Тойшыбай Перизат шәкірті,№228 орта мектептің тарих пәнінің мұғалімі 10-сынып жетекшісі Ұстаз – ұлы қызмет
Тақырыбы: «Ұстаз – ұлы қызмет ». Ұлағатты ұстаз Абдурахманов Есенгелдіні 70 жасқа толуына байланысты өткізілетін тәрбие сағаты.Мақсаты: 1. Білімділік: Бүгінгі ұрпақ – ертеңгі насихаттаушы – шәкірттерімізді өмірден озған құрметті ұстазымыздың өмір дерегімен таныстыру2. Дамытушылық: Оқушылардың ұлағатты ұстаз жайлы оқып- үйренуде өзіндік дағды қалыптастырып және шығармашылық қабілеттерін дамыту.3. Тәрбиелік: : Ұстаздың еңбек жолымен таныстырып, үлгі-өнеге беру. Оқушыларды ұлы ұстаз есімін қастерлеуге, кұрметтеуге тәрбиелеу. Сабақтың түрі: Ауызша журналТәрбие сағатының әдісі: іздену, сұрақ-жауап, әңгімелеу Көрнекілігі: Есенгелді Абдурахманов туралы жинақталған слайд
Тәрбие сағатының барысы:Ұйымдастыру кезеңі: Оқушылардың назарларын сабаққа аудару. Мұғалім: Сәлеметсіздер ме құрметті қонақтар,оқушылар,ұлағатты ұстаздар. Барлықтарыңызды кешегі төл мерекелеріңізбен құттықтаймыз.Кешегі күн ғана емес, осы қазан айы ұстаздарды ұлықтау айы деп белгіленіп отыр. Осы орайда бүгінгі біздің тәрбие сағатымызда туған ауылымызға және біздің мектебімізге көптеген еңбегі сіңген, ұлағатты ұстаз, алғашқы әскери жетекші болған запастағы майор Есенгелді Абдурахманов жайлы сөз қозғамақпыз. Ол кісінің өмір дерегін, ұлағатты істерін, қайталанбас ерекше қасиетін бүгінгі ұрпаққа таныстырып, насихаттау.Олай болса тәрбие сағатымызды бастауға рұқсат етіңіздер. 1 – жүргізуші: Данышпан да, дана да оқып сенен,Атақ-даңқын асырды бар әлемнен.“Ұстаз” деген аяулы, асыл жанды, Жақсы көрем, арнаймын жақсы өлең!2-жүргізуші:Ақырын жүріп анық бас.Еңбегің кетпес далағаҰстаздық еткен жалықпас,Үйретуден балаға, – деп Абай атамыз айтқандай ұстаз деген ол ұлы есім. 1 – жүргізуші: Қиындығы да, қызығы да жетерлік, ең бастысы - жауапкершілігі жоғары мамандықтың бірі ұстаздық ету екені ақиқат. Сондықтан басқа мамандық иелерінің баршасы да ұстаздарға борыштар деп ойлаймын. 2-жүргізуші:Осындай ұлы тұлға, есімі ауылымызға, облысқа,ауданға кең танылған мектебімізге көптеген еңбегі сіңген, ұлағатты ұстаз, алғашқы әскери жетекші болған запастағы майор Есенгелді Абдурахманов туралы қанша сөз қозғасақ та орынды.1 – жүргізуші: Біреудің табиғаты - ұстаз, біреудің кәсібі- ұстаздық. Алғашқысы -туа бітті ұстаз. Соңғысы жүре келе қалыптасатын ұстаз. 2-жүргізуші:Есенгелді ұстаз- туа бітті мейірімнен жаралғандай шынайы ұстаз. Ұстаздықтың бір өлшемі-жүрек гүлі- мейірім болса, екінші өлшемі -адалдық. Адалдығы жоқ адам ұстаз емес, ұстаз атын жамылған әлдекім.1 – жүргізуші: Ал біздің ұстаз - Есенгелді Абдурахманов шәкірт алдында адал, өзіне де, өзгеге де әділ бола білген ұстаз.
