Ұстаз шығармашылығынан

13-топтың жыры

"Ұстазым" әнінің әуенімен

(Әзіл-шыны аралас)

Нұсқаулық, сен болмасаң не етер едім,

Өмірден жаңалықсыз өтер едім.

Жауабын сан сұрақтың тауып беріп,

Мақсат пен міндеттерге жетеледің.

Қайырмасы:

Нұсқаулық, шіркін, нұсқаулық!

Қиын-ау кейбір тұстарың.

7 модулің мәңгілік,

Жадымда тұрар жаңғырып.

Бетіңді сағат сайын сан ақтарып,

Тынымсыз ұйқы көрмей парақтадық.

Ел жаққа аттанамыз біраз күнде,

Барамыз "қаруланып", "жарақтанып".

Блуммен жүйелейміз ойымызды,

Флейвелл ғалым екен ойы ізгі.

Мерсер мен Масслоуды жаттаймыз деп

Ұмытып кеттік, сірә тойымызды!

Өзгеру туралы ой

Кездескен кедергіден өтемін деп,

Керегін келешектің жете білген,

Бір мақсат біріктіріп ұстаздарды,

"Өрлеуде" өз білімін көтеруде.

Уақыт тоқтамайды, жаңаруда,

Ой жаңа, ұмтылады санамыз да.

Сындарлы оқытуды меңгереміз,

Өткеннің шеңберінде қаламыз ба?

Білгенін шын өмірде пайдаланып,

Шәкірттер бізге алғыс айтары анық.

Өзін-өзі танытып алып шығар,

Қиындық келер болса қайталанып.

Игілік ұрпақ үшін көзделіпті

Жаңарар өзімізге кез келіпті.

Беретін мұғалімнің үлесі мол,

Жетегінде қарқынды өзгерістің .

Келіп ек жолдамамен әр тараптан,

Білімді одан әрі ұштамаққа.

Ақжарқын тренерге алғыс шексіз,

Сенім мен сан тапсырма арқалатқан.

Ежелгі "дәстүрінен" арылғандар,

Іздегені "Өрлеуден" табылғандар.

Көбейсін деп тілейік қатарлары

Табысты оқытумен танылғандар!

Нәзипа Алдабергенқызы