Ұстаздар, құтты болсын төл мерекең!

Төл мерекең құтты болсын, аяулы ұстаз ақ жүрек,

Өмір бойы алғыс айтар сіз оқытқан әр түлек.

Көрініңдер биік шыңнан, асқақтасын мәртебең,

Тек сіздерге арналады бүгінгі бар ақ тілек.

Ұстаз деген күндіз күнге, түнде айға теңейтін,

Бұл ғаламда жан жоқ шығар ұстаз алтын демейтін.

Ақын жазса өлең арнап, шебер мүсін тұрғызар.

Сіздер үшін бүкіл ғалам сөз таба алмас теңейтін.

Ұстазды мен теңеуші едім, мөлдір тұнық бұлакка,

Сусындайды сол бұлақтан, жан-жануар құрақ та.

Кілті десем бұл әлемнің артық емес бұл тенеу.

Сіздерге арнап өлең жазбай мүмкін емес үндемеу.

Мектеп білім болғандықтан, ұстаз оның жүрегі,

Шәкірттерін шыңнан көру, әр ұстаздың тілегі.

Әр баланы бөліп жармай, барлығында тең көріп.

Ол жыласа бірге жылап, күлсе бірге күледі.

Ұстаздарым алтын айдай, құтты болсын мерекең,

Жылда тойлап осы күнді, арта берсін берекең.

Мерекеде кеуделерге құшақ-құшақ гүл толып,

Әнмен жырдан шашу шашсын ел ертең !

Куренбаева Айжүрек Қамбарқызы

Ш.Байбатшаев атындағы орта мектептің

Қазақ тілі мен әдебиеті пәнінің мұғалімі

Жетісу облысы,Панфилов ауданы, Ш.Байбатшаев атындағы орта мектеп

ұжымы