"Үш жалқау"

«Арман» шағын орталығы тобындағы ұйымдастырылған оқу қызметінің конспектісі

Өткізу күні: 21.02.19ж.

Тәрбиеші: Ахметжанова АМ

Білім беру саласы: «Коммуникация»

Пән: Драма.

Өтпелі тақырып: «Мен және қоршаған орта»

Тақырыбы: ««Үш жалқау» әңгіме»

Мақсаттары:

Тәрбиелік: Шығарманың мазмұны арқылы еңбексүйгіштікке тәрбиелеу.

Дамытушылық: Әдеби шығарма кейіпкерлерінің жақсы – жаман қылықтарын атап көрсету.

Оқыту: Әңгімені айта отырып, рөлмен ойнау, диалог сөздерді мәнеріне келтіре айта білуге үйрету.

Педагогикалық технологиялар:ойын технологиясы, денсаулық сақтау, ТРИЗ.

Ресурстармен қамтамасыз ету: тақырыптық суреттер.

Билингвалдық компонент (ортаңғы тобы): жалқау – ленивый, үш – три.

Ұйымдастырылған оқу қызметінің барысы

1.Ұйымдастырушылық кезеңі:
-Қазір жылдың қай мезгілі?

-Қыс мезгілінде қандай ерекшеліктер болады?

-Балалар сендер қандай ертегі білесіңдер?

Олай болса біз бүгін «Үш жалқау» ертегісі жайлы әңгімелесеміз.

Негізгі бөлімі

-Ертегіні бастамас бұрын артикуляциялық жаттығулар жасайықшы.

Тілімізді шығарып,жоғары ерінді жалап,тілді ауыз қуысына тереңірек апару.

Жалпақ тілді шығарып астыңғы ерінге ұстап тұру керек.Аузымызды жауып,доп жасаймыз.

-Мен сендерге қазір «Үш жалқау» ертегісін айтып берем. Сендер мұқият тыңдандар, оқып болған соң сендерге сұрақ қоям.

Балаларға «Үш жалқау» ертегісінің мазмұнын айтып беру. Ертегі бойынша балаларға сұрақтар қою.

-Ертегі қалай аталады?

-Ертегі ұнады ма?

-Ертегіде неше жігіт болды?

-Үшеуіде қандай болды?

-Үшеуіде бас көтермей не істеді?

-Олар қайда шығады?

-Тоғайға келгенде қандай ағаштың жанында жатады? Енді,біз қазір «Үш жалқау» ертегісін сахналаймыз.

Балаларды рөлге бөліп, атрибуттарды таратып берем.

-Жарайсыңдар,балалар!

Қорытынды

Қандай ертегіні сахналадық?

-Ертегі не туралы?

-Жарайсыңдар,балалар.Сендер бүгін оқу қызметіне жақсы қатыстыңдар.

Балаларды мадақтау.

Ертеде бірінен  –  бірі өткен ағайынды үш жалқау болыпты. Бар бітіретіндері бас көтермей ұйықтай беру екен. 

Үш жалқау.

    Бірде үшеуі жолға шығыпты. Тоғай арасына келгенде, мәуелі ағаш көлеңкесіне қисая кетіпті. Бірінші жалқау: 

     – Е... құдай, мына өріктер піссе, - депті. 

    Екіншісі: 

    –Ауызға келіп түссе, - депті. 

   Сонда үшіншісі оларды міней сөйлеп: 

   –Түу, соны айтуға қалай ерінбейсіңдер, - депті.