Педагогтің Т.А.Ә. (болған жағдайда)

Джанакова А.Д

Күні:

13.11.2023 ж

Сынып: 8 «А»

Қатысушылар саны:

Қатыспағандар саны:

Тәрбие тақырыбы

«Ұлы Дала перзенті»

Мақсаттары

Оқушыларға қазақстандық  патриотизм  идеясын  дамыту. Аталардың батырлық дәстүрін, тарихын, ерлік істерін қастерлеп, рухын көтеру, үлгі тұту, мақтаныш сезімдерін ояту және оларға құрметпен қарау. Жас ұрпақты бейбітшілікті сақтауға және нығайтуға, ерлікке, адал да батыл болуға тәрбиелеу.

Сабақтың кезені/ уақыт

Педагогтың әрекеті

Ресурстар

Сабақтың басы

5 мин

Оқушылармен сәлемдесу, психологиялық ахуал орнату.

Тренинг -шеңберге тұрып бүгінгі күнге сәттілік тілейді.

Мұғалімнің сөзі:

-Отан – әр адамның жүрегіне жылы тиер қасиетті сөз. Отан –сенің туған елің, туған жерің, дос –жарандарың, туған туысқаның. Отан-бұл өзіңнің тұратын, өмір сүретін, қызмет ететін жерің. Отан адам үшін біреу ғана. Отанды анаға теңейді. Себебі, Отан сендерді анаңдай қорғайды, көмектеседі, күш береді.Біз Отанымызды, елімізді сүйеміз.

Отансыз адам – қай жерде жүрсе де бейшара адам. Өзіңнің еліне, Отанына, жеріңе, ата-бабаңның төккен қаны мен теріне адал болуың керек. Қайда жүрсе де, не істесе де қазағын-елін ойлап, осыны көркейтсем, кіндік қаным тамған елім аман болып, оның дәрежесі жоғары болса, қай мемлекетке барсам да мені сыйлайды деген түсінікте болу керек.

Сабақтың ортасы 25 мин

Отан деген не? (Оқушылардың пікірлері)

“ Туған жеріңе не бересің? ”ойыны

– Сендер тұрып жатқан жер, яғни Орда ауылы  қандай  ағашпен бай ? Қарағайдың қандай пайдасы бар?     Оқушылардың жауабы

Ағаш – адамның күнкөрісіне қажет және рухани өмірде ерекше орын алатын табиғат нысаны.  Тәуелсіз Қазақстанның болашағы сендерсіңдер!  Еліміздің көркейуіне, гүлденуіне «Туған жеріңе не бересің? ”ойыны арқылы өз үлестеріңді қосыңдар.

– Міне, сендерге қарағай ағашын дайындадым.

– Ағашқа не жетіспейді? жапырақтары

– Сендердің парталарыңда  жапырақтар жатыр.  Дайын тұрған жапыраққа «Туған жеріңе не бересің?» сұрағының жауабын  жазып, оқып, қарағай терегіне ілеміз.   Мысалы: әдемі үй салу…).

( Жұмыс аяқталған соң, жапырақтарды жинап, ағашқа әр бала жапырағын іледі.)

Сөзжұмбақ

Сұрақтары:

1.Қ.И.Сәтбаев 1942 жылы осы өңірде мыс кен орындарын ашқаны үшін мемлекеттік сыйлыққа ие болды? (Жезқазған) 2.Айша бибі кесенесі орналасқан қала? (Тараз)

3."Қозы Көрпеш-Баян сұлу" кесенесі орналасқан өңір? (Аягөз)

4.1854 жылы негізі қаланған Верный бекінісі қазіргі таңда қай қала? (Алматы) 5.1833 жылы Аппақ Байжанов тас көмірін тапқан қала? (Қарағанды) 6.1999 жылы ЮНЕСКО-ның шешімімен "Бейбітшілік қаласы" атағын алған қала? (Астана) 7. Қазақ ақындары І.Жансүгіров, С.Сейфуллин жыр арнаған қай қала? (Көкшетау) 8.Үшінші алтын киімді адам табылған аудан? (Зайсан) 9. Қазақстанның түсті металлургия орталықтарының бірі болып саналатын қала? (Өскемен)

Постер қорғау «Патриот деген ол ….»

• Әскери міндетке жауапкершілікпен қарау;

• Туған жерге деген ыстық сезім;

• Ата- баба өсиетіне адал болу;

• Өз Отанын күшті, айбынды ету, гүлдендіруге ұмтылу;

• Бойындағы күш- қуаты мен білімін Отан игілігі мен мүддесі үшін жұмсау;

• Ана тіліне деген құрмет;

• Өз халқының әдет- ғұрпын және салт- дәстүрін құрметтеу;

• Елдің тарихын құрметтеу;

• Қазақстанда мекен ететін халықтарға деген құрмет сезім;

• Өз халқының әлеуметтік, мәдени жеңістері үшін мақтану;

• Мемлекеттік рәміздерге құрметпен қарау;

• Заңға бағыну;

• Үкіметті сыйлау;

• Қандай да бір қастандық әрекеттерден Отанын қорғауға дайын болу;

• Туған жерге, ата- бабасы жатқан жерге құштарлық;

• Республиканың экономикалық, қорғаныстық әлеуетін тыңбай нығайту;

• Басты байлығымыз – табиғат пен қоршаған ортаны гүлдендіру

Сұрақ-жауап ойыны.

1. ҚР елтаңбасында не бейнеленген? – (тұлпар ,шаңырақ,жұлдызша.күн

2. Қазақстан өз тәуелсіздігін қай жылы алды? – (1991 жыл 16 желтоқсан)

3. «Отан қорғау» дегенді қалай түсінесің?

4. Қазақстан қандай мемлекеттермен шектесіп жатыр?. Қытай, Ресей, Қырғыз, Өзбек, Түрікменстан, Әзірбайжан республикаларымен

5. Әнұранның авторларын ата? – (Ш.Қалдаяқов,Ж.Нәжмединов,Н.Назарбаев.)

6. ҚР тұңғыш президенті кім? – (Н.Н.Әбішұлы)

7. ҚР неше облыс бар? – (14 облыс)

8. Қазақ хандығының құрылғанына неше жыл?

9. Тұңғыш қазақ ғарышкері кім? – (Тоқтар Әубәкіров)

10. Конституция күні? – (30 тамыз)

11. Облысымыздан шығатын газет? –

12. ҚР тәулсіздігін алғанына биыл неше жыл толады?

Компьютер

Сабақтың соңы

10 мин

Тәрбие сағатын “ Өз Отанының патриоты болу – Қазақстанды өз жүрегінде ұялату ”.

Менің жетістігім:

Мен ...............білемін. Мен .............. түсінемін. Өзім .......... орындаймын.

Презентация