Тақырыбы : «Ұлы күн – Наурыз!»

Мақсаты: Балаларға ұлыстың ұлы күні туралы мағлұмат беру.

Балаларды елін, Отанын сүюге, ұлттық салт – дәстүрін дәріптеуге тәрбиелеу.

Имандылық, инабаттылық, ізеттілік қасиеттерін қалыптастыру.

Көрнекілігі: газеттер, нақыл сөздер, киіз үй керегесі, ұлттық бұйымдар.

Тәрбиеші : Армысыздар, құрметті ата-аналар және бүлдіршіндер, балабақша ұжымы. Сіздерді Ұлыстың ұлы күні – Наурыз мерекесімен құттықтаймыз. Дендеріңізге саулық, бастарыңызға байлық тілей отырып «Ұлы күн – Наурыз!» атты ертеңгілігімізге қош келдіңіздер!

Тәрбиеші: Үйлесіп наурызбен көктем жетсін,

Көңілін үлкен-кіші көкке өрлетсін.

Еңсесі көтерілер ер-азамат,

Ескі жылмен реніш, өкпе кетсін.

Жаңа жыл құтты болсын!

Тәрбиеші: Келе жатыр жылымыз,

Мейрамдаймыз мұны біз.

Халқы сүйген мейрамды,

Қарсы алайық Наурызды!

(Әже мен Наурыз қыз ортаға келеді)

Әже: Ал келіңдер қонақтар,

Досқа құшақ ашайық.

Өлең жырға басайық.

Қазақтың бір салты деп,

Тойға шашу шашайық.

(шашу шашылады)

(Наурыз қыз келеді)

Гүлсезім: Наурыз тойы – береке,

Наурыз тойы – жыр аңыз.

Қызып дулы мереке,

Қызық думан құрамыз.

Алихан: Қош келіпсің Наурыз,

Арман тойы халықтың.

Қуанышы халықтың,

Құтты болсын қадамың.

Мархабат: Би биледік бәріміз,

Егіг өңін толқытқан.

Елдің көңілін шалқытқан

Бас иеміз – Наурыз!

Тәрбиеші: Осыншама жақсылық,

Алып келдің – Наурызым.

Төрлет бізге нұр болып,

Шашып нұр жүзіңіз.

Наурыздан көрініс

Әже: Мына наурыз тойына көп адамдар жиналып қалыпты ғой. Әй мынау Шолпан ба Наурыз күні неге көріспейсің кел көрісейік. Кәне балалар халқымыздың салт-дәстүрін ұмытпайық кәне бір-біріңмен көрісіңдер.

(Балаларды көрістіру)

Әже: Наурыз-күні қазан толы көже асса ырыс, несібе көп болады дейді мен қазанды толтырып асайын. Әй, Ислам қайда кеттің отын әкел, мен көже асайын.

(Балалар қапшықпен арқалап отын әкеледі)

Әже: Балаларым наурыз көжеге 7 түрлі тағам қосады. Қыстан қалған сүр, айран, сүт, тұз, құрт, тары, бидай, қосамын. Көжеден ауыс тиіңдер балаларым.

(Балалар столды айнала отырып көжеден ауыз тиеді)

Нұржан: Әже көжеңіз дәмді екен енді мен дастарханның батасын берейін.

Әже: Айналайын бере ғой.

Нұржан: Сұрасаң бата берейін,

Ақ тілекті төгейін.

Еліме берсін берекет,

Кірсін дәулет есіктен.

Кетсін бейнет тесіктен.

Ескі жылым есірке,

Жаңа жылым жарылқа.

Ұлыс оң болсын,

Ақ мол болсын!

Аумин!

Әже: Ой өркенің өссін, бақытты бол. Айтқаның келсін.

Хор: «Дастархан»

Тәрбиеші: Құрметті ата-аналар балалардың «Алтын сақа» ертегісінің желісімен қойылған «Ұлы күн – Наурыз» атты ертегімізді тамашалаңыздар.

Көрініс: (Шал қолында қамшысы бар қой жайып жүреді)

Шал: Шек, шеку, ей кебенек,

Мына ешкілер әбден мені шаршаттау. «Қой бақтым қоңырау тақтым, ешкі бақтым, еңіреп бақтым» деген осы екен ғой. Уф, әбден шаршадым, дем алайыншы.

(Молдас құрып отырады.)

Мыстан: Сол кезде мыстан кемпір келіп шалды жұлмалай бастайды.

Мыстан: Уф, бәлем қолыма түстің бе?

Шал: Ойбай, ойбай жіберші қылқынып бара жатырмын.

Мыстан: Сен маған не бересің?

