Қайырлы күн, құрметті сайысқа қатысушы лар, әділқазы алқалары!

Бүгінгі жалпы орта білім беру ұйымдарында педагогикалық шеберлікті арттыру және шығармашылық әлеуетін барынша іске асыру, сынып жетекшілерінің әлеуметтік мәртебесін арттыруына ықпал ету мақсатында өткелі отырған аудандық «Үздік сынып жетекші» байқауына қош келдіңіздер!

Байқау екі кезеңде өткізіледі

І кезең – сырттай

• – Креативті сынып сағатын өткізудің толық жоспары және оның өткізілуі туралы бейнеролик, 3 мин. (Әлеуметтік желіде жарияланып, сілтемесі қоса беріледі)

• - «Мен үшін сынып жетекшілік – бұл...» тақырыбында 1 беттен аспайтын эссе

ІІ кезеңі екі турдан өткізіледі

• Бірінші тур. «Шабыт шеберханасы»

Қатысушы өзінің шығармашылық жұмысын немесе авторлық идеясын ұсынады (мысалы: тәрбие жобасы, әдеби көрініс, өлең, ән, сурет, шағын қойылым, т.б.).

Тақырып мектептерде жүргізіліп жатқан «Аманат» ұлдар және қыздар клубының аясында тандалады, тәрбиенің мазмұны мен құндылықтарына сай болуы шарт.

• Екінші тур. «Бір бағыт, бір мақсат:бала болашағы үшін»

–Ата-аналармен ынтымақтастық мақсатындағы бағдарламасының немесе жобасының презентациясы. (5 минут таныстырылады)

Аудандық байқауға қатысуға 9 сынып жетекшіден өтініш түсті. Байқаудың І кезеңі бойынша сайысқа қатысушылар «Мен үшін сынып жетекшілік – бұл...» тақырыбында эссе және Креативті сынып сағатын өткізудің толық жоспарын және оның өткізілуі туралы 3 мин бейнероликтің сілтемесін жолдаған болатын. Ол кезеңдер бағаланып, қорытындысы шығарылды. Келесі екінші кезең осы жерде өткізіліп, ұпайлары біріктіріліп, қорытынды баға қойылады.

Бүгінгі байқауымызды бағалайтын әділқазы алқаларымен таныс болыңыздар:

Байқаудың төрағасы , мектептен тыс жұмыс орталығының директоры, «Аманат» ұлдар клубы бағдарламасының авторы – Байболатов Самат Сергейұлы,

Мүшелері:

Багиджанова Эльмира Танатаровна – Шыңғырлау колледжінің директорының тәрбие ісі жөніндегі орынбасары;

Курмашова Алтынай Сагиндыковна – Шыңғырлау АБББ әдіскері;

Байқауға қатысушы сынып жетекшілерімізбен таныс болыңыздар:

Бұл байқау тәрбие жұмысын үйлестіруші мамандардың кәсіби шеберлігін көрсетуге арналған маңызды алаң. Бұл – тәжірибе алмасу, жаңа идеялармен бөлісу, және «Адал азамат» біртұтас тәрбие жүйесін дамыту жолындағы жарқын бастамалардың бірі.

Байқауымызға қатысушыларға сәттілік тілейміз.

Ендеше байқауымыздың келесі кезеңін бастауға рұқсат етіңіздер.

ІІ кезең

• Бірінші тур. «Шабыт шеберханасы»

Қатысушы өзінің шығармашылық жұмысын немесе авторлық идеясын ұсынады (мысалы: тәрбие жобасы, әдеби көрініс, өлең, ән, сурет, шағын қойылым, т.б.).

Тақырып мектептерде жүргізіліп жатқан «Аманат» ұлдар және қыздар клубының аясында тандалады, тәрбиенің мазмұны мен құндылықтарына сай болуы шарт.

Орындау уақыты: 7 минут.

• «Екінші тур. «Бір бағыт, бір мақсат:бала болашағы үшін»

–Ата-аналармен ынтымақтастық мақсатындағы бағдарламасының немесе жобасының презентациясы. (5 минут таныстырылады)

Ортаға 1-ші нөмірлі қатысушымыз ________________ шақырамын.

«Үздік сынып жетекші» аудандық байқауымызды қорытындылау үшін әділқазы алқаларына сөз кезегін беремін.