Ұлттық тәрбие құндылықтары негізінде оқушыларға патриоттық тәрбие беру

Ұлттық тәрбие құндылықтары негізінде оқушыларға патриоттық тәрбие беру

Қазақ халқының рухани эстетикалық мәдениетінің аса бір құндылығы-оның ана тілі, сөз өнері. Құндылық- тәрбие мен оқытудағы адамгершілікке бағытталған мұраттар. Бүгінгі таңда жас ұрпақты құндылықтарға баули отырып тәрбиелеу-өмір талабы болып отыр. Себебі, ұлттық құндылықтар-еліміздің дамуы мен мәдениетінің айнасы.

Бастауыш сынып оқушыларының ұлттық құндылық бағдарын қалыптастыруда төмендегідей міндеттердің жүзеге асыруы тиіс деп ойлаймыз:

• Бастауыш сынып оқушыларына қазіргі уақыт талабына сай, қоғамымыздың саяси дамуына жауап беретін ұлттық құндылықтар жөніндегі таным-түсініктерінің жиынтығын меңгерту (танымдық, ақпараттық);

• Оқушылардың өздерінде қалыптасқан дүниетанымдық қағидалар негізіндегі қоғамның әлеуметтік құндылық идеяларына бағытталған, ұлттық құндылық бағалауын қалыптастыру (қатынас, эмоциялық)

• Бастауыш сыныптың оқу- тәрбие үдерісінде ұлттық құндылықтарды меңгеруінің нәтижесі ретіндегі оқушылардың әлеуметтік құнды біліктіліктерін қалыптастыру(әрекеттік).

Бастауыш сынып оқушыларының ұлттық құндылық бағдары Отан, Туған жер, ана тілі, отбасы, салт-дәстүрлер, ел рәміздері, тарихи тұлғалар туралы құндылықтар мазмұнын көрсетеді.

Қорытындылай келгенде, мектеп табалдырығын жаңа аттаған кішкентай шәкірттердің өз халқының ұлттық құндылықтарын саналы түрде түсініп, қабылдауына, салт-дәстүрлерін қадір тұтып, елін сүйетін, рухы жоғары, патриоттық, ұлттық құндылық бағдары анықталған азамат болып жетілуіне бастауыш мектептегі ұлттық құндылық бағдар қалыптастыру міндетінде және маңызы зор деп есептейміз.

Мамыр Күлімжан

«М. Нұрбаев атындағы №58 ЖББМ» КММ нің бастауыш сынып мұғалімі