2-жүргізуші:Есенгелді Абдурахманов 1946 жылы 11 қазанда Өзбекстан Республикасы Ферғана облысындағы Рыштан ауданына қарасты Задиян ауылында ұстаздар отбасында дүниеге келген. Әкесі Асқар Абдурахманов біраз жыл мектепте мұғалімдік қызмет атқарып,кейіннен сол мектептің директорлық қызметін атқарған.Анасы Шәртай анамыз үй шаруасында бала тәрбиесімен айналысқан. 1 – жүргізуші: Есенгелді ағай 1952 жылы отбасы тұрған ауылдағы мектептің 1-сыныбына қабылданады да 1962 жылы осы аталған мектепті үздік тәмамдады. 2-жүргізуші:Мектепті аяқтаған соң осы жылы Ферғана қаласындағы Ұлықбек атындағы педагогикалық институттың физика және математика факультетіне түсіп, 1967 жылы осы оқу ордасында физика пәнінің мұғалімі мамандығын алып, үздік аяқтап, диплом алған.Аталған оқу орнында білім алып жүріп ,ол бірнеше рет белсенділігі мен білімі үшін комсомол комитетінің,институттың мақтау қағаздарымен марапатталады.1 – жүргізуші: 1967 жылы институтты бітіргеннен кейін ол Отан алдындағы борышын өтеу үшін Совет Армиясының қатарында алдыңғы қатарлы азамат ретінде қызмет атқарған. Сол жылдары борышын абыроймен атқарып,ол капитан шенін алып,еліне Совет Армиясының зениттік-ракеталық бөлімінің запастағы капитаны болып оралады.Туған ауылына келіп,физика пәнінің мұғалімі болып мектепке орналасады.2-жүргізуші: 1971 жылы тамыз айында Райхан апайымызбен отбасын құрады. Отбасында 3 қыз үш ұл бала тәрбиелеп өсірді. Олардың барлығы білім алып, қазіргі кезде отбасын құрған бір-бір шаңырақ иесі. Әке жолын қуған ең кіші ұлы Бағдат Жамбыл облысындағы әскери бөлімшеде майор шенін алып, қызмет атқарады. Қыздары Хилола мен Лаура әкенің ұстаздық жолын таңдап мұғалімдік қызмет атқарады.Кіші қызы Бағиланың мамандығы- журналист. Ал қарашаңырақтағы ұлы Талғат «Технология әлем ойл» компаниясында бұргылаушы болып қызмет атқарады
1-жүргізуші:Бүгінгі біздің еске алу кешімізге осы жерде Есенгелді ағайымыздың жолын қуған кіші ұлы Қазақстан Қарулы күштерінің майоры Бағдаттан әкесі туралы бір-екі ауыз пікір алсақ.
Сұрақ:-Сіз асқар тау әкеңіздің отбасында қандай әке болғанын бір-екі ауыз сөзбен әңгімелеп берсеңіз. Сұрақ :-Сіз әкеңіздің қандай жақсы қасиетін өзіңізге үлгі еттіңіз?
Ән: «Ұстазым»
1 – жүргізуші: Есенгелді Абдурахманов 1982-1996 жылдар аралығында біздің №228 орта мектебінде оқу ісінің меңгерушісі,әскери жетекші болып қызмет атқарған. Міне сол жылдан бастап ұлағатты ұстаз өз өміріне ерекше бір күш-жігер жинағанын ешқашан ұмытқан емес.
1-оқушы: Жайдарлым Бағбан күтсе ағашын,Жапырақ жаяр мәуелі.Бермесең қалай бағасын,Қастерле оны әуелі.Дихан да жерін сүйеді,Топырағы анасы.Адамзат басын иеді,Кімнің бар оған таласы?Ұстазды бірақ бағбанға,Диханға да теңеме.Ұстазға тең жоқ жалғанда,Тұрағы шың төбеде.Ұстаздың жасы нақ өмір,Білімді, білгір кемеңгер.Жаны жомарт абзалдың,Адамдық арды сол білер2-оқушы: ЖұлдызКүллі өмірін жеткіншекке арнағанМұғалімді ардақтайды барша жанОл мектептен шықпаса да қыс- жазы,Жемісі оның жердің жүзін шарлағанБала десе ойламайды өз қамынКөрсем дейді күнге де қол созғанын Шәкірттерін өзінен де озғанын.
1 – жүргізуші: Ұлағатты ұстаз әскери жетекші болып қызмет атқара жүріп, ол аудандық және облыстық семинарларда бірнеше ашық сабақтар өткізіп, еңбегі үздік деп бағаланды.1989-90 оқу жылдары республикалық байқауда әскери дайындық пәнінің материалдық базасы өте жақсы деп бағаланып,облыстық білім бөлімінің алғыс хатымен марапатталды.Қажырлы еңбегінің нәтижесінде бірнеше рет аудандық білім бөлімінің құрмет грамоталарымен марапатталды.2-жүргізуші:Жұмысқа алғырлығының, іскерлігінің арқасында Ұлы Отан соғысының 20 жылдық ,40жылдық төсбелгісімен марапатталып, Шиелінің 40жылдық медалымен марапатталды. 3-оқушы: СаясатҰстаз деген – жарық күні ғаламның,Ұстаз деген – анасы ол адамның.