"Ұяда не көрсең" ата- аналармен жұмыс әдістемесі

Мақсаты: ата- аналарға бала тәрбиесіндегі түрлі жағдаяттарда шешім жолдарын табуға көмектесу; педагогика мен психологияның түрлі проблемаларына қызығушылығын арттыруға ықпал жасау.

Түрі: ата- аналар жиналысы

Көрнекілігі: бал тәрбиесі , отбасы , ұстаздық туралы нақыл сөздер жазылған плакаттар.

Өту барысы:

І. Тоқсан қорытындысы.

ІІ. «Ұяда не көрсең, ұшқанда соны ілерсің»

Сынып жетекшісі:

Халқымыздың сан ғасырдан бергі даналығына құлақ ассақ, «Адамның бақыты – балада» деген екен. Себебі адамға нағыз бақытты тек тәрбиелі ұрпағы ғана сыйлай алады. Шыр етіп сәби дүниеге келген сәттен бастап ата- ана алдында нәзік те, қиын, қыр- сыры мол үлкен қоғамдық міндет тұрады. Ол- бала тәрбиесі. Бала тәрбиесіндегі алғашқы ұстаз- ол ата- ана. Сондықтан әке де, шеше де балаларының жан дүниесіне үңіліп, мінез- құлқындағы ерекшелліктерді жете білгені жөн. Балалармен әңгімелесккенде олардың пікірімен де санасып отырған орынды. Баламен сөйлесуге тіпті арнайы уақыт бөлудің қажеті жоқ. Әке мен шеше ұл- қыздарымен үй шаруасында жүріп- ақ әңгімелесіп , ой бөлісуге негеү болмасқа? Жанұядағы жанжал, үлкендердің аузына келгенін айтуы, баланың көзінше басқа біреуді сөгуі, біреудің сыртынан өсек айтуы балаға теріс әсер етеді. Бақытсыз қыз бен бұзақы ұл да осыдан шығады. Сондықтан бүгінгі «Бала- әр ата- ананың болашағы, өмірінің жалғасы» атты ата- аналар жиналысы барысында да осы жасөспірімдер арасындағы құқықбұзушылық туралы сөз қозғағалы отырмыз.

«Ұяда не көрсең, ұшқанда соны ілерсің» суреттер берілген.( слайд)

Ата- аналар осы нақыл сөз төңірегінде ой бөліседі.

ІІ. Топтық жұмыс.

1-топ тапсырмасы : «Өнегелі отбасы» тақырыбында өз ойларын плакатқа түсіріп, оны қорғау.

2- топ тапсырмасы: «Білім сапасын көтеруде ата- ана өз тарапынан не істей алады?» (қорғау)

3- топ тапсырмасы: «Бала кім?» (ойларын плакатқа түсіріп, қорғау)

ІІІ. Психологиялық тренинг «қоштасу»

Әр ата- анаға кеспе қағаздар таратылады. Балаңыздың қандай жағымсыз, жаман қылықтардан аулақ болғанын қалар едіңіз? ( Ата- аналар қағазға жазып, оны бүктеп лақтырып тастайды)

ІV. Суретпен жұмыс

«Әке- асқар тау, ана- бауырындағы бұлақ, бала – жағасындағы құрақ»

Бұл нақыл сөзді қалай түсінесіздер және бүгінгі жиналыс тақырыбына қандай байланысы бар?

(ата- аналар ойлары тыңдалады)

V. Қорытынды.

Жүргізуші:

«Тек қана ата- аналармен бірге жалпы күш- жігерді біріктіру арқасында мұғалімдер балаларға үлкен адамдық бағыт беруі мүмкін» деген екен В.А. Сухомлинский . Сондықтан, балаңыздың тамағының тоқтығы мен көңілінің көктігіне қарайтын, құр асыраушысы рөлінен шығып, ендігі жерде сіздің алдыңызда балаңыздың білім алу жолындағы серіктесі болу міндеті тұр.

Міндетімізді орындаудан қашпайықІ Қатысқандарыңызға рахмет.