұлттық тағамдарымен таныстыру және математика, әліппе пәндерінен алған білімдерін қорытындылау. Сөздік қорлары мен ұлттық тағамдар туралы түсініктерін молайту.

Көрнекілігі: тақырыпқа байланысты презентация, бейнефильм, ойын атрибуттары

Тәрбие сағатының барысы:

Қызығушылығын ояту: Балалар менің қолымдағы сиқырлы қоржынға назар аударайықшы. Қазір ішінде не бар екенін білу үшін, сендер қолдарыңмен сипап-сезіп білетін боласыңдар. Кәнекей, ішінде бар не бар екен? Ішінен асықтарды балалар кезекпен алады. Балалар, бұл асықтар сиқырлы екен. Әрбір асық нөмірленген болады.

Бірінші асық тапсырмасы.Шаңырақ әдісі:

Шеңбер болып тұрамыз жылы жүзбен,

Бізге келсін қуаныш нұр іздеген.

Шуақ толған жанымыз жүрегіміз,

Үлгі алсын көрген жан мына бізден.

Балалар сендерді «Шаңырақ асты – құт мекен» атты шаттық шеңберіне шақырамын. Шаңырақтағы бір-бір уықтан бәріміз ұстау арқылы өлең жолдарымызды айтайық:

Дөңгеленіп тұрайық,

Керегені құрайық,

Уық болып иіліп,

Киіз үйді құрайық.

Екінші асық тапсырмасы Ойын: Балалар сендерге сандар жазылған шаңырақ таратып беремін. Ал, мен кубикті лақтырамын, сол кезде қай сан шықса, соны қиясыңдар.

Үшінші асық тапсырмасы Тілдік жаттығу: Ә. Дүйсенбиев «Не деу керек өлеңі»

Апаң сенің базардан

Алма сатып әкелді

Ең үлкенін жақсысын

Саған таңдап әперді

Не деп барып жеу керек?

Төртінші асық тапсырмасы: Сергіту сәті: Бейнефильмнен қарап, қимылдарды қайталайды.

Бесінші асық тапсырмасы: - Балалар, қазақ халқының қандай ұлттық ойындарын білесіңдер?

-Дұрыс айтасыңдар, қыз қуу, алтыбақан тебу, асық ату ойыны, көкпар, аударыспақ.

«Қыз қуу» ойыны. Ойын ережесі: ұл бала қыз баланы атпен қуып жету керек. Қазір кезекпен ойнайтын боламыз.

Алтыншы асық тапсырмасы:

-Балалар, кәнекей барлығымыз тақтаға назар аударайықшы. Кімнің суретін көріп тұрмыз?

-Дұрыс айтасыңдар дастархан басында отырған әже бейнеленген. Ендеше біз әжеге дастархан жасауға көмектесетін боламыз.

«Қазақы дастарханым» ойыны: тақтада ілініп тұрған дастархан суретіне қазақ тағамдарын кезекпен орналастыратын боламыз.

Қорытынды: - Бүгінгі тәрбие сағатымыз сендерге ұнады ма?

Балалар осымен тәрбие сағатымыз аяқталды. Сау болыңдар!

Шығыс Қазақстан облысы ББ «Ақ ниет мектеп-интернаты» КММ

Тақырыбы: «Қазақ есебі. Ұлттық құндылықтар-ұлттық мүдде»

Өткізген: Педагог-тәрбиеші: Малтаева Г.С.

Тексерген: директордың тәрбие ісі жөніндегі

орынбасарының м.а Текенева Г.Ж.

Өскемен қаласы, 2023-2024 оқу жылы