Бүкіл әлем мойындайды еңбегін,Сен де одан адам болып жаралдың.Ұстазыңды түсінген сен тереңнен,Бар әлемге еңбегімен еленген.Сенің бағың өрге қарай өрлесе,Ол да бірге қуанышқа кенелген.Сол арқылы сен де өмірді жалғадың,Ізгі іс қой, ұстаз тілін алғаның.Мақтау алсаң ұстаздардың алдында,Ол өзіңнің орындалған арманың.Ұстаз сөзін айтып жүрдік ән қылып,Одан басқа жүрген кім бар жанды ұғып.Ұстаз деген – ұлылардың ұлысы,Қасиеті бас иелік мәңгілік!4-оқушы: АсельҰстаздар! Қандай ғажап халықсыздар!Шәкіртке шыңдай биік алыпсыздар.Жан біткен жанарына нұр сыйлаған,Күндей боп күлімдеген жарықсыздар.Табан тіреп төзгенсің қанша ауырғаТарап демде кетеді шаршауың даБал-бұл жанған балғын жүз, жәудір көздерТұрғанында солардың қоршауындаҚиындықта кезіксең көп асу даҚанша терің төгіліп жол ашуғаСен шәкірттің ұстазы болмайсың тек,Сен өмірдің ұстазы боласың да!1 – жүргізуші: Өзі дәріс беретін пәнін өте жақсы меңгергендігімен қатар Есенгелді Асқарұлы бос уақытында өлең жазумен шұғылданған,Өзінің іс тәжірибесін облыстық және аудандық басылымдарда жариялап отырған.Оның «Отан қорғау-боышгың», «Ұстаз,өз беделіңді түсірме», «Әдептілік-әдемілік», «Тілге құрмет-елге құрмет», «Халқымның қадірлісі –ұлы Абай», «Жастарға қажет пән»,«Әдептілік әркімге де жарасады», «Жас патриоттар тәрбиелеу-парызымыз»,1996 жылы қазан айында 50 жасқа толған шағында жалындаған құрметті ұстаз, сүйікті жар, мейірімді әке,запастағы майор, халық сыйлаған, ел таныған азамат дүниеден озды. / шығармаларын көрсету/2-жүргізуші:Алайда ұстазымыздың көзі кетсе де, артынан қалған ұрпақтары әке атын өшірмеді.Ол кісінің ісі мектебімізде абыроймен жалғасуда. 1-жүргізуші:Жазылған деректермен ғана шектелмей, Есенгелді Асқарұлымен бірнеше жыл еңбек еткен, осы мектепке еңбек сіңірген, қазіргі кезде зейнеткерлікке шыққан ұлағатты ұстаздарымызға сөз берейік.Келген қонақтар ұлағатты ұстаз туралы әңгімелеп береді. Оқушы: ҰлданаЕсенгелді ұстазға арналадыҚұрайын жібек сөзбен өлең-өрнек,Шын мықтының еңбегін елеген ек.Білімді - ұстаз, білікті – маман болып,Қызмет еткен жансыз сіз шебер өрлеп.Әрқашанда ісіңе адал болдың,Жемісін ертеңгі күн көреді ел деп.Сіз секілді ұстаздан үлгі алып,Ұлтым дейтін ұландар өне бермек.Қазекем құр бекерге айтпаған ғой, Қасқадан қарағайдай төбел өнбек.Күтімі жақсы болған жас шыбықтың,Тамыры қара жерге терең енбек.Себебі жақсылығы жақсы адамның,Ақ жауындай жабады төбеден кеп.Үйретуден балаға жалықпаған,Білім нәрін бәріне бере бермек.Қайтсе бір күн жемісін береді ғой,Отыз жылда сіңірген ерен еңбек.
Мұғалім: Ал енді құрметті оқушылар, Есенгелді ағай жайында әріптестерінің, ұл-қыздарының естеліктерін тыңдай отырып,қандай ой түйдік, бұл кісінің қандай қасиеттерін үлгі тұтар едіңдер?- бір екі ауыз сөзбен айтып өтсек, болмаса қағаз бетіне түсірейік. Айта кетерлік қуанышты бір жайт, мектебімізде ашылған «Ардагерлер бұрышына» біздің ағайымыздың есімі жазылып,еңбектері қойылып отыр. Міне,балалар өзіміздің жазған пікірімізді гүлмен қоса сол жерге қоюымызға болады.Бүгінгі біздің тәрбие сағатымызды қорытындылай отырып, өз ойымыздан туындаған, ұлағатты ұстазға арналған өлең шумағымен аяқтаймыз.
Сапарға кеттің ұзақ келер деп ек,Қызығын ұрпағыңның көрер деп ек.Шын ниет дұғамызды бағыштаймыз,Жата бер аруағыңмен желеп-жебеп.Асыл бейнең көз алдымда сақталып,Өзіңізбен жүреміз ғой мақтанып.Ардақты ұстаз ортамыздан кетсең де,Әрбір сөзің жүрер ойда жатталып.Еңбегіңе ел риза атқарған,Әттең бірге кетті қанша тәтті арман.Алламыздың ақ нұрына бөленіп,Жаныңызға жай бұйыртсын жәннаттан
2-жүргізуші: Келіп қатысқандарыңыз үшін көптен-көп рахмет, сау болыңыздар.
11 Қазан 2018
461
0 рет жүктелген
Дайын ҚМЖ. Барлық пәндерден 2022-2023 оқу жылына, жаңа бұйрыққа сай жасалған