"Ұстаз аты-биік, әрі мәңгілік"

«Ұстаз аты – биік, әрі мәңгілік».

Мұғалімдер күні мерекесіне арналған «Ұстаз аты – биік, әрі мәңгілік» атты мерекелік жиын

Мақсаты: Оқушыларды ұстазды құрметтеуге, сыйлауға үйрету, ұстаз мамандығының қыры мен сырларын түсіндіру. Ұстаз еңбегін әрқашан бағалай білуге үйрету.
Көрнекіліктер: Қанатты сөздер, гүлдер, жалауша, шарлар.

І жүргізуші: Ұлылықтың ұйытқысынан жаралған,
Өнегеңнен барлық шәкірт нәр алған.
Шапағатты шуақ сепкен ұстаздар,
Өздеріңнен бастау алар бар арман.

IІ жүргізуші: Ұстаздар жақсылықтың жол ашары,
Қолыңда шәкіртіңнің бала шағы.
Өмірді алға қарай өрлететін,
Сендерде Ұлы Отанның болашағы –
Армысыздар, Құрметті де аяулы ұстаздар! Бүгінгі «Ұстаз аты-биік, әрі мәңгілік» атты мереклік шарамызға қош келдіңіздер

І жүргізуші.
Ақырын жүріп анық бас.
Еңбегің кетпес далаға
Ұстаздық еткен жалықпас,
Үйретуден балаға, – деп Абай атамыз айтқандай, шәкірттерінің өзінен озғанын калаған ұстаздар қауымы, мерекелеріңіз құтты болсын!


ІI жүргізуші: Бүгінгі «Ұстаз аты – биік әрі мәңгілік» атты мерекелік жиынымызды ашу үшін мектеп директоры Тұрғаутова Динара Пернебек қызына сөз кезегін береміз

І жүргізуші.
Ұрпақпен өмір жолы жалғанады,
Көңілді күндер тусын алдан әлі
Ән-шашу әсем әуен, түрлі өнер,
Бүгінгі күн сіздерге арналады. 7А сынып оқушысы Мырзатай Ақжарқынның орындауында ұстазым әні

ІІ жүргізуші Ұстаз болу – жүректің батырлығы,
Ұстаз болу – сезімнің ақындығы,
Ұстаз болу – мінездің күн шуағы,
Азбайтұғын адамның алтындығы –
деп ақын Ғафу Қайырбеков ағамыз жырлағандай, біздің мектебімізде сөзі маржан, үні ән ұстаздардың бар болғанын мақтаныш етемін. келесі мерекелік құттықтауды 7А сынып оқушыларына береміз
Тақпақ Итбай А. Сансызбай Д. Умурзак А. Дарлен. Нұралы. Абдукадыр Г. Танирберген Н.

І жүргізуші:Қазақ қызы күлімдер күн көзіндей,
Дөңгеленіп билейді ай жүзіндей.
Жұлдыздардай өрнекті аспандағы,
Биші қыздар бұрала билейді би.
Сахна төрінде қазақ биімен 7А сынып оқушылары

II жүргізуші: Мұғалім, ғазиз мұғалім,
Төгілген арай, шуағым
Арманым қонса, қолыма,
Арқаң деп сенің ұғамын

Сіздерге арнап сахнада қуттықтау өлең жолдарымен 7 А сынып оқушылары. Бекзат. Әділбек. Аян. Мадияр. Мұратбекқызы. Қылышбекова А. Намуратова.

І жүргізуші:

Мұғалім, ғазиз мұғалім,

Сарқылмас мәңгі бұлағым.
Ұланың бүгі тойыңда,
Арнайды саған бұл әнін. 7А сынып оқушысы Қыдырәлі Зейнептің орындауында ұстазым әні

I жүргізуші Теңіздей тербетіліп көл бетінде,

Бишілер билеп кетті тербетіле.

Аққудай қалықтаған теңіздегі

Бишілер өнерлерін көрсетуде- алдарыңызда 7А сынып оқушысы Ақылбек Тілектес үнді биімен

ІI жүргізуші: Ұстаз сөзін айтып жүрдік ән қылып,
Одан басқа жүрген кім бар жанды ұғып,
Ұстаз деген – ұлылардың ұлысы,
Қасиетіне бас иейік мәңгілік! – 7 А сынып оқушысы Заманова Аяжанның орындауында Ұстазым әнін қабыл алыңыздар

І жүргізуші: Бүгінгі күн құшақтары гүлге толсын,
Дендеріңнің саулығы мықты болсын.
Білімімен суарған шәкірттерін,
Төл мерекең ұстаздар құтты болсын !

ІI жүргізуші: Құрметті ұстаздар, қонақтар !
Бүгінгі Ұстаздар мерекесіне арналған «Ұстаз аты – биік әрі мәңгілік» атты мерекелік жиынымызды жабық деп жариялаймыз.
ІIжүргізуші: Көңіл қойып тыңдағандарыңызға көп – көп рахмет!