«Ұлы жеңіс- кең-байтақ Отанымызға тараған бақыт нұры!»

(эссе)

Ұлы Отан соғысы – адамзат тарихындағы ең ауыр, ең қайғылы кезеңдердің бірі. Бұл соғыс миллиондаған адамның өмірін жалмағанымен, халқымыздың ерлігі мен бірлігін, Отанға деген шексіз махаббатын дәлелдеген ұлы сынақ болды. 1941–1945 жылдар аралығындағы бұл қасіретті жылдарда қазақ халқы да ерлікпен күресті, жауға қарсы қайсарлық танытты.

Бабалар қанымен, кеудесін оққа тосқан батыр аға-әпкелеріміздің өмірімен келген әрбір Жеңіс күні – жүрекке жылу беретін, өткенге тағзым ететін ерекше күн. Бұл тек жеңіс емес, бұл – бейбіт өмірдің басталуы, ерліктің мәңгі естелігі. Аталарымыз майдан даласында жауға қарсы оқпен күрессе, тылда қалған аналар мен балалар еңбекпен жеңіске жетуге үлес қосты. Олар өз өмірін аямай, келешек ұрпақ үшін жанын берді.

Біз бейбіт аспан астында өмір сүріп жатқанымыз үшін сол батырларға мәңгі қарыздармыз. Қазіргі ұрпақ олардың ерлігін ешқашан ұмытпауы керек. Мектептерде, ескерткіштерде, отбасылық әңгімелерде сол жеңістің рухы өмір сүруі тиіс.

Ұлы Жеңіс – тарихтың беттерінде алтын әріппен жазылған. Ол ешқашан ұмытылмайды! Біздің парызымыз – сол жеңісті ұлықтау, бейбітшілікті сақтау.