Ұстаздар күніне арналған салтанатты іс-шара

Педагогтің аты-жөні

Куатова С.Б.

Күні:

05.10.2023

Сыныбы:

0,1, 2, 3, 4

Тәрбие сағатының тақырыбы:

«Ұстаз — мектептің жүрегі» тәрбиелік шара

Тәрбие сағатының мақсаты:

Оқушыларды ұстазды құрметтеуге , ұстаз еңбегін әрқашан бағалай білуге үйрету

Тәрбие сағатының бағыты:

Рухани-танымдық тәрбие

Тәрбие сағатының көрнек құралдары:

Плакаттар, сюжетті суреттер,ұстаз туралы нақыл сөздер, суреттер т.б.

Ашық тәрбие сағатының барысы:

Педагогтің әрекеті

Оқушының әрекеті

Ресурстар

Ұйымдастыру кезеңі:

Тәрбие сағатының басы

5-7 минут

Психологиялық дайындық

Фанфар ( Ортаға жеті оқушы шығады қолдарында әріптері бар)
М — мейірімді
Ұ — ұлағатты
Ғ — ғазиз
А — ақылшы
Л — лайықты
І — іскер
М — маман мерекелеріңіз құтты болсын! (бәрі бірге)
ӘДІЛ:
Сәлем бердік ұстаздар баршаңызға,
Сіздермен тола берсін ортамызда.
Бүгінгі ел басқарған азаматтар,
Білім алған сіздердің арқаңызда.
ДИХАН:
Бүгінгі күн құшақтарың гүлге толсын,
Дендеріңнің саулығы мықты болсын.
Білімменен суарған шәкірттерің,
Төл мерекең ұстаздар құтты болсын!
НҰРБИБІ:
Ұстаздарым биік тұлға байсалды,
Құшақ жайып өз мерекең қарсы алды.
Қуанышты жарқын тілек білдіріп
Құттықтаймыз, ұстаздарым баршаңды.
ӘЛИ:
Ұлы өмірге жетелеп,
Ашқан білім есігін
Құрметтейік мәпелеп
Ұстаздардың есімін.
НҰРСЕЗІМ:
Келешекке алтын бақ,
Қосар таудай үлесін.
Жасай берсін жарқылдап,
Ұстаз атты ұлы есім.
ЕРНАР:
Ұстаз сөзін айтып жүрдік ән қылып,
Одан басқа жүрген кім бар жанды ұғып.
Ұстаз деген – ұлылардың ұлысы,
Қасиетіне бас иейік мәңгілік!

Ұсаздарға ақ лебіздерін айтады.

Плакаттар

Тәрбие сағатының ортасы

15 минут

ҰЛЖАН

Әр сабағың өтіп жатыр білінбей,

Перне басқан оркестрдің үніндей

Әр баланың жүрегіне жол тауып,

Тұрасың сен, дирижер боп күлімдей.

ЖАЙНА

Жалын атып, от боп, бірге жанасың,

Білім беріп, содан бақыт табасың

Бар өмірің өрнектеліп баламен,

Жасарып бір мәңгі жас боп қаласың

ӘБІЛМАНСҰР

Мұғалімді анамдай жақсы көрем,

Қиналамын қымбат теңеу таба алмай

Өз баласын тастап кетіп үйіне,

Ел баласын оқытады, ой Алла-ай.

ГҮЛСЕЗІМ

Мұғалімді жақсы көрем сезімтал,

Үлгі етемін өнегелі сөзін бал

Мұғалімнің мұғалімін танимын,

Көкіректе көретұғын көзім бар

АЙСЕЗІМ

Ұстаздарға мың алғыс

Алғыстарым көп менің,

Асыл анам, мектебім!

Үйреткені адалдық,

Ұсынғаны адамдық,

Текті мінез, даналық

Бар ұстазға тілейміз:

Бақыт, табыс, амандық!

АЙЗЕРЕ

Ұстаз бізді білім беріп өсірген

Қатемізді әрқашанда кешірген

«Өмір жолы-қиын жол» деп әрдайым

Тәрбиелеп, ақылды ғып өсірген.

