“Ұлттық теңге-Тәуелсіздігіміздің нышаны” 10-сынып.Тәрбие сағаты

Тақырыбы:

15 қараша – Ұлттық валюта күні «Ұлттық валюта – тәуелсіздігіміздің нышаны»

Қауіпсіздік сабағы:№ 10 САБАҚ. «СІЗГЕ ҚАТЫСТЫ ЖАҒЫМСЫЗ СӨЗДЕРГЕ ЖАУАП БЕРУДІҢ ТИІМДІ СТРАТЕГИЯЛАРЫ»

Құндылық:

Тәуелсіздік және отаншылдық. Еңбекқорлық және кәсіби біліктілік.

Мақсаты:

Өзінің халқына деген сүйіспеншілігін білдіру және ұлттық мәдениетті құрметтеу

Мемлекеттің дамуындағы ел бірлігінің маңызын бағалау және мемлекетінің дамуы үшін жеке жауапкершілікті сезіну; Ұлттық және мәдени бірегейлікті сезіну; Халық пен мемлекеттің тарихи жетістіктеріне мақтаныш сезімін ояту және мәдени мұрасын, дәстүрлерін әрі қарай ілгерілету; Мемлекеттің, қоғамның дамуы үшін еңбекті, өзінің және басқалардың еңбегінің нәтижелерін бағалай білу; Жеке өмірлік жоспарларды, қажеттіліктерді ескере отырып, білім мен кәсіби қызметті саналы түрде таңдауға

дайын болу.

Қауіпсіздік сабағы: оқушылардың өзіне деген сенімділігін арттырып, эмоциясын

бақылай білуге үйрету.

Негізгі міндеттері:

1. Оқушылардың өзіне деген сенімділігін артыру.

2. Кез келген жағдайды сабырлы, мәдениетті түрде шешуге үйрету.

Күтілетін нәтиже:

Өзінің халқына деген сүйіспеншілігін білдіріп, ұлттық мәдениетті құрметтейді;

Мемлекеттің дамуындағы ел бірлігінің маңызын бағалап, мемлекетінің дамуы үшін жеке жауапкершілікті сезінеді; Ұлттық және мәдени бірегейлікті сезінеді; Халық пен мемлекеттің тарихи жетістіктеріне мақтаныш сезімін оянып,мәдени мұрасын, дәстүрлерін әрі қарай ілгерілетеді; Мемлекеттің, қоғамның дамуы үшін еңбекті, өзінің және басқалардың еңбегінің нәтижелерін бағалай біледі; Жеке өмірлік жоспарларды, қажеттіліктерді ескере отырып, білім мен кәсіби қызметті саналы түрде таңдауға

дайын болады.

Қауіпсіздік сабағы бойынша: оқушылар өзіне деген сенімділігін арттырып, эмоциясын бақылай білуге үйренеді.

Уақыты

Бөлімі

Мұғалімнің әрекеті

Оқушының әрекеті

Ресурстар

Сабақтың басы

5 мин

Сәлемдесу. Ынтымақтастық атмосферасын қалыптастыру.

Гимн орындалады.
https://www.youtube.com/watch?v=TwhxoGcngFM&t=88s тақырыпқа байланысты бейнематериал көрсету.

Талқылау сұрақтары:

 Сіздің ойыңызша, теңгенің ұлттық экономика үшін маңызы қандай?

 Басқа елдердің валюталарынан қандай қызықты ерекшеліктер байқадыңыз?

 Егер сіз теңгенің жаңа үлгісін жасасаңыз, оның дизайнына қандай ұлттық символдарды қосар едіңіз?

Мұғалімді мұқият тыңдайды.

Сұрақтарға жауап беріп, өз ойларын ортаға салады.

Презентация

Жазба дәптері

Сабақтың ортасы

20 мин

Теңге тарихы:

• Теңгенің алғаш рет 1993 жылы 15 қарашада айналымға енген.

• Ұлттық валютаны енгізудің негізгі себебі – Қазақстанның егемендігін нығайту, дербес экономика құру .

• Теңгенің алғашқы үлгілерінде ұлттық символика мен тарихи тұлғалардың бейнелері көрініс тапқанЫ.

