"Ұстаз-ұлы тұлға"

Тақырыбы:Ұстаз – ұлы тұлға

Сахна мерекеге сай безендірілген. дыбыс күшейткіш аппаратурадан ұстаздар туралы әндер беріліп тұрады. Сахна ашылғанда жүргізуші шығады.

1 - жүргізуші: Жақсылық атаулыға жаршы жандар,
Жамандық атаулыға қарсы жандар.
Баланы сусындатып өсіруге,
Білімнің бұлақ көзін аршығандар!

1 - жүргізуші: Мөлдір бұлақ сылдырлаған суымен,
Ормандарың шулап жатыр нуымен.
Ал баланың тәрбиесін беретін,
Құттықтаймыз, ұстаздар мерекесі күніменен.
1 - жүргізуші: Ұстаз – ұлағатты есім. Шәкірттерін білім нәрімен сусындатып, тәлім - тәрбие беру жақсы қасиеттерді бойына дарытып, адамгершілік рухта бағыт - бағдар беруде ұстаздардың еңбегі зор. Сондықтан ол әрдайым қасиетті тұлға.
Ән «Тәрбиеші»

1 - жүргізуші: Ұстаздар, қандай ғажап халықсыздар.
Шәкіртке шыңдай биік алыпсыздар.
Жан біткен жанарына нұр сыйлаған,
Күндей боп күлімдеген жарықсыздар.

Тренинг «Түстерді ажырат»А.Ізбасова

1 - жүргізуші: Ұстаздық – қызық та, бейнеті көп мамандық. Ұстаз – оқушыларды білсем, үйренсем, көрсем деген ұмтылысқа тәрбиелейді. Ұстаз деген есім - аз уақытын аямаған, өзгенің бақытын аялаған, шәкірттеріне үйретуге жалықпаған еңбекқор жанды ойға оралтады.
ән: әжемнің шәйі Отаралы Айару

1 - жүргізуші: Ұстаз болу - жүректің батырлығы,
Ұстаз болу - сезімнің ақындығы.
Ұстаз болу - мінездің күншуағы,
Азбайтұғын адамның алтындығы – дей келе топ топ балақан әнімен қыздарды шақырамыз.

1 - жүргізуші: Ұстаздар – тыншымайтын еңбеккерлер,
Жемісті жерге екпеген, елге еккендер.
Зердесін болашақтың зерлеткендер.

Балалардың тақпақтары.
1 - жүргізуші: О, Ұстаздар, басымды ием сіздерге,
Күллі әлемнің мұғалімдер күнінде.
Жүрегімнің лүпілінен шыққан сөз,
Сая тапсын Ұлы ұстаздың жүрегінің түбінде - дей отырып, бүгінгі осы мерекені жүрегі қуаныш пен мейірімге толы ұлағатты ұстаздар қауымын құттықтау үшін кәсіп одақ ұйымының төрағасына сөз береміз
Би: «Бала, бала балақан»

1 - жүргізуші: Бар тәлімін беріп елдің жанына,
Бір кездері қырауланар шашы да.
Ұстаз адам ұстаз болып қалады,
Қол соқтырып заман менен ғасырға.

Ән: «Окуда озат боламын»

1 - жүргізуші: Құрметті ұстаздар сіздерге мықты денсаулық пен баянды бақыт, еңбектеріңізге шығармашылық табыс тілейміз. әрдайым ел игілігі үшін еңбек етіп, егемен еліміздің ертеңі болатын өрелі өренді өсіріп, тәрбиелеп, ұяларыңыздан ұшыра беріңіздер.