МКҚК «Бүлдіршін » бөбекжай бақшасы

«Бекітемін»

«Бүлдіршін » б/б меңгеруші муа

----------Г. Дәуренова

Ашық есік күніне орай ұйымдастырылған

іс - әрекеті

«Ұлттық ыдыстар»

Ортаңғы « Гүлдер» тобы

Тәрбиеші: Г .Мұстай

Тақырыбы: «Ұлттық ыдыстар » Мақсаты: Балаларды ұлттық ыдыс туралы атаулармен және қызметімен таныстыру. Сөздік қорларын молайту. «Үлкен-кіші», «биік-аласа» , «шұңғыл-тәйпек» танымдық білімдерін жетілдіру.

Әдіс-тәсілдер: Тақпақ,тыйым сөздер.

Көрнекілігі: әртүрлі пішіндегі бауырсақтар,астау,қасықтар,келі,күбі,ожау,тегеш,оқтау-тақтай.

Барысы:

Балалар бүгінгі күн ерекше күн болғалы тұр,оның себебі өздеріңнің аналарың сендердің білімдеріңді,достарыңмен қарым-қатынастарыңмен танысу үшін келіп отыр.Ендеше,келген қонақтармен сәлемдесіп алайықшы.

Шаттық шеңбері

Шеңбер болып тұрайық,

Алақанды ашайық.

Күннің нұрын алайық,

Таза ауаны жұтайық.

Жүрекке жылу салайық

Жиналған жылы шуақты

Анамызға сыйлайық.

-Балалар,кәзір жылдың қай мезгілі?

-Күз мезгілінде ауа-райы қандай?

Дыбыс: Желдің дауысымен әже келеді.

Әже: Сәлеметсіңдерме, балақайлар. Оййй,мен кешікпедім бе?.Сендерге тәтті бауырсақ пісірген болатынмын,мына қатты жел болып,әрең жеттім,тіптен желдің қатты соққанынан ұшып кетейін деп қалдым.

-Білесіңдер ме,жел қалай соғады?(балалардың жауаптары) ШШШШШ.УУУУУ (ауыз қуыстарына арналған жаттығу)

Бірақ мына астауымның ауырлығына желдің күші жетпеді,бауырсағымды шашып алмай келгеніме қуанып тұрмын.

Сендердің күштерің көп,кәне ,көрсетіңдерші?

Ой,бәрекелді.Ал,ендеше өздерің ауыр затты көтеріп көрсетіңдерші(балалар қимылдар жасайды)

Әже:-Жарайсыңдар,әжесінің мықты,күшті ұл-қыздары.Қазақ елінің туын жоғарыға көтеретін мықты спортсмен болады.

Тәрбиеші: Рахмет әжей.Балаларға әртүрлі пішіннен бауырсақтар пісіріп әкелген екенсіз.

-Ия,мен түрлі пішіндерден жасаған себебім;балалардың білімін тексерейін деп жасадым.

Тәрбиеші: Кәне,балалар шеңбер бойлай тұрамыз,паравоз болып жүреміз.

«Арқаны уқалау» Паравоз ойыны:

Ойын шарты: балалар шеңбер болып жүре,бір-бірінің арқаларын алақанмен сипай жүретін болады.

-Кәне,кәне тұрайық

Паравозды құрайық.

Шеңбер бойлап жүріп,бір-бірінің арқасын ұқалау.Аялдамаға тоқтайды.ПППШШШШ.

Тәрбиеші: Кәне,балалар мына бауырсақ қандай пішін?(үш түрлі пішіндегі бауырсақты сұрап шығады)

Ал,кәне,тағыда паравозға міндік,кеттік.ПППШШШ

Аялдама: Жұмбақ:

Ұқсайтын шеңберге

Қабырғасы жиылып ,керіледі

Жиһазы мол кең бөлме

Төбесінен жұлдыздар көрінеді? Бұл не?

-Киіз үй

Дұрыс!

Балалар тағы да шеңбер бойлай паравоз болып жүреді,аялдамаға кеп тоқтайды .ПППШШШ.

«Ыстық бауырсақ» аялдамасы

Балалар ыстық затты ұстағандай етіп екі алақандарын үрлейді.

Әже:-Оой,айналайындарым рахмет сендерге,білімді екенсіңдер.Оубуй,тағыда жаңбыр нөсерлетейін деп тұрған сияқты.Киіз үйім су болып қалмаса болғаны.Ал,ендеше мен жаңбыр жауып кетпей тұрғанда үйіме жетіп алайын .Сау болыңдар! (шығып кетеді)балалар әжеймен қоштасады.

Тәрбиеші: Балалар, мына ыдыстардың қалай аталатындарын білесіңдерме? Бұл ыдыстар неден жасалынған екен? Бұл ыдыстарға нелер салынады ?

Балалар ыдыстарды ағаштан,шыныдан,темірден жасалады екен.

Ал,балалар бір бой сергітіп алайық.

Би: «Қара жорға»

Әжейдің тәтті бауырсағын жеу үшін тапсырма орындауымыз керек

Кәне,орталықтарға бөлінеміз(арнайы ыдыстан үш түрлі ою белгісімен бөлінетін болады.

Сары түс алған балалар қиылған ою түрлерін сүзгіден ұн елеп бейне шығару.

Қызыл түс алған балалар ермексаздан шұңғыл кесе жасау

Жасыл түс алған балалар үстел киіз үйге пішіндер орналастыру.

-жарайсыңдар ,балалар берілген тапсырмаларыңды өте жақсы орындадыңдар.

Келген қонақтармен қоштасайық. Жарайсыңдар.Рахмет!