Білім беру саласы: «Қарым-қатынас»

Бөлім: «Тіл дамыту», «Тілдің үштұғырлығын дамыту»

Тақырыбы: «Тілдің үштұғырлығын қолданатын елдермен танысу».

Қазақстан туралы, ондағы тұратын адамдар туралы, мемлекеттік рәміздер туралы әңгімелесу. Ресей туралы, оның мемлекет ретінде туы, ән-ұраны мен адамдары және оның іс-әрекеттері жайлы әңгімелесу. Ұлыбританиямен, оның ата-бабалық салт-дәстүрлерімен танысу. Балаларды мемлекеттермен және оның картадағы орналасқан жерімен және сыртқы пішінімен таныстыру.

Мақсаты: үштілдікке кірген тілдерде сөйлейтін адамдар тұратын мемлекеттер туралы балаларда түсініктерді қалыптастыру.

Білім берушілік міндеті: тілдің үштұғырлығына кірген мемлекеттердің сыртқы түрі бойынша мемлекеттік рәміздерін ажырата білуге, ол мемлекеттегі сөйлеу тілдерін атауға; түстері мен жер аумағы бойынша картадан тауып алуға үйрету.

Дамытушылық міндеті: мемлекеттер атауын сыртқы түрі бойынша көру арқылы, сөйлеу тілдерін есту арқылы ажырата білу іскерлігін дамыту, басқа мемлекеттің сөйлеу тілін қайталап, сол елдің белгілерін білдіретін сөздерді атау арқылы балалардың сөздік қорын байыту.

Тәрбиелік міндеті: тілдің үштұғырлығына кірген тілдерді үйренуге деген қызығушылықты тәрбиелеу.

Алдын ала жұмыс: мемлекеттер бойынша материалдарды әзірлеу, мемлекеттің картасын безендіру, мемлекеттік рәміздер үлгілері, тілдің үштұғырлығын қабылдаған мемлекеттер бейнеленген суреттер, көрсетілімдер.

Сөздік жұмыс: Қазақстан, Ресей, Ұлыбритания (Англия), қазақ, орыс, ағылшын тілдері. Мемлекет, ту, ән-ұран, мемлекет рәміздері.

Күтілетін нәтиже

Нені білу керек:

- әлемде көптеген мемлекеттер бар екенін, ондағы адамдардың ана тілдерінде сөйлесетін;

- бұрын оларға таныс болмаған сөздерді және тілдерді (ағылшын) үйрену керектігін;

- жаңа атаулар мәнін.

Нені игереді:

- жаңа мемлекеттер мен тілдер жайындағы түсініктерді.

Нені біледі:

- сөйлеу тілінде мемлекеттердің, тілдердің атауларын қолданады, есту арқылы біледі;

- омеңгерілген мазмұн бойынша педагогтың сұрақтарына жауап береді.