Ұлттық валюта ашық сабақ

Сыныбы:

7 «Ә»

Пәні:

Тәрбие сағаты

Сабақтың тақырыбы:

«Ұлттық валюта»

Жалпы мақсаты

Оқушыларды Қазақстанның ұлттық валютасы – Теңгенің шығу тарихымен таныстыру, оның маңыздылығы мен ерекшеліктерін түсіндіру. Теңгенің экономикалық және рухани құндылығын ұғындыру арқылы қаржылық сауаттылықты арттыру.

Күтілетін нәтиже

• Оқушылар Қазақстанның ұлттық валютасының тарихын біледі.

• Теңгенің маңызы мен экономикадағы орны туралы түсінік алады.

• Қаржыға деген жауапкершілік қалыптасады.

• Экономикалық сауаттылығы артады.

Сілтеме

Слайд, кітаптар, қосымша ресурстар

Негізгі идеялар

Еліміз тәуелсіздік алғаннан кейін ұлттық валюта теңгеміз айналымға енді. 1993 жылдың 15 қарашасы төл теңгеміздің туған күні саналады. Ұлттық теңгеміздің шеттері Қазақтың ою өрнектерімен безендірілген. Бірінші бетінде қазақ халқының әйгілі ұлы тұлғаларының бейнелері басылды. Алғаш шыққын теңгелерде Абылай, Әбілқайыр секілді хандарымыз бен Әл - Фараби, Абай, Шоқан сияқты ұлы тұлғаларымыздың бейнелері салынған болатын. 1993 жылы алғашқы тиындар қағазбен басылып шыққан болатын. Аз уақыттан кейін осы қағаз тиындар айналымнан алынып тасталып, олардың орынына монета нысанындағы тиындар айналымға жіберілді. Теңге біздің дербес ел болғанымыздың белгісі. Басқаның валютасына тәуелді болу, барлық байлығымызды біреудің билігіне беру. Ұлттық валюта - еліміздің даму кезеңі. 2007 жылы теңгенің бейнесі өзгерді. Қазіргі теңгеде тәуелсіздігімізді білдіретін мемлекеттік рәміздеріміз орын алған. Ту, Елтаңба, Бәйтерек Елбасымыздың алақан ізі және қолтаңбасы, әнұран ноталары бейнеленген.

Қолданылған әдістері мен тәсілдер

Әңгімелесу және пікірталас. Презентация дайындау. «Ой қозғау» әдісі арқылы рефлексия

Міндеттер

Оқушыларға теңге туралы негізгі ақпаратты түсінліру. Теңгенің Қазақстан экономикасына тигізетін әсерін көрсету. Оқушыларды каржылық сауаттылыққа үйрету.

Сабақ жоспары

Сабақтың мақсатымен таныстыру.

Теңгенің шығу тарихы туралы ақпарат беру.

Оқушылар өз пікірлерін ортаға салып, ойларымен бөлісу.

Оқушылар кері байланыс береді.

Тапсырма көздері

Әр түрлі жағдаятқа байланысты сұрақтар.

Ақша туралы ғылымдар.

Кері байланыс

Сұрақ қою арқылы бағалау, тест сұрақтары.

Бағалау

Алған білімдерін жинақтап, түйіндеу арқылы, тақырыпты бағалау.

Сабақтың кезеңдері:

Мұғалімнің іс-әрекеті:

Оқушының іс-әрекеті:

Ұйымдастыру кезеңі:

Оқушылармен амандасу, сабақтың тақырыбын, мақсатын және күтілетін нәтижелерді түсіндіру.

Орындарына жайғасады, сабақтың мақсатын тыңдап, топтарға бөлінеді.

Білу

Теңгенің шығу тарихы туралы қысқаша мәлімет береді.

Мұқият тыңдайды, сұрақтар қойып, пікірлерін айтады.

Түсіну

Теңгенің экономикадағы орны мен маңызы туралы сұрақтар қояды.

Мұғалім қойған сұрақтарға жауап беріп, ойларын ортаға салады.

Қолдану

Талдау

Оқушыларға Теңгенің қазіргі экономикалық маңызын талқылауға тапсырма береді. Әр топқа Теңгенің ерекшеліктерін талқылау тапсырмасы беріледі.

Әр топ өз тапсырмасын орындайды, Теңгенің маңызы туралы пікір алмасып, өз ойларын ортаға салады.

Жинақтау

Сабақтың негізгі идеяларын қорытындылап, Теңге туралы жалпы ақпаратты жинақтайды.

Оқушылар сабақтың басты идеясын түсініп, өз ойларын түйіндейді.

Бағалау

Топтардың белсенділігін, пікір алмасудағы қатысуларын бағалайды. Мадақтау сөздер айтып, топтардың жетістіктерін атайды.

Топтық жұмысқа қосқан үлесі бойынша бағаланады, өз жетістіктерін бағалайды.

Рефлексия

Кері байланыс

Сабақ туралы пікірлерін айтып, нені үйренгенін бөліседі, ұсыныстарын береді.