Теңгенің дизайны:

• Қазіргі теңгенің дизайнындағы өзгерістер мен жаңартуларды түсіндіру.

• Теңгеде қазақтың мәдени мұрасы, тарихы бейнеленген. Мысалы, Шоқан Уәлиханов, Әбілқайыр хан сияқты ұлы тұлғалар, ұлттық ою-өрнектер, сәулет өнері үлгілері бар.

Ойын - "Теңгені тану":

• Оқушыларға бірнеше купюра мен тиындардың суреттерін көрсету, олардың ерекшеліктерін айтып, сұрақтар қою.

• Тиындар мен купюраларды номиналы бойынша анықтау, ерекшеліктерін талдау.

Талқылау:

• Оқушылардан ұлттық валютаның маңызы туралы сұрау.

• Теңге күнінің мәнін талқылау: ұлттық құндылықтарды, елдің экономикасы мен егемендігін нығайтудағы рөлін түсіндіру.

-мұғалімді мұқият тыңдайды

-талқылауға белсене қатысады.

Презентация

Жазба дәптері

Үлестірмелі материалдар

10 мин

Қауіпсіздік сабағы:

Сабақтың барысы

1. Кіріспе

Есте ұстаңыз, кез келген адамды басқару үшін алдымен оның эмоциясын басқаруды үйрен дейді психологтер. Олай болса сізді басқалар басқарып жүр. Сіздегі көңіл күйді неге өзгелер басқаруы керек? Ол сізге тиесілі ғой. Ендеше, өзіңізді өзіңіз

басқарғыңыз келсе, эмоцияларыңызды бағындырып үйреніңіз. «Ит үреді, керуен

көшеді», өмірде өзгенің жағымсыз сөзі мен ұнамсыз жайттар ешқашан таусылмайды,

тек олардың кейбіріне көңіл аудармай өтіп кеткен жөн, елемей естімеуге тырысқан дұрыс-ақ, сонымен қатар барлық жайтты сабырмен және заң аясында шешуге болады.

2. Негізгі бөлім (6 минутқа дейін)

«Жақсы сөз – жарым ырыс», «Ойнап сөйлесең де, ойлап сөйле», «Сөз сүйектен өтеді» деген өнегелі нақылдарын қалдырған ата-бабамыз сөздің құдіретін жете сезінген дана болған. Сөз арқылы адамның көңілін көтеруге де, мұңайтуға да,

күлдіруге де, жылатуға да болады. Сондықтан да, жақсы байқап сөйлер, жаман шайқап сөйлер деген сөз бекерге айтылмаса керекті. Жақсы сөз жанды жадыратады. Позитивті мағынада айтылған әр сөз жағымды әсер қалдырады. Жалпы алғанда, айтылған сөздердің позитивті және негативті әсерлері бар екені бағзы заманнан бері белгілі. Медицина ғылымы жақсы дамымаған заманда халық дауаны дұғалар мен жақсы тілек сөздерден тапқан. Ал әдепсіз және

балағат сөздерді айтудың өзін қарғыс деп есептеген. Тіпті, сол заманда адамдардың

ойында балағат сөздерді айтудың дұрыс еместігі туралы болжамдар болса, бүгінде ол сөздердің зияндығы ғылыми түрде дәлелденіп отыр. Сол себепті, не ойлап жүргеніңізге, қандай кітаптар оқып, қандай ақпараттар қабылдап жатқаныңызға, айналаңызға қандай сөздер айтып, қандай сөздер естіп жүргеніңізге аса мән беріңіз.

Өміріңізді жақсарту да, құлдырату да өз қолыңызда! Дөрекілікке тиімді жауап берудің стратегияларымен бөлісу.

3. Қорытынды.

-мұғалімді мұқият тыңдайды.

-Пікірталасқа белсене қатысады.

Презентация

Жазба дәптерлері

Түрлі түсті қарындаш, А4 қағаз

Пайдалы сілтеме:

https://youtu.be/sJgmacWuhW0

Сабақтың соңы

5мин

«ҚҚҚ» әдісі бойынша кері байланыс

Тиімді кері байланыс береді

Стикер, жапсырма қағаз