Ұстаздарға арналған қарым-қатынас тренингі

Ұстаздарға арналған қарым-қатынас тренингі

Мақсаты: Ұстаздар арасындағы қарым-қатынасты нығайту, қиын жағдайдан шыға білуге және өзін-өзі тануға баулу.
1. Көңіл күй жаттығуы «Гүлдер алаңы».
2. «Мен сіздермен қарым-қатынас жасауға қуаныштымын, ал сіз ше ... » атты жаттығу.
Мінеки байқағандарыңыздай бір-бірімізбен қарым-қатынас жасау арқылы біз үлкен де, жылы шеңберімізді, қорғанымызды құрдық. Бүгінгі кездесуімізде , біз өз бойымыздағы жақсы қасиеттерді бағалай отырып , өзін – өзі тәрбиелеу жолдарын оқушылармен , әріптестермен қарым- қатынас жасау жолдарын анықтаймыз және өзімізді терең тани білуге тырысамыз.
Данышпан философ Фалес айтқан екен:
1. Дүниеде ең үлкен нәрсе - кеңістік.
2. Бәрінен жүйрік – ой.
3. Бәрінен дана – уақыт
4. Бәрінен жеңіл –басқаға ақыл айту.
5. Бәрінен қиын – өзіңді өзің тану, деген екен. Сондықтан бүгінгі кездесуімізді бір-бірімізге жылы сөз айтудан бастаймыз. 
3. «Келген көктемнің күн шуағын бағыттап сізге денсаулық тілеймін» деп, шеңбер арқылы осындай тілектерді жалғастыру.
Енді орнымызға жайғасамыз.
- Рахмет, міне әрбір жүректен шыққан жақсы жылы сөз біз үшін жайлы атмосфера қалыптастырады жанымызға жайлы әсерін тигізеді.
«Басқа пәле - тілден» . Тіл арқылы байланысу, қарым-қатынас жасау- адамға ғана арналған басты байлық, ұлы сыйлық. Бірақ осы байлықты жақсылыққа ғана емес, жамандыққа да қолданатынымыз жасырын емес. Кейде «аңдымай сөйлеп, ауырмай өлеміз». «Жақсы сөз- бұлттан шыққан күндей боп, көңілді жадыратады». «Жаман сөз – жаныңа мұң құйып, қабырғаңды бір-бірлеп сөгеді» деген , ДЕМЕК сөзден қорқыңыздар, оны абайлап, аялап орнымен пайдалану керек, ғалымдардың зерттеуінше, былапыт жаман сөздер хромосомдарды өлтіріп , сол сөз иесіне сәтсіздік, жаманшылық ауыру шақыратынын анықтаған. /ТАБЛИЦА КӨРСЕТУ/ 
Шариғатта осындай жағдайларға байланысты «Күнәһар болғың келмесе, екі жағыңның ортасындағыға ие бол», «Әзіл де болса жақсы сөз айт» деп ғибрат жазылған екен. Өздеріңізге белгілі , ұстаз мамандығы басқа мамандықтарға қарағанда өте стресстік жағдайларға жиі душар болатындығы белгілі. Себебі, ...
Мұның бәрі адам баласының психикасына әсер етіп, эмоционалдық күй-жағдайы бұзылады. Ал мұндай күй- жағдайға ұшыраған адам өзін – өзі ұстай алмай әр түрлі ситуацияға тап болады. Ал ұстаз болғандықтан , ол өзінің профессионалдық ұстанымын жоғалтпай қандай жағдай болса да, эмоцияға берілмеуі тиіс. Әсіресі көктем мезгілінде ұстаздар өте шаршағыш, эмоциялық күй-жағдайлары өте төмен болады.
Сондықтан қазір біз сіздермен әр кезде көтеріңкі көңіл – күйде болу үшін, бірнеше жаттығу жасап үйренеміз:
Денеңізді бос ұстап отырыңыз. Деміңізді мұрыныңызбен ішке тартып , демді сыртқа шығарар кезде қатты бар дауысыңызбен «А» дыбысын айтасыз - ол бүкіл денеңіздің сауығуына көмегін тигізеді.