Шал: Мына бағып отырған қойымның бәрін беремін.

Мыстан: Жоқ маған балаңды бер әйтпесе жібермеймін.

Шал: Жарайды жалғыз Кенжебек деген ұлым бар еді соны берейін.

Мыстан: Онда келісемін балаңды қалай бересің?

Шал: Баламның жақсы көретін алтын сақасы бар, соны саған беріп кетейін. Балам алтын сақасын іздеп келгенде өзің ұстап ал.

Шал: Міне алтын сақасы. (қалтасынан алып береді)

Мыстан: Алтын сақаны қасына қойып отырады.

(Бала сақасын іздеп келеді)

Бала: Әже, әже анау менің сақамды алып берші?

Мыстан: Ой, мен отырсам, тұра алмаймын, тұрсам отыра алмаймын өзің ал.

Бала еңкейіп сақаны ала бергенде мыстан оны шап беріп ұстап алады.

Қыздар: 1-2 қыз. Кенжебек сен қайдасың? Біз сені іздеп жүрміз.

Мыстан: Осы кезде мыстан ортаға атып шығады. Қыздар қорқып бірінің артына бірі тығылады.

Мыстан: Сендерге Кенжебек керек болса менің шартымды орындаңдар.

Қыздар: Орындаймыз әже орындаймыз.

Мыстан: Онда маған наурыз туралы тақпақ айтып беріңдер.

Тәрбиеші: Айтағойыңдар балалар.

Ұлданай: Наурыз айы-гүл айы,

Наурыз айы-нұр айы.

Наурыз айда халқымның.

Құлпыра түсер шырайы.

Раян: Орайы бар даламның,

Аманбысың жаңа күн.

Сәлем халқым тілегім.

Сендермен бірге жүрегім.

Саян: Орындалды ойларың,

Құтты болсын тойларың.

Күн мен айға әлемнің,

Бердік ыстық сәлемін.

Дана: Қарттарыма сүйеніп,

Сәлем бердік иіліп.

Орындалды ойларың,

Құтты болсын бүгінгі,

Наурыз көже тойларың.

Нұрислам: Наурыз келді елімі,

Наурыз келді жеріме.

Байлық, бақыт тілеймін,

Бүкіл қазақ еліне.

Мыстан: Жарайсыңдар балалар.

Балалар: Әже, енді Кенжебекті жібересіз ба?

Мыстан: Жоқ, маған енді өнерлеріңді көрсетіңдер.

Тәрбиеші: «Қошақан» әні

Ә.Ислам

Ақерке

Ұлболсын

Ақжүніс

Біржан

«Тұсау кесу» әні

Әсет

Інжу

Дана

Ұлданай

Саян

«Балалық шақ» әні

Ақжүніс

Айдарбек

Толқынай

Мыстан: Ой кілең өнерлі екенсіңдер көңілім бір көтеріліп қалды.

Балалар: Әже енді жібересің бе?

Мыстан: Жоқ, менің енді айтыс тыңдағым келіп отыр. Ақындарың бар ма?

Тәрбиеші: Халқымыздың ежелден келе жатырған бұл төл өнері біздің балаларымыздың бойында бар. Қошеметтеп қарсы алыңдар. Ерәлі ұлдарың мен Толқынай қыздарыңды.

Айтыс

Екеуі бірігіп: О, халайық, халайық,

Әсем әнге салайық.

Наурыз тойын көңілді,

Бірге қарсы алайық.

Ералі: Ералі ұлың мен болам,

Әке-шешем мақтаған.

Жарыс десе жайнаймын,

Намысымды қорғаймын.

Толқынай: Өнердің ашып есігін,

Шешендік сөзбен көсілдім.

Таныстырсам өзімді,

Толқынай менің есімім.

Ералі:Ал Толқынай сұлу қыз,

Қандай күшті бұрымың.

Қасыңдағы қыздардың,

Ішіндегі сұлу қыз.

Толқынай: Мені мақтап не істейсің?

Білем өзім сұлумын.

Дайынсыңба мектепке,

Соны айтып білдірсең.

Ералі: Білім, ғылым, өнерге,

Қанат қағар кезім ғой.

Ата-салтын ертеңге,

Жеткізетін өзім ғой.

Толқынай: Ой жігітім арманшыл,

Орындалсын арманың.

Жұмыртқаны қақ жарып,

Пілге ұқсап жатырсың

Ералі: Көріп тұрсың сұлуым,

Жігіт деген атым бар.

Болашақта халқыма,

Елбасы болу арманым.

Толқынай: Айтысуға өзіңмен,

Шығып тұрмын алдыңа.

Күн аттарын білмеуші едің,

Жаттап оны алдың ба?