ұрмалы аспаптар тобы

Сабақтың тақырыбы: Ұрмалы аспаптар тобы.

Сабақтың мақсаты: Оркестрдегі ұрмалы аспаптар туралы түсіндіру.

Сабақтың міндеті: Симфониялық оркестрдің ұрмалы аспаптарын ажырата білу:

Сабақтың дамытушылығы: Есте сақтау қабілеттерін дамыту; музыкалық ұғым туралы түсініктерін кеңейту;

Сабақтың тәрбиелігі: Симфониялық музыкаларды қадір тұтуға, түсініп тыңдауға баулу.

Сабақтың әдісі: Музыка тыңдау. Музыкалық сауаттылық, шығармашылық тапсырмалар.

Сабақтың барысы:

Үйге берілген тапсырманы сұрау.

Жаңа сабақ. Ұрмалы аспаптар тобы.

Қазіргі кездегі оркестрді ұрмалы аспаптарсыз елестету мүмкін емес. Симфониялық оркестрдегі ұрмалы аспаптар тобы өздерінің сан алуан түрлерімен тыңдаушыны таң қалдырады. Олар: Литавра , барабан , коклккольчик – қоңырау, ксилофон, бубен, тарелка, там- там. Ұрмалы аспаптар оркестрге ырғақ үшін қажет болған. Ұрмалы аспатар арасында тек ұру ғана емес , сондай – ақ сілку, үйкеу айналдыру және аудару арқылы да дыбыс шығаратын аспаптар кездеседі.

Литавра Үлкен барабан Тарелка

Ксилофон Бубен

ХІХ ғасырдың басына дейін симфониялық оркестр құрамына тек литавра аспабы кіретін. Литавраның бүгінгі түрі: үш аяқты тұғырдың үстіне орналасқан жез немесе қоладан жасалған қазанға ұқсас аспап. Қазанға бірнеше бұрандалар арқылы тері керіліп, оларды киізден жасаған дөңгелек жұмсақ ұшты екі таяқшамен ұрады.

Симфониялық оркестрдегі негізгі ұрмалы аспаптардың бірі – кіші және үлкен барабандар. Кіші барабандар ерте замандарда әскери аспап болып есептелді. Дыбысы өте күшті болғандықтан, шабуылға шығарда барабан хабар беруші қызметін атқарған. Ал үлкен барабанды оркестрге лайықты етіп ойлап тапты Барабанды ұру үшін басы киізбен қапталған таяқшалар пайдаланылды.Басқа да аспаптар дыбыс бояуын күшейту үшін қолданылды.

Біліп ал!

Азия, Африка. Америка сынды әлем халықтарын барабанның дәстүрлі көне түрлері кездеседі. Барабандарды ерте замандарда түрлі рәсімдер үшін қолданған. Мысалы жын – шайтандарды үркіту үшін немесе аңшылық пен әскери жорықтарда дыбыс беру, әндер мен билерді сүйемелдеу үшін пайдаланған.

Қорытындылау.

Симфониялық оркестрдегі қандай ұрмалы аспаптарды білесің?

Ұрмалы аспаптар оркестрге не үшін қажет болды?

Шеберлер ұрмалы аспаптарды жасау үшін қандай заттарды пайдаланған?

Ұрмалы аспаптардың ерекшеліктері неде?

Үйге тапсырма.

Ұрмалы аспаптар тобы тақырыбын оқып, аспаптардың суретін салу.

Бағалау.