Ұстаздар биік-тұлғалар!

«Ұстаздар – биік тұлғалар!»

Жүргізуші: Ұстаз деген – ұлағаттың шайыры,

Қадірінің тиетұғын қайыры.

Ұстаз деген-шуағы мол шапағат,

Шаршамайтын, шалдықпайтын тәйірі.

Ұстаз деген – ұстаз болып туғандар,

Ұлылықты ұлықтаған имандар.

Ұрпағының ереңіне жол ашып,

Өмірінің әр шақтарын қиғандар.

Бүгін бізде үлкен мереке. Бүгін ұстаздар қауымының төл мерекесі.Олай болса бүгінгі күн ұстаздарға арналмақ. Ұстаз ұлағатты есім. Күн сәулесі өмірге қандай жарық берсе, ұстаз есіміде шәкірттерге күндей жарық береді.

Ұстаздар қауымы төл мерекеміз құтты болсын! Бүлдіршіндеріміз биіктерден көріне берсін!

Ұстаз деген – жарық күні ғаламның,

Ұстаз деген – анасы ол адамның.

Бүкіл әлем мойындайды еңбегін,

Сен де одан адам болып жаралдың- дей келе №12 «Назерке» ересек тобының

«Ұстаз-ана» әндеріне кезек береміз.

Ұстаз болу – жүректің батырлығы,

Ұстаз болу – сезімнің ақындығы,

Ұстаз болу – мінездің күн шуағы,

Азбайтұғын адамның алтындығы –дей отырып балалардың тақпақтарына кезек берейік.

Ұстазсыз өмірдің нақты тұтқасын ұстау мүмкін емес. Ұстаздың еңбегі – ұлы еңбек. Ғылым иесі ғалым да, ел қорғаны батыр да, тіліннен бал тамған ақын да, егін салған диқан да бәрі-бәрі ұстаздан тәлім алған, сондықтан барлық құрмет ұстаздарға арналады.

№11 «Ертөстік» ересек тобының тәрбиеленушілерінің орындауында «Қамажай» биі.

Балалардың жүрегіне дем бересің

Екінші анам болып сен келесің

Мейірім – шуағыңды күндей шашып

Барлығына балалардың дән себесің – дей отырып Қалбаева Шолпанның ізгі тілектерін қабыл алыңыздар.

Ақырын жүріп анық бас

Еңбегің кетпес далаға

Ұстаздық еткен жалықпас

Үйретуден балаға, -деп Абай атамыз айтқандай, шәкірттерінің өзіннен озғанын қалаған ұстаздар қауымы, мерекелерің құтты болсын – дей келе кезекті №14 МАД тобының балаларын ортаға шақырып «Тәрбиеші» әнін тыңдайық.

№10 «Балдәурен» ересек топ тәрбиеленушілерінің орындауында «Вальс» биі.

Бауыржан Момышұлы былай деген: «Ұстаздық – ұлы құрмет. Себебі ұрпақтарды ұстаз тәрбиелейді. Бала бойына ата-анадан кейінгі ақыл ой, адамгершілік, ар-ұят, ұлттық сана сезімді сіңіруші адам – Ұстаз.

Ойын: «Оңай, қиын» «Жағдаят сұрақтар» «Ойлан тап»

Ұрпақпен өмір жолы жалғанады,

Көңілді күндер тусын алдан әлі

Ән-шашу, әсем әуен, түрлі өнер,

Бүгінгі күн сендерге арналады.

Ұстаз туралы ән сіздерге арналады. Ән «Ұстазым менің» караоке.

«Тексерілді»

«№21 Назерке бөбекжай бақша»

жедел басқару құқығындағы

МКҚК-ның әдіскері

_________А.С.Умирбаева

«Ұстаздар – биік тұлғалар!»

№10 «Балдәурен» ересек тобының

тәрбиешісі: Шамурадова М

2018-2019 оқу жылы