КӨРІНІС: «Менің атым Қожа»

Хор. «Ұстазым»

АЙЖҰЛДЫЗ

Анамдайсыз, менің асыл ұстазым,

Өтті бізбен көктем, күз, қыс, жазың

Жылдар бойы тәрбиелеп, аялап,

Болашаққа байтақ бір жол нұсқадың.

АҚЖҮНІС

Ұстаз болу – жүректің батырлығы,

Ұстаз болу – сезімнің ақындығы,

Ұстаз болу – мінездің күн шуағы,

Азбайтұғын адамның алтындығы

ӘЛИШЕР

Мұғаліміміз айналды

Анамызға екінші

Біз оқысақ сабақты

Анамыздай қуанып

Қояды бес бағасын.

ДИАНА

Жаралған жақсы үміт пен мұраттардан,
Жансыздар әлдилеген шуақты арман.
Жатталсын есімдерің жан жүректе,
Адамның аяулы әні сияқталған.

НҰРӘЛІ

Ұстаздар! Қандай ғажап халықсыздар!
Шәкіртке шыңдай биік алыпсыздар.
Жан біткен жанарына нұр сыйлаған
Күндей боп күлімдеген жарықсыздар.

ГҮЛНАЗ

Өмірдің ұғып тереңін,
Өркен жайған қауымым
Қабыл ал жүрек сәлемін,
Құлақта сенің әр үнің!

ТИМУР

Кем көрмеймін сізді асыл анамнан,
Сізге ұқсап қудық біз де сан арман
Сіздей адам дүниеде көп болсын
Балалардың бақыты үшін жаралған.

АРАЙ

Ең аяулы есім ғой «Ұстаз» деген,
Бар тіршілік бақытты ұстазбенен.
Ұстазды жеткізгенше мұратына
Білім іздеп лапылдап жаңа берем

БИ: «Кіапхана»

«Ұстаз» туралы жаттаған өлеңдерін жатқа айтады.

«Менің атым Қожа»

Көрініс қойылады

Ән айтылады

Суретер

Тәрбие сағатының соңы

Кері байланыс

10 минут

БАХАР

Ұстаз, ұстаз!!!
Осы сөзде жатыр қанша ұлылық,
Осы сөзде таусылмайтын жылылық.
Әль — Фараби, Ыбырай мен, Ақаңды
Осы сөз ғой қойған бізге ұлы — қып.
Ұстаз шебер қисықтарды жөндейтін,
Тентектерді ақылмемен емдейтін,
Болса дағы малға кедей өмірде.
Бар байлығым шәкірттерім сен дейтін!

ТАЙМАН

Айта берсек ұстазға тіл жетпеген.
Кімге ұстаз білім нәрін төкпеген?!
Айтыңдаршы, адам бар ма Өмірде,
Ұстаздарға қарыздар боп өтпеген?
Ұстаздар, ұлағатты зиялылар,
Сендерде ғалымдардың қиялы бар.
Ағайын, тойларыңа тарту етем,
Шәкірттердің сәлемін қабыл алыңыздар!

АЙСЕЗІМ

 Ұстаз деген – жарық күні ғаламның,

Ұстаз деген – анасы ол адамның.

Бүкіл әлем мойындайды еңбегін,

Сен де одан адам болып жаралдың.

Ұстазыңды түсінген сен тереңнен,

Бар әлемге еңбегімен еленген.

Сенің бағың өрге қарай өрлесе,

Ол да бірге қуанышқа кенелген.

Музыкалық қойылым: «Ұстаз бен оқушы әні»

Оқушылар ұсаздарына арнап жүрекше сыйлайды.

-Осымен бүгінгі ұстаздар күні мерекесіне арналған тәрбие сағаты аяқталды.

Соңында

Музыкалық қойылым: «Ұстаз бен оқушы әні» айтылады.

Оқушылар ұсаздарына арнап жүрекше сыйлайды.

Ұстаз бен оқушы ән айтады

Жүрекше суреті