Ұстаз аты ұлылық

Мұғалім–жүректен жол тапқан жан

5 қазан-барша ұстаздар қауымы асыға күтетін мереке. Бұл күні біз өзімізге білім берген, ақыл мен парасатқа жетелеген мұғалімдерге алғыс айтып, жүрекжарды сөзімізді білдіреміз.

Мұғалім - мектептің жүрегі, ал оқушылар -сол жүректен қуат алатын болашақ иелері. Әр сабақта ұстаз тек жаңа тақырыпты түсіндіріп қана қоймай, өмірлік тәлім береді. «Ұстазы жақсының - ұстамы жақсы» деген дана сөз бекер айтылмаған.

Балалар үшін мұғалім - сенімді дос, әділ төреші, қамқор ата-ана орнына жүреді. Олар бізге білімнің кілтін ғана емес, өмірдің мәнін де үйретеді. Қиын сәтте демеу болып, жетістігімізге қуана білетін жандардың еңбегі - баға жетпес қазына.

Бүгінде Қазақстанда жүз мыңнан астам мұғалім жас ұрпақты тәрбиелеуде. Олардың арасында бірнеше буынға сабақ берген ардагер ұстаздар да бар. Әлем бойынша 5 қазан - Дүниежүзілік мұғалімдер күні ретінде аталып өтеді. Бұл күн 1994 жылдан бастап ресми түрде мереке болып бекітілген. Яғни, ұстаз еңбегі бүкіл дүние жүзінде мойындалған.

Мұғалімнің әрбір айтқан сөзі -шәкірт жүрегіндегі арманға жол ашады. Оқушылардың табысы мен жетістігі -ұстаздың қажырлы еңбегінің айнасы. Ұстаздар күн сайын шәкірт бойына біліммен бірге мейірім мен ізгілікті дарытады. Болашақ ұрпақтың ойлы да білімді болып өсуі - олардың жанқиярлық еңбегінің нәтижесі.

Бұл мерекеде барлық шәкірттер атынан ұстаздарымызға зор денсаулық, қажымас қайрат, еңбектеріне мол табыс тілейміз. Әрқашан жүздеріңізден қуаныш кетпей, еңбектеріңіздің жемісін көре беріңіздер!

Ұстазға құрмет - ұрпаққа парыз!