«Е» - щитовиттік безіңізге әсер етеді.
«И» - миыңызға, көзіңізге, мұрныңызға, құлағыңызға.
«О» - жүрегіңіз бен өкпеңізге.
«У» - қарныңыздың маңындағы дене мүшелеріңізге
«Х» - денеңіздің тазаруына /очищение организма/ 
«ХА» - көңіл-күйлеріңіздің көтерілуіне. Осы жаттығуды жаттап алып, әркезде орындап отырсаңыздар, денсаулығыңыз өз қолыңызда, эмоционалдық стресске шалдықпаудың алдын аласыз. 
4. Пікір талас. Енді мынандай сұрақтарға жауап берсеңіздер: - Қарым – қатынас деген не? 
- Кикілжін дау- дамай деген не?
- Кикілжін дау- дамай қайдан пайда болады?
- Қақтығыстан қалай шығуға болады? Жазбаша немесе ауызша жауап беру. Меніңше, әркім өзін – өзі тани білуі керек. Өзіне нақты баға бере біліп, менен қандай қателік кетті, деп бір мезет өз қатесін таба біліп кешірімді болуға үйрену керек. 
5. Ойын : «Мен кіммін, мен қандаймын», «Менің жақсы ж/е жаман қасиеттерім». «ТАРАЗЫ» жаттығуы.
6. Ал енді бізді басқалар қандай деп ойлайды? Парақтағы жасырын есімді оқып оның жақсы және жаман қасиетін жазу, өзінің жазғанымен таразыдан өткізу.
/а/ Тест: «Сіз жанжалшылсыз ба?»
/б/ Тест: «Қақтығыс жағдайды шеше аласыз ба?»
Қалай ойласыздар өзімізді –өзіміз тани алдық па? Оңайға түсті ме , әлде...?
7. Енді өздеріңізге таныс тоғайларды атап беріңіздер. Олардың жалпы қандай біркелкі ұқсастығы бар? /корень, ствол, крона-тамыр,діңгек.../. Жаттығу: «Егер мен тоғай болсам, мен ..............». Рефлексия: Неліктен тамыр, неліктен крона, ... ? Тоғайды «Өзіңнің өмірлік ұстанымыңыз ретінде қарауға болады».
Мысалы: «Тамыр» арқылы бүкіл тоғай көректенеді. «Ствол» «ДІҢГЕК» арқылы адам барлық жауапкершілік, ауыртпашылықты өзі көтеретінін білдіреді.
«Крона» тоғайдың тыныс алуына мүмкіндік береді. ЯҒНИ, сіздердің өмірдегі позицияларыңыз қандай екенін де білдіңіздер. Мінеки ұстаздық еңбектеріңіз , қарым- қатынастарыңыз табысты , жемісті болуы үшін бүгінгі айтылған кеңестерге көңіл бөліп , Әрқайсымыз бұл дүниеде тек қонақ екенімізді ұмытпай сыйластықпен, жақсы қарым-қатынаста болып, кемшіліктерімізді ақылмен түзете біліп, өз қателігімізді мойындай білсек,бір -біріміздің жақсы қасиеттерімізді көбірек көре білсек, сонда ғана еңбектеріңіздің жемісін көріп, алға жылжисыздар. 
Өмірде қиыншылықсыз , не қатесіз адам жоқ шығар. Қатесіз адам , ол ештеңе істемейтін адам. Небір қателіктен шығу жолын табуға болады, егер өзіңе сенімділікті ұялатсаң , ашу, ыза , қайғыға берілмесең, басыңды тік ұстап өзіңді жақсылыққа тәрбиелесең ешбір шешілмейтін проблема болмайды, шешілмейтін тек - өмір. ЕГЕР проблемаңыз көбейсе онда жауабын тек өзіңізден іздеңіз.
8. « Ұжымдық массаж» жаттығуы /көңіл – күй жаттығуы/
9. Бүгінгі кездесуге бағаларыңызды беріңіз.Ой пікірлерімен бөлісу. Әр кезде мына кепілдеме естеріңізде болсын ... /кепілдеме үлестіру/ 
Рахмет, сау болыңыздар!