Сабақ мақсаты: Абай даналығы туралы түсінік бере отырып, оның дүниетанымының сүйіспеншілік құндылығына негізделгенін ұғындыру.

Міндеттері:

• Абай даналығын сүйіспеншілік құндылығымен байланыстыра отырып үйрету;

• Адалдық, жауапкершілік қасиеттерін дамыту;

• Айнала қоршаған ортаны құрметтей отырып, адал, жауапкершілікті болуға тәрбиелеу.

Ресурстар:(құралдар, мәлiметтер)

Сабақ барысы:

1. Ұйымдастыру кезеңi.

Оқушылардың сабаққа дайындығын тексеру.

2. Тыныштық сәті: ОРМАНҒА ОЙША СЕРУЕН

Ескерту

Үнтаспа

Волшевная композиция хрустальная грусть

3. Дәйексөз.

«... Адамның жақсысы – адамға сүйіспеншілікпен қарағандар» Абай Құнанабаев

Қыздарға бір рет, ұлдарға бір рет, барлығына бірге хормен айтқыздырту.

Дәйексөздің мағынасын қалай түсінесіңдер?

4. Әңгiмелеу

Жанқұтты шешеннің батасы (ел аузынан)

... Бірде Жанқұтты шешен Құнанабайдың үйінде отырғанада Абай келіп сәлем береді. Ол кез – Абайдың жас шағы екен. Оның тапқырлығын, өлең шығаратынын естіп жүрген шешен баланы қасына алып отырғыады.

Біраздан кейін Абай:

• Ата, сізден бір сұрақ сұрауға болады ма? – дейді.

• Е, шырағым сұрай ғой, депті Жанқұтты шешен.

• Ата, арзан не, қымбат не, дауасыз не? Соны білейін деп едім, - депті Абай.

• Шырағым, Абайжан! Арзан - өтірік, қымбат - шындық, ал дауасыз деген ол кәрілік емес пе? Жанарыңның оты бар екен – ақындығың шығар, маңдайың жазық екен – ойлылығың шығар, халқыңның қалаулы азаматы бол, - деп Жанқұтты батасын беріпті.

• Абай Жанқұтты шешеннен нені білгісі келеді?

• Сендер шешенге қандай сауал қояр едіңдер?

• Өздеріңе үлкендердің бата берген кезі болды ма?

• Естеріңе түсіріп әңгімелеп беріңдер.

5. Шығармашылық, топтық жұмыс.

1. тапсырма

Суретші Ә. Қастеевтің «Жас Абай» туындысы берілген. Өнер туындысына қараңдар. Оның бет бейнесінен, көзқарасынан нені аңғаруға болады.

2. тапсырма

Төменде берілген Абайдың нақыл сөзін оқыңдар. Күнделікті өмірде осы өсиеттерді ұстанасыңдар ма? Әңгімелеп беріңдер.

«... Егерде есті кісілердің қатарында болғың келсе, күніне бір мәрте, болмаса жұмасында бір, ең болмаса айына бір, өзіңнен өзің есеп ал! (Он бесінші сөз)»

3. тапсырма

Абайдың «... Адамның жақсысы – адамға сүйіспеншілікпен қарағандар» деген ойын тақырып етіп алып, төмендегі кейіпкерлерді қатыстыра отырып, шағын қойылым дайындап, сахналаңдар.

• Отбасында үлгілі бала;

• Жақсы, мейірімді оқушы;

• Нағыз дос;

• Елгезек бала.

6. Топпен ән айту.

«Кел, балалар, оқулық!» 10 бет

Өлеңін жазған: Ыбырай Алтынсарин

Әнін жазған: Латиф Хамиди

7. Үй тапсырмасы.

«Адамзаттың Абайы» Мұзафар Әлімбаев 8-9 бет оқу.

8. Соңғы тыныштық сәті.Баяу әуен орындалып тұрады.Бүгінгі сабақтан алған әсерлеріңізді жүрегімізге саламыз.Бәріңізгі үлкен рахмет!!!