Ұстаз-ұлы тұлға

Зауытта болсаң күнбе-күн,

Көрінер еді табысың.

Дәрігер болсаң түрлі емің,

Шипалы жанның бағы шын.

Ал сенің еңбек жемісің

Өзгеше тіпті басқадан.

Ол өзің арнап ел үшін,

Осынау жүрген жақсы адам.

Жақсы адам – елдің тірегі,

Байлығы туған халықтың.

Шапағын шашар үнемі

Көгінде тұрған жарық күн.

Сен жастық қамын шертерсің,

Тағдырын толғап ойланып.

Әр үйдің бір еркесін

Үйреттің өзің қолға алып,

Ұстазсыз жолға сенбек кім,

Шәкіртсіз өмір – сусыз жер.

Көрінбес ғажап еңбектің

Бейнетін кешіп жүрсіздер.

Жүректе тұрар жанымнан

Табылар құрмет, жігер күт,

Ұстазым сенің әр күнің,

Әр сәтің – тұрған бір ерлік.

Набира:

Әр сабағың өтіп жатыр білінбей,

Перне басқан оркестрдің үніндей.

Әр баланың жүрегіне жол тауып,

Тұрасың сен дирижер боп күлімдей.

Жыр оқисың нөсер болып жайылып,

Қас-қабағын қалт жібермей шәкірттің.

Қарайсың-ау нұр жүзіне сүйсініп,

Жалын атып, от боп бірге жаңасың.

Рахманберді:

Мұғалімді анамдай жақсы көрем,

Қиналамын қымбат теңеу таба алмай.

Өз баласын тастап кетіп үйіне,

Ел баласын оқытады, ой Алла-ай!

Мұғалімді жақсы көрем сезімтал,

Үлгі етемін өнегелі сөзін бал.

Мұғалімнің мұғалімін танимын,

Көкіректе көретұғын көзім бар.

Ақбота:

Ұстаздарға мың алғыс,

Алғыстарым көп менің.

Асыл анам, мектебім,

Үйреткенің – адалдық.

Ұсынғаның – адамдық,

Текті мінез, даналық.

Біз ұстаздарға тілейміз.

Бақыт, табыс, амандық.

2-жүргізуші: Ұстаз – ұлағатты есім. Шәкірттерін білім нәрімен сусындатып тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Ол тек оқу, жазу үйрететін мұғалім ғана емес, қиналған сәтте қол үшін беретін – қамқоршы, көмекші. Іздеген сұраққа, бастаған іске ақыл-кеңес беретін ақылшы, бірге еңбек ететін дос.

1-жүргізуші: Ұстаз – шәкірт алдында сыйлы адам. Ол жайлы айтылатын сыр да, жыр да көп. Ұстаз сенімін ақтау – адамгершіліктің белгісі. Мұғалімнің жүрегі соғып тұруы үшін жауаптылық, қажырлық, білімділік, жүректілік, сүйіспеншілік, сабырлылық керек екен.

Ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұмысшы да, егін салған дихан да, мал бағып терін төккен шопан да, ғарышкер де – бәрі-бәрі ұстаздан білім, тәлім алған, сондықтан ұлағатты ұстаздар сіздерге бүкіл адам баласы құрметпен бас иеді.

2-жүргізуші:

«Ақырын жүріп анық бас,

Еңбегін кетпес далаға.

Ұстаздық еткен жалықпас

Үйретуден балаға» деп Абай айтқандай, шәкірттерінің өзінен озғанын қалаған ұстаздар қауымы, мерекелеріңіз тағы да құтты болсын!

Құралай:

Ұстаз, ұстаз.

Осы сөзде жатыр қанша ұлылық,

Осы сөзде таусылмайтын жылылық.

Әбунасыр, Ыбырай мен Аханды

Осы сөз ғой қойған бізге ұлы ғып.

Ұстаз небір қисықтарды жөндейтін,

Тентектерді ақылменен емдейтін.

Болса дағы малға кедей өмірде,

«Бар байлығым – шәкірттерім, сен» дейтін.

Төребек:

Күллі өмірің жеткенше арналған,

Мұғалімді ардақтайды барша жан.

Ол мектептен шықса да қыс-жазы.

Жемісі оның жердің жүзін шарлаған.

Бала десе ойламайды өз қамын,

Көрсем дейді күнге қол созғанын,

Шәкірттердің өзінен де озғанын.

Би: «Қара жорға»

2-жүргізуші:

Ұстаздар! Қандай ғажап халықсыздар,

Шәкіртке шыңдай биік алыпсыздар.

Жан біткен жанарына нұр сыйлаған,

Күндей боп күлімдеген жарықсыздар.

1-жүргізуші:

Ұстаздарым биік тұлға байсалды,

Құшақ жайып өз мерекең қарсы алды.

Қуанышты жарқын тілек білдіріп

Құттықтаймыз, ұстаздарым, баршаңды

2-жүргізуші: Ұлағатты ұстаздар, бүкіл адам баласы сіздерге бас иеді. Мереке құрметіне отшашу беріледі. Мереке күні баршаңызға шаттық, қуаныш әкелсін!